مرة ولد شاف قطة فى الشارع قال لأخوه
انا هاخد القطة دى اغسلها و اربيها.اخوه قاله لو غسلتها هتموت
و سابه و مشى و رجع بعد ساعتين لقى اخوه بيعيط
وبيقوله القطه ماتت قاله مش قولتلك لو غسلتها هاتموت
قاله مامتتش و انا بغسلها ماتت و انا بعصرها.

جحى قالت له امه اذهب واحضر تين و زيتون و ليمون
وهو في الطريق اتى موعد صلاة العصر وذهب الى
المسجد والامام يقول بسم الله الرحمن الرحيم
وتين وزيتون وجحى يقول بسم الله الرحمن الرحيم
وتين وزيتون ولا تنسى
الليمون


واحد بيكلم مراته من الشغل بيقولها سخنى المية على ما اجى .. بعد ما قفل زميله بقوله يا سلام هى دى الرجولة والا بلاش .. ياريتنى كنت زيك .. رد عليه و قاله يعنى اعمل ايه ؟؟ اسلق الفرخة فى مية باردة ؟

الرئيس م........ لقي فانوس سحري قام دعكه فطلعله منه ابليس
قاله : شبيك لبيك تطلب ايه؟
قاله: بص بقي يا عم ابليس انا عملت فى الشعب بتاعي كل حاجه..قوللي بقي علي حاجة جديده اعملها !
ابليس قاله: بس كده..بسيطه..هات ودنك..وش وش وش وش وش
قام الرئيس قاله: ايه ياعم لعب العيال ده..ده كلام برضه
قام ابليس قاله: بلاش دي..هات ودنك...وش وش وش وش وش
قام الرئيس قاله: ايه يا عم ده ...انت شكلك ابليس نص كم ولا ايه
ابليس قاله : معقول الفكره دي مش عاجباك!!..طب خد دي بقي..وش وش وش وش
قام الرئيس قاله : ياعم انت شكلك كده لا ليك في العفرته ولا حاجه..هات ودنك بقي اقولك انا بعمل ايه في الشعب بتاعي....وش وش وش وش وش
قام ابليس وجهو اصفر و قاله: يا راجل اتقي الله

مجموعة نمل يلعبون مباراة ومعهم صرصور ليه؟؟؟؟؟
لاعب أجنبي