|
قبوط الحاج زعيبل
بِسْمِ اللّهِ الرَّحْمَنِ الرَّحِيمِ سالفة من الزمن الديمقراطي الاغبر قبوط الحاج زعيبل شبكة البصرة لاحظ حاج زعيبل ظاهرة غريبة اثناء تجواله في سوق (الولاية) هو وصديقه رحيم ابو النفط. فقد انتشر في السوق، وعلى الارصفة، باعة من مختلف الاعمار، وفيهم النساء والاطفال، وكل واحد امامه (قبوط) يعرضه للبيع، قبوط واحد فقط لاغير. ما ان اقترب الحاج زعيبل ورفيقه من الباعة حتى هبوا عليه (كدركة زنابير) والكل يحاول ان يغريه بشراء القبوط الذي يعرضه: - حجي، هذا القبوط عليك جيس وسبيل...... - زاير، لايفوتنك هذا القبوط، وروح الحسين هذا القبوط مزوّر... - حجي، والله هذا القبوط ماملبوس ولامرّه..... - حجي، ايكلك السنة الجاي برد اكشر، لايفوتنك هذا القبوط ابو الفرو..... - خوية فدوه الك، اشتري مني هل القبوط، عندي يتامة واريد اروح اسويلهم لكمة ياكلونهه استغرب الحاج من هذه الظاهرة وقال لرحيم ابو النفط : شنهي السالفة يرحيم، ايصير طاحت بالهورة (زرّة) قبابيط واحنه ماندري؟ ظلت المرأة تطارد حاج زعيبل وتتوسل به ان يشتري قبوطها : خوية ابو الغيره احسبهه صدقه، بيش ماجان ابايعك، شتنطيني انعم الله... ولما سألها عن السعر قالت : الجماعة كلهم يبيعون بخمسين الف، انطيني ثلاثين الف واخذه. ولما تأكد من صدق ادعائها وعرف ان باقي الباعة يطالبون بخمسين الف دينار لقاء كل قبوط قرر ان يشتري القبوط الذي تعرضه المرأة. قام بلبس القبوط فوجده ملائما لمقاسه، فدفع ثلاثين الف دينار للمرأة وعاد الى بيته. ما ان وصل الى البيت وشاهدته (الحجيه) وهو يرتدي القبوط حتى صاحت : يع، جا انت اشتريتلك قبوط فاستغرب من سؤالها قائلا : ها حجية شني السالفة؟... قابل ارتكبتلي جريمة من اشتريت قبوط فقالت لا، مو انه هم اشتريتلك قبوط فغضب وقال : وياهو اللي كالج تشترينلي قبوط فلما ادركت انه غاضب منها قالت متداركة انه بعدني مادفعت فلوس لأم راشد، ولا لأم فاطمة، ولا لأم تغريد، كتلهن خلن قبابيطجن يمي واذا الحجي اجه هو اللي يتخير استغرب من سماعه اسماء النسوة الثلاث وقال : شنو حجيه نسوان الديره كلهن صارن دلالات - والله ماادري يحجي، اشو اليوم كلساع وتجيني وحده جايبه قبوط اتريد اتبيعه، وتكول القبوط اجه هدية لزوجهه، وطلع زغير عليه،وتريد اتبيعه. - والسوك هم مليان قبابيط، نسوان وزلم مبسطين بقبابيط - يع،شنهي السنه دارت على قبابيط مد الحاج زعيبل يده الى جيب القبوط ليستخرج علبة السكائر، وعندما اخرج العلبة خرجت معها ورقه ووقعت على الارض، تناولها وفتحها، وما ان قراها حتى صاح : تعاي حجيه شوفي اشمكتوب!! - ها يحجي،شلكيت عوذه؟! - أي، عوذه مال سختجيه.... اسمعي شمكتوب وراح يقرأ بتأني وبطريقة ملائية ايها المؤمن :لاتنسانا من بركات صوتك يوم الأنتخابات. ايها المؤمن : لاتنسى ان الزهراء وابنها الحسين عليهما السلام يريدان منك ان تعطي صوتك لقائمتهم،ليجزياك عن ذلك جزاء كبيرا. ايها المؤمن: لاتنسى اليمين الذي اقسمته وتذكر ان الله لايحب الخائنين - يع هاي شنهي معناهه - معناهه واضح يحجية، بدلوا البطانيات بقبابيط، بس كل قبابيطهم طلعت ضيكه والحمد لله. خرج حاج زعيبل لملاقاة صاحبه رحيم ابو النفط ليطلعه على لغز (زرّة) القبابيط، فوجد ان رحيم ومعه مجموعة من الناس متجمعين امام بيته وكل واحد بيده ورقة تشبه ورقة حاج زعيبل التي وجدها في القبوط. صاح حاج زعيبل : ها.... عرفتوا سالفة القبابيط فصاح رحيم ابو النفط : هو هو هو فرد الجميع : هووو هوّس رحيم قائلا : شما تلبس رباط وتنكلب خنفوس شما تنزع العمّة وتلبس الكبوّس قبوطك يظل ضيّك ومعفوس وكلاوك بعد مايطب بالروس بوعينه.. تظل حاير ومحيوسس ومكشوفة العابك كلهه ومكشوفة العابك كلهه مرسلة بواسطة الاستاذ ودود فوزي |
تم نقل المووضع اختى اقبال الى قسم صيد الخيمة
اما حكاية قبوط القبابيط طلعت هدية منى اى حزب سياسي |
ما أعرفه من مفردات هذا النص الساخر:
- حجي، والله هذا القبوط ماملبوس ولامرّه..... القبوط: المعطف .. ما ملبوس: لم يُلبس سابقاً - حجي، ايكلك السنة الجاي برد اكشر ايكلك: يقول لك.. برد اكشر: برد قاسي يكشر عن أسنانه خوية فدوه الك، اشتري مني هل القبوط، عندي يتامة واريد اروح اسويلهم لكمة ياكلونهه خوية فدوه إلك: أخي أرجوك وأفتدي نفسي لأجلك عندي يتامة واريد اروح اسويلهم لكمة ياكلونهه: لدي أيتام أريد أن أذهب لعمل (لقمة) لهم ليأكلونها. شنهي السالفة يرحيم، ايصير طاحت بالهورة (زرّة) قبابيط واحنه ماندري؟ شنهي السالفة يرحيم : ما هي القصة يا رحيم ؟ ايصير طاحت بالهورة (زرة) قبابيط واحنه ما ندري؟: هل يجوز أن حط رف من (الزرزور) مكون من معاطف في (الهورة: المستنقع ـ من الأهوار) واحنه ما ندري: أي ونحن لا نعلم ذلك. يع، جا انت اشتريتلك قبوط فاستغرب من سؤالهاقائلا : ها حجية شني السالفة؟... قابل ارتكبتلي جريمة من اشتريت قبوط يع: تشبه (يا خرابي بالمصرية)، جا: تلفظ بالجيم الثقيلة مثل (تشيك) وتعني: يا ترى. حجية : الحاجة. شني السالفة: ما هي القصة. قابل: هل يعني أنني. ارتكبتلي : ارتكبت أنا، مِن: عندما. فقالت لا، مو انه هم اشتريتلك قبوط يعني: أنا أيضاً اشتريت لك معطف فغضب وقال : وياهو اللي كالج تشترينلي قبوط يعني: من قال لك أن تشتري لي معطف. كتلهن خلن قبابيطجن يمي واذا الحجي اجه هو اللي يتخير يعني: قلت لهن، أتركن معاطفكن عندي، والحاج (زوجها) سيختار. - والسوك هم مليان قبابيط، نسوان وزلم مبسطينبقبابيط والسوق أيضاً، مليء بالمعاطف، نساء ورجال يعرضونها. تعاي حجيه شوفي اشمكتوب!! تعالي وانظري ما مكتوب معناهه واضح يحجية، بدلوا البطانيات بقبابيط، بس كل قبابيطهم طلعت ضيكه أي في الانتخابات السابقة كان المرشحون يرشون الناخبين ببطانيات، فاستبدلوها هذه الانتخابات بمعاطف.. وبتهكم يقول: أنها كانت ضيقة أي لن تمر على الناخبين! هوّس رحيم قائلا : هتف رحيم قائلاً: شما تلبس رباط وتنكلب خنفوس شما تنزع العمّة وتلبس الكبوّس قبوطك يظل ضيّك ومعفوس معناه: مهما بدلتم ملابسكم ورشاويكم لن ينفعكم ذلك. وكلاوك بعد مايطب بالروس كلاو: هو بالأصل قبعة الرأس التركية، ولكنه مجازاً يقال للحيلة: والحيال أي صاحب الحيل بالعراق يقال له : كلاوجي يعني الهوسة التي هتف بها الحاضرون للتهكم: أنه لم تعد حيلكم تنطلي علينا. |
Powered by vBulletin Version 3.7.3
Copyright ©2000 - 2024, Jelsoft Enterprises Ltd.