[ضياء الدين البري]

السلام عليكم .. مجرد رأي

كلام من قلبي

ورجّـع قلبي ياشاطر

.....

بتنده قلبي وتشاور

وماتسأل ولاتعدّي

تقـرّب مني وتهدّي

وتبعد عني وتـْحاور

بتقصد يعني أتجنن

وحبك في الظلام عيني

يهوّن لي ويحضنـّي

وطيفك لمّا بيزورني

يقول الصبر ماتردي

دا قلبه شوفته بيكابر

وبيحاول يصون ودك

وعايز برضو تخدعني.؟

تخلليني علي قدك

تتوّهني ولا يهمّك

كإن عنيّـا متشوفك

ولاقلبي سكن خوفك

وهمسك جاني يغصبني

عايزني اقبل ونتقابل

وصورتك جايّا تتسامر

تكلـّمني ، تصبـّرني

بحنيّـه تنسّيني

سنين بـُعدك وحرماني

عايزني ارجع لأحضانك.؟

تعالي قوللي سامحيني

وانا نادم علي بعدك

تعيش العمر تحلم بي

هاكمّـل نص أحلامك

أشوف قلبك هنا جانبي

ورجّـع قلبي ياشاطر

........

أشكركم

وللجميع تحياتي