ريــح الصــــــبا
للشاعر الكويتي / مشعل عوض
ريـح الصبـا مـع قرايـا نـجـد والعبـلـه ... مستوطنه فـي ضميـري قبـل مااجيهـا
ديار ربعي وكل(ن) عـارف(ن) سبلـه ... ياخذنـي الـشـوق لامــن مــرّ طاريـهـا
وجـهـي عليـهـا الـيـا وجّـهـت للقـبـلـه ... الله يـــبـــارك بـتـربـتـهــا وأهـالـيــهــا
يالله طلبتك خيال(ن) صـادق(ن) وبلـه ... يسـقـي ثـراهـا مـــن اولـهــا لتالـيـهـا
يفرح به اللي قضى عمره يسوق ابله ... يتـبـع هـواهـا ويمـشـي فــي مفاليـهـا
من عهد جدّه وابوه ووقت يُحسـب لـه ... أتـــلاااد مـاهــو ملقّـطـهـا وشـاريـهــا
ودّي اسيّـر علـى شـرواه واتـعـب لــه ... واسجّ رجل(ن) على الطرقه مضرّيها
شوف الفيافي ربيع القلب واطرب لـه ... لاصار وسـم(ن) بكـور وناقع(ن)فيهـا
كبدي من اهل الهروج العـوج مندبلـه ... اباابـتـعـد عـــن سوالـفـهـا واخـلّـيـهـا
والطيّـب اشتـاق لمخـاواه وانـدب لــه ... خــوّة مطالـيـق تعـجـب مــن يخاويـهـا
ادمح خطـا صاحبـي والهرجـه الخبلـه ... مـن طيـب خاطـر واطوّفـهـا واعدّيـهـا
لو كـلّ مـن زلّ حسّـب لـه وعاتـب لـه ... مـاعـاد تلـقـى مشاكـيـل(ن) تصافيـهـا
وقد أعجبني من القصيدة البيتين الأخيرين فيها
وبالتحديد البيت الأخير ففيه حكمة كبيرة لا يجب أن تمر على قارئ أبدا
لو كـلّ مـن زلّ حسّـب لـه وعاتـب لـه ... مـاعـاد تلـقـى مشاكـيـل(ن) تصافيـهـا
تحياتي
