|
طير المقنين الزين لشيخنا الباجيVs عصفور النونو لأميمة
قصيدة المقنين الزين لشيخنا الباجي أداء تاع شيخنا عمر الزاهي:
http://www.youtube.com/watch?v=fZkE8Rpu-k4 هدي قصيدة تكتبت في سجن بربروس سركاجي رهيب في اعالي عاصمة دزاير وقت حرب مع فرنسا هدي قصيدة تكتبت في couloir de la mort روق لموت اللي كان يعزلو فيه ناس اللي محكوم عليها بالاعدام بسباب مشاركة فالحرب على فرنسا هدي قصيدة هي اعضم عندي من النشيد لوطني "قسما بالنازلات الماحقات و الدماء الزاكيات الطاهرات" علاش؟؟؟؟ لان الشاعر مفدي زكريا لما كتب النشيد في سجن بربروس رهيب في روق الموت كتبو لجزاير و لمبدا ديال تحرير البلاد مهما يكون تمان لكن غنية تاع شيخنا موح الباجي كتبها و هو مسجون بسباب الجهاد ديالو ضد فرنسا حكمو عليه بالاعدام على هديك كان يفكر باللي جامي راح يزيد يلقى حبيبتو الحرية و حبيبتو اللي محتفظ بالخاتم ديالها معاه و هو منتظر فالاعدام داخل زنزانة على هاديك بقات الغنية هادي صدا كبييير عند الناس من هداك الوقت حتى لدوك و كل جيل يعنيها و يخليها لجيل وحد آخر يقول في مطلع ديال الغنية: لاموني ردوا الجواب كان معاكم ضي الهلال يا ريام اللي زايرين ( يبحت على حبيبتو بين الزايرات و هو كان ممنوع من الزيارة) منبعد يشبه نفسو بالمقنين (الطائر مغرد جميل فدزاير) يقول: يا المقنين الزين يا صفر الجنحين يا حمر الخدين يا كحيل العينين هدي مدة و سنين انت في قفص حزين تغني بصوت حنين لا من بعرف غناك منين؟ تغني تتفكر ليام اللي كنت فيهم حر تفرفر فالهوا طاير تعشش فالشجر مين راك ربي الحنين تحكمت من دوك الجنحين لا ما و لا قوت بنين يا لمقنين الزين اللي ماجرب شي لمحان ما يجيبلك خبر و اللي ما عرف قيمتك يا طير يشويك على الجمر اللي مكتوب من الله مقدر لازملو الصبر نبي يوسف سكن قلبو فيه دا لحشر تحشر بضعة من سنين بقى يعقوب عليه حزين من بكاه تعمى من العينين يا المقنين الزين هدا الخاتم هدا الخاتم فين هي مولاته هدا الخاتم هدا الخاتم فين هي اللي خلاتو لله يا الهاتم قولي فين هي؟ فين هي اللي من صبعها نحاتك فين هي اللي في رسمي خلاتك؟ فين هي اللي غابت و تركاتك؟ لله يا الخاتم غير اتكلم بجاه الله غير اتكلم كلمة وحدة حطيت الخاتم على صدري حسيت بنار لهيبة ربي انت تعلم ضري سباب عدابي فراق الحبيبه تربيت معاها في صغري كانت لي فالحومه قريبه غابت و تحير فكري آش من يوم تزول هاد الشده؟ غابت..عن عيني و خفات مقرونة الحواجب ام لعيون سودا زينها لا ريت مثلو هيهات في زمان امس اليوم و غدّا و بقيت انا و التفكيرات في زمان الفايت و عدّى عيوني بالدمع جرات آش من يوم تزول هاد الشده كحل عيونك مادا ريات؟ يا الشايعة في لبنات خلقك ربي في احسن ذات منك ذاتي راهي معدومه بقات عمري في يديك محكومه مريومه يا الورده خد المشموم مريومه يا البدر الضاوي بنجوم مريومه. عصفور طل من الشباك وقلي يا نونو http://www.youtube.com/watch?v=5dv7yH-agl0 |
العزيز امغار
نرحب بك في الخيام ويسعدنا ويشرفنا ان تكون بيننا قصائد جميلة لشاعر رائع ,,,,جهودك تستحق الشكر لا تحرمنا من ابداعك .....كن بالف خير ,,,,ريا |
مارسي ريــا
|
ميت هلا
سؤال لو سمحت أمغار بنت والا شاب ...كي لا أحتار بالحديث معك كل الاحترام |
أزووووووووووول أمغار
|
إقتباس:
|
غنية باهية عندى في بي سي نتاعى بصح ضرك رانى نسمع في الحراز
|
ياجزاءريين
كيفكم يارب تكونوا بخير بس والله مابفهم كلامكم ممكن تبسيط شوي كل الحب |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.