[على رسلك]

حي والله هالراس .. ودها تقهرنا بأي شئ .. بارد وممطر .. والناس مغير مبتسمة ..

أقول .. ياقو قلوب الناس .. يهملون شهر عن اهل اهلهم وديارهم .. وعدها عندهم يوم ..

أشهد بالله انا مساكين .. أنا مرة رحت للحفر .. حقر الباطن .. لولا الحياء من اللي انا عنده كان مشيت تالي الليل .. وياصبح متي تطلع .. ويافجر اذن .. ويوم اذن الفجر .. يامعزب قم .. وقومني ابمشي .. ويازين هاك الصوت .. يوم سمعته .. واسوي نفسي نايم .. بس يوم قمت .. فمان الله يامعزب .. الديار طلبت اهلها .. وفمان الله .. ولاصليت الفجر .. الا وانا مية كيلو عن الحفر .. وصلاة على الطاير بعد ..

وافكار جتني .. اعوذ بالله من الشيطان الرجيم .. اخاف اجي وما القى احد .. او يجيهم عدو ويغدون ويضيعون .. او يمكن بعد يمكن يجي قرار جديد ولا اقدر اجيهم .. ممنوع دخول مدن الناس ارجع من حيث اتيت .. بس عدها .. سنة وانا امشي ..

ولا انجلى همي لين شفت اهلي .. وديارنا .. وحلالنا .. وجيرانا .. واللي اول ما هم بغالين .. ليا شفتهم هلحين .. لولا الحياء .. كان اطالع فيهم وابتسم .. واذا شفتهم وانا مرضان ابرى ..
واحس بالذنب لاني استفيد منهم وترد الروح شوفتهم .. ودي لو ادفع لهم فلوس ..

يالله انك تكثرهم عينتهم مع المسلمين ..

والله مهتم من هالشئ .. الله يجازيهم عني ..

وهالحين .. ليا عدوا الرجال السوالف .. يقولون سنة انك تروح للحفر ..

رحت العصر وجيت الفجر .. لكن الله ستر .. واخذت سنتين وانا خايف .. يمكن روعة الغربة ..


وانتي مستانسة .. سبحان الله ..

احد امرين .. يااما انا يعني .. ماش .. ما آصل مواصيل الرجال .. بس ابن حلال .. فيه فايدة .. يمكن انفع حارس .. يقولون عندهم رجال ..


والا انتم .. ماانتم صاحين .. رايحن لديار .. ماندري وينها .. وشولة .. مريضة .. مبلية .. والا نصبتوا علينا بلا ارواق .. ورحتم تمارسون الحرية .. على اصولها ..

تقول براد .. مالقينا برادكم اللي تقولون .. ليا رحنا احترقنا بعز الشتاء وليا شفنا .. اهلنا بردنا ..