بدي احكيلكم حاجة والله تحز بنفسي
احنا بفلسطين كنا دايما بنحكي على ابو عمار " رحمه الله " لمن كان رئيسنا راح الرئيس اجا الرئيس
ونحط عليه كل النتكت والحكايات والاقاويل وما خلينا حاجة عليه
واكتشفنا بالآخر انه هناك ايدي خفيه كانت تقف وراء هاي الاشاعات والاقاويل
وبالآخر بعد ما مات ابو عمار صرنا نردد كلمة واحدة كل ما يصير عنا ازمة وهية
" وفي الليلة الظلماء يفتقد البدر " ومن هان بتيجي العبر
وما تعلمنا اجا محمود عباس ابو مازن على السلطة وهو منتخب
من الشعب مو من شعب امريكا ولا شعب الغرب لا منا احنا
وصرنا كمان نزاود عليه وطلعنا كل الاشاعات يلي نحكت
وصار عنا ترهل بالانتماء وتفسخ بالعلاقات واهيار بالاجهزة الامنية والشرطية
وجيش البلد كله
وبالآخر انهارت كل مؤسستنا بالسلطة ولاقينا حالنا بين ايدين ناس ما بترحم ولا بتنزل رحمه
ربنا علينا ... اخذونا باسم الله ونهبونا باسم الله وقتلونا باسم الله وجوعونا باسم الله
والحين شو بنقول احنا هون بفلسطين كلمة واحدة
"لا حول ولا قوة إلا بالله "
والباقي عندكم ميمرق الرئيس بموكب ولا من دون موكب اي هو مش رئيس يعني
ما تقولولي انه بوش ما بيصير بموكب ولا فرانسوي ميتيران بيقصدر بين الناس
ولا بوتن نايم تحت شجرة !!!! ليش هو اسماعيل هنية بيركب على دابة
ولا الزهار على حمار مكلهم بيركبو سيارات محصنه وبيمشو بمواكب
اصلا ممنوع واحد يدير وجهة على الموكب لمن يمشي ... بلاش يكون من اعداء الله ...؟؟؟؟
عجبي علينا
|