[العنود النبطيه]

المقلوبة الاردنية




المقادير
دجاج مغسل ومنزوع الجلد الكميه حسب افراد عائلتك
ارز تايجر وهوه افضل من البسمتي للمقلوبه بيطلع اطيب
زيت ذره
خضار اللي تقضليها مع المقلوبه
انا حطيت زهره (قرنبيط)
جزر
بطاطا
لانو المقلوبه انواع
يعني مقلوبة الباذنجان يستحسن تكون باذنجان فقط
او الفول الاخضر لوحده
او مقلوبه بخضار مشكله وكل حسب رغبته
نرجع للمقادير
بهارات خاصه للمقلوبه
فلفل اسود ناعم هيل ناعم
ورق غار قرفه ناعمه
ماجي
شعيريه مقليه وهادي حسب الرغبه
طبعا ملح وبصله وفصين ثوم لتنكيه الطعام


الطريقه
ننقع الارز نصف ساعه بماء دافيء
وهلا بقطع البصله والثوم وبقلبهم شوي ع النار لحتى يشقرو
اضيف قطع الدجاج واقلبهم جيدا لحت يتغير لونهم هكذا



اضيف للدجاج البهارات والملح والذي ذكر سابقا واقلب
اضيف كميه مناسبه من الماء واتركهم لحتى يقاربو على الاستواء
في هذه الاثناء اقلي الخضار الي ذكرتها مسبقا
ارفع الدجاج من الماء واقليه لحتى يحمر
وهيك الدجاج والخضار وهمه مقليين اتركهم جانبا




اقلي شعيريه وهاد اختياري واضعها جانبا
اغسل الارز جيدا واصفيه واضع طبقه خفيفه من الارز في قعر الطنجره
اصف قطع الدجاج المقلي




بعدين اضع الشعيريه ويستحسن انها تكون بهاد الشكل



يعني ما تخلطيها بالارز بيكون الها ميزه اكتر
اضيف الخضار المقليه طبقه تلو الاخرىبهاد الشكل



اضيف كمية الارز لحتى تتغطى المقادير



اصفي ماء الدجاج واضيفه فوق الارز وازبط الملح
واضيف كميه مناسبه من الزيت اللي قليت فيه المقادير بتطلع المقلوبه اطيب
بس لا تكترو لانو المقالي بتخزن فيها زيت



اضع الطنجره على النار لحتى تغلي وبعدين بهدي النار لحتى تستوي الطبخه
وهلا بنسكبها ويا الله شو طلعت طيبه



اضيف الها اللوز المحمر


وقدمتها مع اللبن الروب او الزبادي
وسلطه مشكله وناعمه
وشوربة خضار خفيفه


وصحتين وهنــــــــــــــا