جتني وقالت جيت اودعك واروح
اخر وداع وكلن الله يعينه
اقفت وراحت وتركت شخص مجروح
شخص من الحسره يصفق يدينه
ثم اوقفت ثم ناضرت ودها تبوح
وتشرح ظروف قاسيات لعينه
لمحت انا دمعه على خد مملوح
تفسير صادق من تعابير عينه
ثم قلت له معذور يازين مسموح
عرفت انا كل الخوافى الدفينه
لحظة فراق فرقت روح من روح
وتشييع حب ماضيات سنينه
ياما بنينا بحبنا احلام وصروح
لكنها صارت منازل حزينه
محمد نشمى