|
العـيــــــد اتحرى العيد اكثر مــن طفـل وأتعذر فيه لجل اسأل عليــك واسرق اللحظات منك بالعجـل فيها ابارك لك وابارك عمري فيـك ينتهي عيدي وتوه ما اكتمـل يوم ماتسحب من يديني يديـك ولو هزمت الخوف يهزمني الخجـل ما اقدر اهمس انتظر لحظه ابيـك لين ضاعت فرصتي دمعي انهمل كيف تخذلني وانا اللي محتريـك كنت ابي قربك ولكن ما حصل انتظر لعيدي الثاني واجيـك ياعل ايامكم كلها اعياد وافرح.. :) |
تسوى عيوني مـاقلت احـبك ولا قـد قلت ماحبك احـب مـالي عـيوني وانت تسواها لو تدري اش كثر تعني لي تعرف انك اخـر امـل فـي حياتي واول مناها يـاكثر احـس ان بك مني وبي منك روح قـسمها عـلى شخصين مولاها لا تقول وش تحب فيني اعشقك كلك مـن لـيل شعرك لكلك واخر اقصاها سـميتني نـصفك الـثاني وياشحك انـا بـسميك كـلي وانـت مـعناها تـعبت اوديـك لـه يـاقلب ويردك لا اخـذ حـلومي ولا خلاني انساها كـل الـحمام استراح وناح في ظلك والورد الاصفر سقته الروح من ماها لـيتك بـعمري ثلاثة اشخاص ماملّك واحـد معي دوم وواحد روحي يملاها والـثالث بـجفن عيني لا فقد حسك او غـمض الجفن جاني فيك يتباهى مـو بـس احـبك انا والله من حبك احـب حتى ثرى الارض اللي تطاها ( طلال الرشيد ) |
السلام عليكم ورحمة الله، أعتذر إن أثقلت بكثرة المشاركات هنا بس عثرت على موقع لشعراء كتير حلو،وحبيت تقرؤوا هذه القصائد الجميلة واللطيفة أيضا.. قالـوا تحبـه قـالوا تـحبه قـلت ماهوب بالحيل بـس انه أغلى شوي من نور عيني يـسوى جميع الجيل الأول وهالجيل أحـبـائي الـمـاضيين والـمقبليني شوقي له أعظم من ظما الأرض للسي وأشـفق عـليه أكثر من أم الجنيني وأحـتاج لـه حاجة ثرى مصر للنيل وعـليه أغـار ولو من ما للوالديني أشـتاق لـه شـوق الـمحبين لليل وأرتـاح لـه راحـة دموع الحزيني لا صـار جـنبي لو سنه وقتي بخيل ولا غـاب لو لحظات صارت سنيني قـالوا يـحبك قـلت هـذا هو الويل مـا ودي أنـشد ثـم رفـضه يجيني وأهـدم رجـأي بدبرتي مثل ما قيل والأفـضل أحـيا بـالأمل لو لحيني يـا حـبكم يـا نـاس لـلقال والقيل والأمـر لـو سـهل يـصبح مهيني خـلوني أحـيا في الوهم يا عواذيل وش دخـلكم والأمـر بـينه وبـيني (سعود بن بندر) |
تسلمين حبيبتي مسلمة
كل اللي نقلتيه روعه ربي يخليك يا الغلا :) |
إقتباس:
صح لسانك ولسانه |
سمرت سمرت بصحبة حروف القوافــي .... أحمّلهـــــا تناهيـــت خـوافـــــــــي أشكّـل بالحـروف ألـوان صــورة .... أحـرّكها مــن المعنــى بـصافــــي أشيل الحرف من معنى لمـــعنى .... وأداري ما ظهـر وأظهــر بخافــي وإلا منـي عطيت الحــرف ونّـــّة .... بـها حرفـي على النجمات طافـــي يقـوّم كـل نجــمٍ مـــــــن منـامــه .... أنـا ما نيـب أسامـر نجــم غافــــي يجينـي كل نجــــــمٍ منــه مـــعنى .... ولا قـــد قـلـت للنـجمـات كافــــــي تصورلـي دمـــوعٍ وابتسامــــــه .... مـن عيــونٍ تقصـوت ما تشافــــي ألا يا نجـــم يا عــالي تبصّـــــــر .... شـف بعـين المحبــة عيـن وافـــي وخبـرني عـن علـومـه وحالـــه .... عـسى قلبـه مــع الأشواق دافـــي وخبّر صاحبـي عن حـال خلّــــه .... تـرى يمشي على الأشواك حافـــي ولو ممشاي فـي جمـرٍ يفيـــــده .... مشـيـت بجمرهــا كنّــه عوافـــــــي ولكـن وش يفيـده لـو ذبحنـــــي .... ومـن يوصـف جماله عقـب قافــــي الشــاعر خالد الفيصل |
إقتباس:
جميل هذا الاحساس :) |
واحشنى واحشنى صوتك الدافى وقطر العمر والترحال واحشنى شعرك الصافى واحشنى والله كام موال واحشنى أشوفك تطمنلى روحى وأطبطب جروحك تطيب جروحى واحشنى سلامك كلامك عنيك واحشنى اهتمامك ورعشة ايديك واحشنى يا صاحبى بكل اللى فيك واحشنى وشوقى اليك بيناديك واحشنى يا حاسس بفرحى وأهاتى يا عارف وفاهم كلامى وسكاتى واحشنى وبدونك ما تسوى حياتى وكلمه فى سرك .. أنا روحى فيك واحشنى يا صاحبى وأخويا العزيز واحشنى الكلام الظريف اللذيذ ولو كان فراقك يشل ويغيظ بيكفينى انى .. بعيش بس ليك واحشنى ... محمد يوسف شاعر عامية سكندرى |
شبيه الريح... وش باقي من الآلام والتجريح.. وش باقي من الأحلام.. وش باقي من الأوهام.. غير إني.. ألاقي في هجيرك فيْ..ألاقي في ظلامك ضيْ.. وأوقد شمعتي في الريحْ *** شبيه الريحْ.. إذا تسمحْ بغيب شويْ.. أبجمع همِّي الباقي.. وأدفنْ صبري الذابلْ.. في أوراقي.. وابرجع لك..إذا باقي في نفسك شيْ *** شبيه الريح.. أنا مقدر أكدِّر صفوكَ العاصفْ شبيه الريح .. أنا مِنْ لي سوى إحساسك الجارف.. بقايا زيف أشواقي.. سما أمطار أحداقي.. شبيه الريح.. وشْ باقي ؟ *** أبي أعرف.. متى تسكن رياحكْ ؟ وابي أعرف .. غروركْ هو متي يطلق سراحكْ ؟ وابي أعرف.. متى تعصفْ..؟ متى تعطفْ..؟ متى تترف جراحكْ..؟ وابي أعرف إذا باقي في بحرك موج.. أكسر فيه مجدافي وأبي أعرف ..إذا باقي في همَّك هَمْ ..ماشالته أكتافي وابي أعرف ..إذا باقي في هالدنيا حزن ..مامرِّني واستوطن أطرافي وابي اعرف..إذا باقي من المعجز في هالدنيا .. سوى ((العنقاء)).. والا ((الغول)).. والا خلك الوافي؟!! بقايا زيف أشواقي .. سما أمطار أحداقي.. شبيه الريح.. وش باقي ؟!! *** سنيني يمْ.. وقلبي المركب المتعب..وأنتَ الريحْ.. مجاديفي عذاب وهمْ.. وزادي الوجد والتبريح.. وصبري صبر بحارة.. بغوا في البحر محارة.. غشاهم موج.. كان من الغضبْ أغضبْ.. وكانوا للهلاك أقربْ.. لولا كثَّروا التسبيحْ.. شبيه الريحْ.. *** حبيبي الأصدقْ الأكذبْ.. عجزت أوصلْ شواطي.. طبعك الكذَّاب.. تعبت أنظر .. في وسط العاصفه.. قلب وشعور وعاطفه.. تعبت أجمعْ ألم كلِّ المـوادعْ.. في المـواني.. واحضن أطيافك تعبت السُّهد في ليلِ الشوارعْ.. والثواني ..تنظر إنصافك.. تعبت الظلم.. واجحافكْ.. *** شبيه الريحْ.. أنا ودِّي أكدِّر صفوك العاصفْ .. شبيه الريحْ أنا كني نسيت إحساسك الجارف.. بقايا زيف أشواقي.. سما أمطار أحداقي شبيه الريح.. كيف أسألك : وش باقي ؟! وأنا الباقي من إحساسي... ذرته الريحْ - عبد الرحمن بن مسـاعد - |
يا خاطري ..لاتطلب إنصاف وحقوق .. مبطي وأنا اللي مانصفني زماني ...
كم غيمة مرت وعلمي بها فوق .. أبطت عليّ وغيثها ماسقاني ... والماطر اللي ينتثر ديم وبروق .. أمطر على كل الجهات ونساني ... |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.