النتيجة مثل شمس الضحى للناظرين
انتحر ياللي تبـي بـيـرق الشـعـر انتحر
كانهـا بالشعـر ناصر كما الحـد السنين
من عصـي اللي تحـداه ماحـوله خطر
بالتحـدي حـربةٍ في نحـور الطامعـين
والصديق يصير له مثل همـال المطر
وكانها بالصوت جمهور ناصر حاضرين
ولا حسبنا لمن تغيب اليا وصل الخبر
صوتوا ياهل الوفا ياعساكم سالميـن
صوتو والغايب يسد عنه اللي حضـر
كل واحـد به حمـيـا وله قلـبٍ فطـين
يدري ان الفـوز رمـز وشعـارٍ للفـخـر
ودنا نكحـل بفـوزه عيـون الحـاسـدين
ونثبت ان المشكلة في قصيرين النظر
ويصبح البيرق سعودي بجهد الغانمين
بعد مـامـضـى عامـه الأول بدولـة قطـر
وكانها جت بالحيل والحيل للعاجزين
ماندور من ورا الغـدر والحيـلة نـصر