عرض مشاركة مفردة
غير مقروءة 15-03-2008, 08:45 PM   #7
كونزيت
من كبار الكتّاب
 
تاريخ التّسجيل: Jun 2004
الإقامة: الحجاز
المشاركات: 3,955
إفتراضي

إقتباس:
المشاركة الأصلية بواسطة فيصل محمد عوكل
انا والارجيله والمدام
كالعادة فان النساء حجتها الوحيده وشكواها هي انا قاعدة بين اربع حيطان لدرجه ان الرجل اضحى يفكر كيف يبني او يسكن في غرف من خمس حيطان حتى تتوقف النسوان عن الشكوى من الاربع حيطان حتى خيل الي ان النساء مثل القطط تحب ان تركض من مكان لمكان ولو ماتت وهي تركض فقلت طيب من الاخر شو بدك خلصيني قززتيني عيشتي قالت شو رايك نروح هيك على كفتيريا كويسه تقعد تغير جو الك بلكي صرت تكتب وانت مرتاح نفسيا وكانها مهتمه بصحتي شوفو تخويث النسوان علينا فقلت قومي انقلعي البسى اواعيك بربع ساعه مش بعشر ساعات وانت واقفه تتفرجي على المرايه فقالت ولا يهمك صاروخ دقيقه وبكون لابسه اواعي وربع الساعه عند النسوان عشر ساعات ووصلنا الى افخم مول وصعدنا على الدرج الكهربائي الى الطابق الخامس وطلبت ارجيله اللى ودار هذا الحوار بيننا علشان احنا جايين نشم هوا ونبعد عن القعدة بين اربع حيطان اجلستها في كفتيريا معلقه جدرانها زجاج ترى العالم من فوق مثل الصراصير
*** شو حابه تشربي
• مش عارفه شو بدي نفسي مسكرة

*** طيب اطلب الك ارجيله
--- حكيت الك نفسي مسكرة ومش عارفه شو بدي اطلب
*** طيب دخني ارجيله وروقي حلك وشوفي شو بدك
 انا مابحب ادخن التفاحتين ولو كنت ادخنها بس بدى فراوله احسن

*** طيب هسه بطلبلك فراوله تكرم عينك ولا يهمك يا امورتي
 انا ما حكيت بحب ادخن فراوله فكرك يمكن النعنع احسن

*** ممكن اللي بدك اياه اطلبيه وخلصيني الرجال زهق عيشته وهو واقف علشان يعرف شو بدك تطلبي
• خليه يروح وبعدين بحكيلك شو بدي انا نفسي مسكره على الاخر

*** طيب يا اخي الله يسعدك كمان شوي ارجع شكرا الك
--- شو انت ما صدقت اني ما طلبت طيب خليه يظل واقف شو فيها مهو هيك شغله انا ما طلبت بعدني
*** طيب شو بدك اطلب الك خلصيني انا كرهت حالي وانما بترجاكي خلصيني شو بدك قهوة شاي نسكافه كابتشينو كاكاو شوكولاته
--- -- نفسي اطلب بس خايفه تزعل وتحكي اني انا بتعبك معاي
*** يا بنت الحلال الله يسعدك انت اطلبي وخلصيني وما يهمك المصاري انا بدفع وعمري مازعلت لما بشتري الك اشياء انت عارفه
---اكيد ما بتزعل وبتحكي انني انا بتعبك معاي اكيد احكيلي وانا بطلب وبحكيلك ليش انا متنكده
** * يا بنت اطلبي بدكيش اكل روحي نقوم على المول نكزدر اشتري فستان او أي غرض نفسك فيه
ولا يهمك انا مابزعل احنا طالعين نشم الهوى بلكي نفكت عقدة بوزك قالبيتها ومكشره وكانك عجل تراكتور مبنشر خلصينا بهاالليله الغبره
--- هه هه هه هه شا يف شايف هياتك ازعلت وعصبت وطلعت جنيتك على وانا بعدني ماحكيت شايف ليش انا ما بطلب اهيء اهيء اهيء اهيء اهيء
*** حسبي الله ونعم الوكيل فيكي عقدتيني نفسيا شوبدك اطلبي ولو لبن العصفور بس سكري حنفيه دموعك فضحتينا وبيحكو اني مظطهدك ومنكد عليكي
--- انا ما اليش حظ بالدنيا ماحدى فاهمني انا ياريتني متت انا عارفه انه ما الي حظ اهيء اهيء اهيء
*** طيب قومي خلينا نروح بلاش اخلى الدنيا كلها تسمع صراخي قومي 00 يا كرسون بليز الفاتورة
--- طيب طيب استنى ولا تزعل خلص انا بدي اطلب ولا يهمك كله ولا تزعل
*** لاحول ولا قوة الا بالله خلصيني شو بدك اطلبلك
 اه بس لاتطلب الجارسون لانه انا بدي طلب منك بس ماتزعل
 *** شو احكي خلصيني مشان الله فقعتيني موتيني انا رايح انجن شو بدك اطلبلك
 --- نفسي اروح عند الماما ولو نص ساعة شغله ضروري جدا جدا

** * طيب فهمت شو جاب امكا على بالك اليوم كانت عنا وروحت مثل ماحكيتيلي المغرب شو اشتقتي الها
--- بليز خلينا نروح عند الماما
*** حسبي الله ونعم الوكيل قومي يا ستي اتفضلي انشوف الشغله الضروريه
--- الماما اهلا يا بنتي شو خير جايين بنص الليل الله يجيب الخير
*** العروس بليز ماما بدي اياكي بكلمه
--- الما ما خوفتيني يا بنتي شو اوعك يكون جوزك ازعلك
** العروس لايا ماما بس انتي حكيتيلي انه بنت عمتي لو شافت الفستان الاحمر وانا لابسته يمكن تنجن وتموت علشان هيك انا لبست الفستان وجيت بس ما حكيت لجوزي ليش انا جايه بليز ماما
--- الما ما سلامتك يا حبيبتي ولا يهمك هلاء لما بئعد قدام جوزك بحكيله انك بتتوحمي وحامل بينسى الموضوع ولا تخافي على امك اوكي ما ما
** * العروس ياي ياي اوكي ماما


كلامك صحيح بالنسبة لهذا الموقف

__________________
كونزيت غير متصل   الرد مع إقتباس