إقتباس:
|
المشاركة الأصلية بواسطة على رسلك
ابلشت الطير يا *سهيل*
وين تبغه يودي باقة الورد
للريان
أو
للعين
ترى هذا الطير ماهوب حمام زاجل وأسال صمت
بس علشانك. خذها معه .. يعني مسويها خدمة لك ..
حدد قبل يتعب ويأخذها لعشه .....
ستل جناحه ثم حام
يرقى على متن الهوا
يزفه بعيد وانا
محــــــــدود فـــــي حــــــــد النظــــــــر
له بالهوا شف ومرام
يلعب مع الغيمه سوا
ولاجناح لي واطير
والارض صــــــــــارت لـــــي مقـــــر
طيري ضرب جو الهيام
ولو دعيته ماالتوى
عزي لمن طيره غدا
ولا لـــــه مـــــن أمـــــــــره مفـــــــر
فكري تغشاه العسام
امسيت وفكري ماضوى
الارض قفر من الونس
والليــــــل مـــــن فرحــــي قفــــــــر
شبيت ضوي بالظلام
في صحصح ذيبه عوى
مالي انيس الا النجوم
او نـــور وضــــــــاح القمـــــــــــــر
خالي وكني في زحام
قلبي تلهب وانشوى
ماعاد اميز بالحشا
والا علـــــــــى الضـــو الجمــــــــــر
وين انت ياداعي سلام
وين انت يابايع دوا
ردولي النومه ترى
بالعين جـــــــــــلاد السهــــــــــــــــر
دورت بالشده حزام
ولالقيت اللي قوى
يالله دخيلك مالقيت
اللـــي نشـــــــد بـــه الظهـــــــــــــر |
يا طير عقبي كن خاطرك شاين
خاطرك شين وغيبتي عنك يومين
النقص فيك مبين له بواين
في لمعة الريشة وفي ناظر العين
يا طير أنا وياك كنا خداين
وبيني وبينك ولف ومعامل زين
يوم نتخاوى مع وجيه الضعاين
ونهمل سبقوك في مناكب خسيرين
ولا شمال الهضبتين القراين
شرقي طلال ومن سواحيق ويمين
والا عطينا سكة التابلاين
ولا قد عطيناها عليهن حراذين
نصبح على طارات شهب المكاين
بين العراقيين والأردنيين
في خايع به كن عيني تعاين
ربد الحباري به على أربع وثنتين
وناخذ لنا أيام بذيك الدفاين
ما بين برقع والغدف والبسيتين
ونكسر على ما ينحدر من ضواين
وناخذ هناك اسبوع ولا اسبوعين
وننكف نشاط وسالمين الصخاين
ولو كان نتعب عدنا مستريحين
قدام يطلع للصقارة زباين
ناس تحوش القوبعة بأم روحين
ليا روحوا بمشحنات الخزاين
ما في نحاهم ذوقوه الأمرين
واليوم ما بيني وبينك مداين
أنا سعودي وانت جاي من الصين
وأما لقينا للحباري عواين
والا توادعنا وداع المحبين
الوقت ما تاليه معنا بزاين
والبر في حادور من حين لاحين
أدناه مليان كراتين فاين
واقصاه ضاق وضيقوا به هل الضين
وضاقت مناهج طيبين الضغاين
اللي على المقناص بالطير ضارين
واليوم كان اللي يحاكيك ماين
هذي سبوقك وانتهض بالجناحين
وهاجر مهاجر مبحرات السفاين
للصين والا اهبط على ضلع قزوين
لو كان عندي ما فراقك بهاين
حنا عزاز ولا نهين العزيزين
خلك تروح ولا تشوف الغباين
شاملك عفوٍ مثل عفو المساجين
تشوفين الطير ..
صاير بالسماء ..
تقل نقطة ..
لا والله .. الحين ..
اختفى ..