جتني وقالت جيت اودعك واروح
اخر وداع وكلن الله يعينه

اقفت وراحت وتركت شخص مجروح
شخص من الحسره يصفق يدينه

ثم اوقفت ثم ناضرت ودها تبوح
وتشرح ظروف قاسيات لعينه

لمحت انا دمعه على خد مملوح
تفسير صادق من تعابير عينه

ثم قلت له معذور يازين مسموح
عرفت انا كل الخوافى الدفينه

لحظة فراق فرقت روح من روح
وتشييع حب ماضيات سنينه

ياما بنينا بحبنا احلام وصروح
لكنها صارت منازل حزينه



محمد نشمى

ودعتها واخفيت عنها دموعي "
" خايف تحس بحسرتي والتياعي
ودعتها والقلب مني جزوعي "
" جزعٍ من الفرقا قليل المساعي
حيث الفراق لمن تولع يلوعي "
" لوعات فرقاه ماوراها اجتماعي
في لحظة التوديع هديت روعي "
" بيني وبين النفس قمة صراعي
اخفيت ما حسيت بين الضلوعي "
" خايف عليها لا تحس بضياعي
قالت فمان الله وانطر رجوعي "
" واشرت بالتوديع حال استماعي
ساكت ولا رديت ماهي طبوعي "
" من عبرتي تفرض علي امتناعي
حان الرحيل وحان وقت الفجوعي "
" واقفت وأنا عيني عليها تراعي
بين الرجا واليأس صبري يموعي "
" على الوداع اشلون قلبي استطاعي
من عقبها اسهر مسندي راس كوعي "
" لأنام خالي البال تميت واعي
تومي بي الحسرات من غير طوعي "
" هذا الغلا ماهو غرام صناعي
اقنب كما ذيبٍ تقفاه جوعي"
" لامن ذكرت فراق حلو الطباعي
اللي لاجله هان عندي خضوعي "
" والله مانسى دمعته في وداعي

:New10: :New10:

شفت العنوان في الشريط .. قلت ماهر بيودع:New12:

قلت خليني ألحق وأقول للوافي يعيني على استراحة الحوار ويشوف غيري على السياسية :New6:

طلع الموضوع لصاحبة " خليني أفكر":tng: :New14: :New14:

ابارك لك واودع كل دنيا الحب والاحباب &&نصيبي بالهوى حبك وصرت لواحد غيري
اعزي فيك حظي والخفوق الي من اجلك ذاب && ولاطاع يتبدل فيك ... غيرك يامخاسيري
واعزي فيك شعر ماقبل غيرك وبعدك شاب && تقل كفك هي اللي تامر حروفي وتعبيري
واعزي فيك عين كن زولك رمشها ماغاب && وغيرك عنك لوطال القمر ..ماطال تغييري
احبك حاضر عندي واحبك لوطواك غياب && واحبك مثل نفسي ياكسر نفسي وتجبيري
احبك لاجل حبي لك وقلبي منك مايرتاب && ولا يقبل غلا غيرك .. ولا يقبل معاذيري
احبك صوت احبك زول احبك روح ياجذاب && واحبك حب اكبر من مدى شعري وتصويري
صحيح اني جريح فراق روحي والجروح اسباب && صحيح اني تعديت الحدود وطال تكديري
وصحيح ان اللهيب بخافقي ياخافقي شباب && وصحيح اني بنفسي ضاع ... تفكيري وتدبيري
بكى لك دمعي الوافي ولا والله عليه اعتاب && وتلاشت يامدى صدق الهوى عندك مشاويري
تفارقنا فراق عيون لكن القلوب احباب && وتمنيت السعاده لك ولو مع واحد غيري


عبد العزيز المتعب