عرض مشاركة مفردة
قديم 31-03-2010, 10:52 AM   #1
ضياء الدين البري
عضو جديد
 
تاريخ التّسجيل: Jun 2009
المشاركات: 32
Arrow وساكنه المعني في حروفي..ضياء الدين البري

السلام عليكم .. مجرد رأي
احترامي وتقديري

وساكنه المعني في حروفي

.....

أمانه عليك
ماتنساني
في لحظة تشوفها سيقاني
وحبساني في نن عنيك
وسقياني
صنوف المر في كفوفي
وصهدانه فْْ صميم قلبي
وحرماني في هَـمْ اناديك
وتنده فيّ أحزاني
تخبيني فْ سجون خوفي
تحدد فيّ عنواني
تتوهني فْ حدود غلبي
وتغصبني علي صدّك
عشان تغضب أكيد مني
ومش ها اقدر علي بعدك
ولا هاقـْدر في يوم اعاديك
وما استبعدش نسياني
وتبعد عني في ظروفي
وما القاش الوداد منك
برغم القسوه مش طبعك
وتنسي الدنيا معروفي
أتاري عيونها رصداني
وبات ليلي يزيد كربي
ولاقي نهاري خاصمني
وتطلع روحي من جوفي
تدوّر فين ما تلقـاني
وتزعل وانت مش ذنبك
ولاينفع تشيل ذنبي
وساكنه المعني في حروفي
تلملمني
وبتصبّر أنين قلبي
ويصْحي النبض من تاني
يفوّقني
وييجي الصّبر ربّـاني
يجيني شيطان يساومني
يعاندني
عشان ابعد بعيد عنك
يلاقي احبابي مش جانبي
وكان ناوي يقسّمني
أتوه جوّاي واغدر بي
أعيش في الدنيا وحداني

أشكركم

وللجميع تحياتي
ضياء الدين البري غير متصل   الرد مع إقتباس