شاعـرك ماكـل بنـت تجرجـره ... حارت بـه عقـول نـاس ماتحيـر
النسـاء ماحركـن فيـه اشـعـره ... ثـار عشـق ومالقـى شـي يثيـر
أن سكـت كـن الوقـار بمنـبـره ... وأن تكلـم زمهـريـر بزمهـريـر
مايحضـر الا القلـوب مجمـهـره ... ومايغيـب الا وعشـاقـه كثـيـر
أن هجرتـه تستـقـر بمحـجـره ... وأن تبعت رضـاه ماعينـت خيـر
اسكنـه لكـن بـعـد ماتهـجـره ... ابتسـم لـه بـس لاشفتـه كسيـر
حـن لكـن حـن لاجبـت اخبـره ... حـب لكـن خـل حبـك بالأخيـر
لو عطيته وجهك أعطـاك اظهـره ... صد عنه ويتبعـك مثـل الضريـر
لاتـحـاول تكسـبـه ماتخـسـره ... صير ثلج يصير لك مثـل السعيـر
ماتميـل الا الغـصـون المثـمـره ... ومايسيل من الجـروح الا الغزيـر
من قبـل لاتنقهـر منهـى أقهـره ... قبـل لايستحقـرك خلـك حقـيـر
استفزه،شتـتـه، فــج انـحـره ... اعشق،أكره،عاتب،أشره،حن،غيـر
أنثـره ،لملمـه ، لملمـه ، أنثـره ... صد ،كابر، طير لـو تقـدر تطيـر
مـن متـى ونـا تحرالـي مــره ... تثبت أنـي لاوقعـت أوقـع كبيـر
راااائع هذا الشاعر ..لديه قوة وقسوة وعزة نفس وغرور
يعجبني شعرة كثيرا
كل بيت بألف بيت ...
شكرا لك أيها الكريم الوافي