[salsabeela]

المشاركة الأصلية بواسطة الوافـــــي

إعتبرني مرحلة

أنت لا طقّت براسك ( حُب ) جيت تحبّني ... وغبت لامن طقّت براسك ( غياب ) وما ألتقيك
ياخي ، إمّأ تحتفظ بي صحّ ولاّ ذبّـني ... ما أنت مجبور علي ، وماني مجبور عليك
شاطر إنّك بس من وقت لوقت تشبّـني ... وتنبسط لا صرت أقول : الله يرحم والديك
حس فيني ، لبّ إحساسي و نداي ولبـّني ... شوف أنا وشلون صرت أموت وتعلّقت فيك
كن قلبي حالف : ما غيرك أنت يطبّـني ... فلا تعلّقني كذا ، مابين أحبّك وأحتريك
خلّني بينك وبين الصّدر أعيش وخبـّني ... ولا تطلّعني لأنّي لو طلعت ، أصلاً بجيك
لا تجاملني بوجه ، ومن وراي تسبـّني ... ولا تسوّي لي ( متيّم ) ، وأنت تخفي ما لديك
ما انت ناقص تربية ، حتّى تقلّي : ربّـني ... و أنت مثّبت لي من أوّل ، تربية أمّك وأبيك
لو أنا ماني كفو ، اتركني عنّك وكبـّني ... واعتبرني مرحله ، واغسل من الرّجعه ايديك

الشاعر / محمد الشهري

كلمات معبرة