ياخي وش دراك إنه خايف منها وإنها متسلطه عليه ؟ ... يمكن الرجل يرحمها ومايبي يستخدم العنف معها ؟
الله يكفينا شر أمثال زوجة أبو شنب .... ويحمى زوجاتنا من أفكارها المسمومه
على طاري السواليف بقولك سالفه يا أبو حسام
هذا واحد من أهل الرياض تعين مدرس بجده المهم في يوم من الأيام وهو طالع الصبح للمدرسة شاف بلدي يكنس عند باب أحد البيوت وفيه وحده حرمه فاتحه شوي من الباب وتأشر للبلدي راح البلدي للمرأة هذي ودخل البيت ، اتصل المدرس على المدرسة وقدم استئذان وجلس ينتظر متى يطلع البلدي ، بعد ساعتين شاف البلدي طالع من البيت وهو ينزل أكمام البدلة .. جاء المدرس من بكرى لبس لباس بلدي وقدم إجازه من المدرسة ليوم واحد وراح للبلدي الي أمس وعطاه مبلغ من المال وقاله رح لمنطقه ثانيه واترك المنطقه هذي اليوم وبدأ يكنس ينتظر الحرمه هذي ، وفعلاً طلعت الحرمه وجلست تأشر للبلدي يوم جاء سألته عن البلدي الي أمس قالها إنه خلاص هذاك راح وإنه هو مكانه (طبعاً كان يمثل دور بنقالي) قالت له الحرمه طيب تعال ادخل يوم دخل وتوديه للمطبخ قالت تشووف القدور هذولي غسلهن ونظفهن ( المطبخ كان ملياااان مواعين ) بعد كذا قالت تعال نظف دورات المياه وقتها يقول ما أقدر أرفض أخاف تقولي أجل ليش داخل البيت وش كنت تفكر فيه ؟ المهم يوم خلص المدرس من التنظيف عطته عشرين ريال قالت ( شوف كل يوم أنت يجي يسوي تنظيف أعطيك عشرين ريال سوى سوى عامل أول ) أثر الحرمه طلعت طباخه وتبيع للناس وهذولي مواعين طبخ أمس
|