السلام عليكم .. مجرد رأي
احترامي وتقديري
.........
ناس حياتهم صواريخْ
........
فيه ناس , حياتهم صواريخ
عايْشينْ الدنيا بدون تواريخ
ماشيين .. مساكين
ماسكين في إديهم قلع وريح
فـُسْحتهم , ليله ف حضن ضريح
عايشين .. تايْهِينْ
أيام وليالي بدون عناوين
ناسيين أخرتهم رايحة لفين
نازلين .. طالعين
راكبين رجليهم ماشيه ف طين
دايخين ع اللقمه ومش لاقيين
نايمين .. شاكرين
وليلاتي الحلم يكون تفاريح
شايفين علي بعد , نور مصابيح
رايحين .. جاريين
يفتكرو خلاص .. طلْعو المريخ
وهياكلوعصير .. وشْرَبُو بطيخ
راضيين ؟ .. وبعديين ؟
لو كنا ياناس ع الخير ناويين
تعالو هاننسي سنين مجاريح
خلونا نفكر إيه عايزين
نشوف الحلم بدون تصاريح
ِنفـُوتْ الظلم لِناس تانيين
شويَّه ِنعاني , تِعدِّي الريح
وأكيد يحاربنا ناس مجانين
هانملك قوتنا , قرارنا صريح
وبقوِّتنا نحدد مرة ايه عايزين
هيبتنا هاترجع لايقه صحيح
يرجع تاني يعيش ويَّانا صلاح الدين
مش هيفكر حد يعادي , لو تلميح
أشكركم
وللجميع تحياتي