قاعده بتغزل خيوط الامل للحبيب طاقيه وشال
 

[FRAME="11 70"] قاعده بتغزل خيوط الامل للحبيب طاقيه وشال

--------------------------------------------------------------------------------


قاعده بتغزل خيوط الامل للحبيب طاقيه وشال
بتتغزل فى عيون حبيب القلب وتنسج احلى الامال
بتدعيلوة يرجع ويخطف م الزمن ما تشال
ورموش عينيها تغطى عليه وهى فرشاله
حبيبتى هى بكره وبعده وهى السند على الغربه والترحال
هى البيت والغيط والفاس وهى برضه الدقيق فى الغوربال
ياترى مين عرف حبيبتى ام الكحله والخلخال
حبيبتى ياعم هى الغزل والغزال
حبيبتى ياعمنا ولا اجدع ميت غزال
حبيبتى يتوة فى رموشها والكحله ويقوم علشانها ميت زلازل
سالونى عنها قلت ياناس دى جمالها محال
احكيلكم عنهاا ايه ولا وايه دى.. الغنوه فى الموال
حبيبتى ياولا
ام الغيطان والسواقى والشطوط والبحر والنيل
ام العيال السمرالى عدوة بينا من الاهوال
حبيتى ياولا...مصر
ام الجمال الشوامخ وهى اصل لكل جمال
وهي حبيبتي وأم حبيبي جمال
ياللي زيه في العالم محال
باني السد ومحرر القنال
ودا للفلاح من أرضه لقمة حلال
ام جمال وحسين ومينا
ام الف شط والف الف سفينه
ام الرجال... والجمال والبنت الكحيله
ام المنديل على القوره مالوش لاحل ولا حيله
ام الضحكه معجبانى.. والدمعه اه يانى
ام الكفاح والسلاح والعيون غزلانى
بحبها يابشر وحبها فى القلب ربانى
ام طوابير العيش والمش والقراقيش
ام الصبر والتنهيده زيها مافيش
انا مهما طفت وشفت غيرك يابلدى ماليش
يامصر.. ياحضنى وحزنى وغناى فى اليالى كما الدروابش
هي زيها ما فيش
في المخ اللي جوة الطرابيش
أم طه والعقاد ونجيب أبو قصص حرافيش
العرقانين عشان لقمة نظيفة وعيش
وبسمة وقفشة وفرافيش
تعيش مصر عزيزة تعيش
انت فاطمه...بتخبز ويه امها فى العيش
ولا زينب ...اللى ابنها بيحرس حدودنا فى الجيش
ولا بهانه...اللى سارحه بالفجل والزمن شبع فيها تلطيش
المهم انك مصريه
بالدم مش بالجنسيه ودمك شربات وزيه مافيش

نزار المصري[/FRAME]

[FRAME="11 70"]جميلة أيها الشاعر هذه العامّية المصرية الألقة .
ذكرتني هنا ببيرم التونسي وآخرين .
تحياتي لكم وكامل تقديري أخي نزار .
وددت لو تعدل الخط والتنسيق ستعطيها جمالا ورونقا .
والسلام عليكم ورحمة الله وبركاته[/FRAME]

أخي نزار المصري جميلة منك هذه الأغنية الشعبية التي خرجت من قلب مصري وأعتقد أنه ليس من المستحيل أن تكون مصريا بالجنسية والدم
تحاياي

اخى شاعر الحب... نسعى جميعا للرقى بالكلمه

اشكر مرورك الكريم