[salsabeela]

المشاركة الأصلية بواسطة rainbow

سلسبيلااااااااااا ..

طلعتينى فوق السطوح فور ما استيقظت لأرى ما قلت .. فوجدت كله تمام ..

معلش أبو مروان .. سلسبيلا فعلا رقيقة وطيبة جدا .. والبرق والرعد احنا مش متعودين عليه ..

أنا أخاف الرعد وأعشق البرق .. يعنى أشترط علشان أتفرج ييجى هذا من غير هذا ..

طيب لو عشت أختى فى اليابان وجربتى الزلازل .. ولا شفتى بركان ثائر ..

فى الكون كوارث تتعامل معها بعض الشعوب بتلقائية واعتيادية .. وكأنه حدث عادى ..

سؤال خارج الموضوع :
هو ليه إسمك مش سلسبيل بدلا من سلسبيلا ..
حالا أخدت بالى ..

ريييييييييييييييييييييييييييييينبووووووووووووووووو وووووووو

ازيك يا راجل عامل ايه

بقى طلعت بقى فوق السطوح

ما عندك بلكونة تشوف منها ..اكيد انت فى الدور الأول وتحجب رؤيتك العمارات

انا بقى شفت كل حاجة من غير ما اتحرك لأننى اسكن فى دور عالى ومنى للسماء علطول

وكان المنظر رائع بس فعلا صوت الرعد كان مخيف شوى

والبرق كان بينور السماء وكأننا فى نهار سبحان الله اول مرة اراه واضحا هكذا وغريبة اننا لسة بنقول يا هادى

عموما انا بحب الشتاء اكتر من الصيف بكتير بس من غير برق ورعد ولا اصوات الرياح العنيفة بخاف منها فعلا

الحمد لله ان ربنا حمانا من الكوارث الطبيعية

اما بالنسبة لسؤالك اخى الكريم العزيز رينبو فاسمى سلسبيلا مش سلسبيل لانه ببساطة شديدة مذكور فى القرآن الكريم سلسبيلا مو سلسبيل

تحياتى