|
موال ..... بقلمى
بسم الله الرحمن الرحيم الأوله آآآآآه...والتانيه آآآآآه...والتالته آآآآآه ... الأوله آه ...عايش كأنى غريب فى بلادى بعلو حسى عمال بأزعق وبنادى أنا ابنك يا مصر ولا أنا من الأعادى والتانيه آه ...لما عدوى يكون جارى وشه فى وشى وبياكل فى طبقى ليلى ونهارى وفجأة يغدر يخون ...يخرجنى من دارى والتالته آه...طبعك غدار وخاين يا زمانى لما تضحك يوم ببقى خايف من التانى لأنجرح فيه ...وتبقى الجراح سكنانى الأوله ...غريب بس بحبك يا بلدى والتانيه ...يا جارى ده انت فى غلاوة ولدى والتالته ...جرح الزمان والله لأداويه بيدى |
سلامتك من الاآآآه
فالاولة بلادي بلادي ولا جارت علي بلادي. والتانية جاري وصى عليك النبي الحبيب الغالي والتالتة الزمن دوار حتى لو أعطاني ما يرتاح بالي |
حركت بدخلنا الشوق للمواويل..... كتبت الموال المصري بحرفيه رائعه
تقبلي موالى المصري قاعد على شط الاسمر النيل قاعد بيحكى عن ابو زيد وسعد اليتيم فى المواويل علم الكلام بيبتدى بالكلمه الطيبه د ي فن اصيل يارب... وفق خطاوي المخلصين ده انت رب جليل الحلوة قالت تاخد الاسمر أبو الحنة أسواني وطبع خيال يجيب ديله دهب ومكحلة وديوان شعر المهم عيشه حلال يقول ياعين تلحقه هى وتغني ياليل فى الموال دي فى عينة قمر يحميها بالجاه والمال أصله ياعم بيحبها وفى عينه ست الحسن ولا الغزال المصري فاتح للصبر يجي ميت دكان كلهم ع النيل مغنوتي محكوتي وحاوي وغاوي السهر جنب السمرا في المواويل والسمرا امه واخته وحكاوي العيش والسريس فى الليل وحبيبته اللى عشانها صبر وعدى الصعب فى ليالي الويل الحلوة مصر ام البلاد والعباد والسواقي والغيطان والكحله والمنديل لك كل التقدير وكل عام وانت بخير...... لا اله الا الله |
بلادي وأن جارت علية عزيزة ..............وأهلي وان شحوا عليه كرام
موال جميل.......يذكرني بجمال النيل ...وسمرة أبنائه دمت وسلمت ........كن بخير ....ريا |
Powered by vBulletin Version 3.7.3
Copyright ©2000 - 2025, Jelsoft Enterprises Ltd.