|
عايز أقول
عايز أقول
عايز أقول الشعب المصري دا أحسن شعب وأكرم شعب عايز أقول بلدي عظيمة لا في رياء ولا فيه نفاق ولا فيه كذب الشعب المصري يعني فئات الشعب الحرة تعيش ف أمان و كمان إن رغيف العيش متوفر من غير زحمة ولا قلبان المصري فلاح شقيان قاعد ع الجسر مستني يروي الفدان المصري صورة جميلة يرسمها بريشته الفنان المصري موظف غلبان جايله مدارس وملابس عايزة الولدان جاي العيد وكحك و لحمة وكفاية إنه ماجاش رمضان المصري كلام معسول يتغنى بيه مطرب ولهان المصري نعيش ف سعادة ورخا ومحبة وفي اطمئنان المصري ما فيش برشام أو بانجو ولا تحشيش ولا إدمان امتى أقول الشعب المصري دا أنظف شعب وأطيب شعب لما نحقق كل وعودنا مافي نفاق ولا فيه رياء ولافيه كذب ممكن أقولها بدون إحساس ممكن أقولها أراضي الناس ممكن أقولها وانا ف توهان ممكن أقولها علي ضغوط من أي مكان عايز أقولها وانا مطمن و مافيش خوف م الجلاد او م السجان مصر عظيمة .. عظيمة بنيلها وبترابها كمان عايز أشوفها عزيزة كمان وحافظة كرامة الإنسان عايز أشوف العالم كله بيعاملنا باستحسان عايز أعيش في عشة بعيدة ولاحدش فية طمعان عايز آكل لقمة نظيفة مايتحكم فية الفران عايز أشوفلي وظيفة شريفة تريح ابني القلقان عايز ألبس هدمة سليمة تسترني مافي حاجة تبان عايز أدخل ابني الجامعة دا التعليم كان بالمجان عايز أعالج أم عيالي من يومها عايشة ف توهان لما موظف يقفل درجه و لا فيه كوسة ولا بدنجان لما تحقق كل آمالي أقدر أقولها بكل لسان الشعب المصري دا أكبر شعب وأحسن شعب وأطيب قلب والله حقيقة ما في نفاق ولا في رياء ولا فيه كذب فكر وحبر / ياسر سنجر |
هل يا ياسر الشعب المصري تغير أم هو هو .
أظن أنه تغير طبعا مازالت هناك الأصالة في ناس . شكرا لك مررت من هنا . تحياتي وتقديري . والسلام عليكم ورحمة الله وبركاته |
أعجبني البيتان الأول والثاني ، وتكرارهما بشكل دائري في نهاية النص ، ففي الحالة الأولى كان الحديث سخرية ً والحالة الثانية كان الحديث بحالة من الجد .
هناك سقطات في الوزن وكانت بسيطة ،إلا أن الذي بين يدينا زجل ينصبّ على الكتابة المباشرة وهذه طبيعته أصلاً . عمل فيه صدق المشاعر والأحاسيس عسى أن تنصره الصورة الشعرية الأرقى فيما بعد . وفقك الله ولا تحرمنا ما جادت به يداك . |
السلام عليكم ورحمة الله وبركاته
اتحفتنا يا ابو عمار بالنغم المصري انا اصحابي كلهم مصريين وطيبين والاعجوبة انه لما بنتجّمع في المسجد من كثير من الدول العربية بتكون اللهجات مختلفة وغير مفهومة في الحديث ولكن اللهجة الوحيدة التي تجمعنا هي المصرية دمت بخير اخي الكريم وتقبل مروري |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.