[على رسلك]

اشك انه جني يا اليمامة






يافاطري خبي طوارف طميه= إلى زمالك لو خشم الحصاني
خبي خبيب الذيب في جرهديه = لاطالع الزيلان والليل داني
خبي طميه والرياض العذيه= وتنحري برزان زين المباني
تنحري لطام خشم السريه =فرز الوغا لاجا نهار الوحاني
آصل أخو نوره لزوم عليه = اللازم اللي ماقضاه الهداني
وتذكر المشحون ديران حيه=مـِـسـًّوا حبال اكوارها بالمثاني
الجدي خله فوق ورك المطيه = بنحورها يبدي سهيل اليماني
نبغى ندورطفلة عسوجيه = ريحة نسمها كالزباد العماني
لي صاحب مانيتي عنه نيه = وأثره قضى له حاجة ماتناني
تباشروا بي عقب سابع ضحيه =وأنا على أبركّ ليالي زماني
لومي على الطيب ولومه عليه= وراه ياخذ عشقتي ماتناني
ليته صبر عامين والا ضحيه=والا توقع صاحبي ويش جاني
أما قاعد راكان ذيب السريه =والا يجي يصهل صهيل الحصاني
حريبنا لا أهدى علينا هديه= عندي مجازاته مثل ماجزاني
نسهج محله لين يخلف نويه= يصبر كما يصبر جديع الأذاني
من القطيف الى النفود محميه = إلا ان يمشيها خوي وعاني
افعالنا هاذي علينا وصيه = فرض علينا مثل صوم رمضاني
لابد من جمع يزرفل كميه = جموعنا تاطا الغبا والبياني
في ساعة كل يهمل خويه = لاشاف ضرب مصقلات السناني
الصدق يظهر من حباله رديه= والكذب يقطع من حباله متاني
روحي وأنا راكان زين الونيه = مايشرب العقبات كود الهداني