ايهما افضل 7 نيسان ام 9 نسان افيدونا جزاكم الله خير ا

[اقبـال]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
كان يحتفل العراقيين بيوم 7 نيسان يوم تاسيس حزب البعث واللي استلم السلطة وحكم البلاد من سنة 1986 لغاية 2003
وكانت واضحة ومتعايشين مع منجزات ثورة حزب البعث اللي غطت مطالب العيش الكريم للمواطن العراقي في ظل الحروب والمؤامرات اللي مر بها البلد
فقد عاش العراقي والمواطن العربي في العراق وخاصة الفلسطينين والمصريين والسودانيين بكرامة
الى ان جاء يوم 9 نيسان يوم سقوط بغداد على يد الامريكان والسلابة اقصد الاحزاب المعارضة لحكم البعث
بحيث اجتثو كل ماله صلة بحكم البعث بداء من الامن شريان الحياة للبشر الى الغذاء وهذه البطاقة التموينية اللي شرعها حكم البعث طالت يد السلابة على اجتثاثها
حتى تسمية المناطق
فيوجد في بغداد مناطق سميت باسم حي 7نيسان انقلبت التسمية بعد سقوط بغداد الى حي 9 نيسان
على اعتبار ان يوم 9نيسان يوم تحرير العراق من الطاغية صدام
ولاكانه احتلال وسقوط الاستقلال
وعلى كل نقف على مفترق الطرق مابين ماانجزه رجال 7نيسان وبين ماانجزه رجال 9 نيسان والبطاقة التموينية احدى منجزات رجال 7نيسان
فبمجرد ماصدر قرار الامم المتحدة بمعاقبة العراق بفرض حصار اقتصادي بعد دخوله للكويت سارعت القيادة بتامين حصة تموينية وحماية المواطن العراقي من جشع التجار وتذبذب السوق وحل ازمة الغذاء بهذه البطاقة
فقد وفرت الحكومة بهذه البطاقة من الطحين والرز والسكر والشاي وحليب الاطفال والكباروشفرات الحلاقة وعلب الكبريت ومساحيق الغسيل والصابون ومعجون الطماطة والجبن وبسعر 500دينار عراقي
وراضين بيها مانكدر نكول تكفي بس تسد والحمد لله
اما رجال 9 نيسان اهل التحرير حررو العراقيين من البطاقة التموينية
شالو منها اكثر المواد وبقو بس الطحين والرز والزيت والسكر وهذه مو كلها تجي سوية يستلمها المواطن
لا
على دفعات مسويها علينا بالاقساط
والمالكي فلته زمانه بالكرم
يكرم الشعب بربع كيلو عدس بمناسبة شهر رمضان ونستلمه بعاشور ومنخور من الدود
وحتى بقية المواد مخزونة من زمن العصملي ونكول الحمد لله على كل حال
بس تجي الحكومة تشيلها كلها ماصايرة ولادايرة :007:
تجويع يعني ابادة جماعية للشعب
وتدرون الحكومة مكروهه وجابت بنت
من صدرت قرار الغاء البطاقة التموينية مست حياة الشعب بالكامل
حتى ثاني يوم القرار صدمة رجت الناس ما مصدكين القرار
وبنفس الوقت حيران الواحد شراح يسوي ومنين يجيب
حديث الشارع وغضب الناس وتسب بالحكومة بكل مكان
حتى صوت الشعب كعد النايمين
ومن النايمين مقتدى الصدر والحكيم
زعماء الشيعة
اللي يندة ولاية علي يبشروه بالجنة
حتى لو حرامي او قاتل
ومقتدى الصدر فاجانا يطلع يعتذر للشعب العراقي عن نواب تابعين لتياره مصوتين على قرار الغاء البطاقة التموينية
لاوبعد يطلع مذيع قناة الشرقية نيوز يقرا خبر مخاوف على العملية السياسية نتيجة جدل حكومي بالغاء التموينية
خايفين على انهيار العملية السياسية
عساها بدرب الصد مارد
وشبيها العملية السياسية غير لعبة جر الحبل
وهذا اكبر مثال التيار الصدري او حزبه كتلة الاحرار ناس ماتدري بناس
ولاقائد التيار يدري شكو ماكو بالعراق
بس كلام يضحك به على الشعب
والمصيبة الاكبر طالب مقتدى الصدر الحكومة بالغاء القرار وزيادة مفردات البطاقة التموينية كما ونوعا
يابه صدك لو كالو مايدري الشبعان بطن الجوعان
هو لو كان يمثل الشعب من صدك
كان طالب من زمان تحسين وزيادة المفردات
من زمان انكطع الشاي والصابون والتايد والبقوليات
ونوعيتها ماتصلح للاستلااك البشري
متعمدين يشوفونا نجوم الظهر حتى نظطر نرفضها
ليش مااعترض عليها بوقتها مقتدى الصدر او الحكيم ؟؟؟؟
لو بس يعرفون الربع الطائفية والقتل والنهب ؟؟؟؟
امير المؤمنين عمر ابن الخطاب رضي الله عنه كان يتفقد الرعية ليلا وبنفسه
حتى كان يوم يتجول ليلا شاف بيت شعر ماكان شافه بالامس
فدنا منه وسال الرجل من اين اخا العرب
فقال الرجل انا من البادية جئت لاقصد امير المؤمنين ليتفضل علي
فسمع عمر انين فقال له ماذاك الانين
قال امراتي في طلق
وساله اما عندها احد
قال الرجل لعمررضي الله عنه لا
فانطلق عمر رضي الله عنه لبيته وكانت امراته ام كلثوم بنت علي بن ابي طالب وامها فاطمة بنت رسول الله صلى الله عليه وسلم
فقال عمر لام كلثوم
ماتقولين في اجر ساقه الله اليك
قالت وماهو
قال امراه في طلق وما عندها احد
قالت ان شئت (لاحظو اخلاق بنات رسول الله صلى الله عليه وسلم في طاعة الزوج )
فقال لها خذي من الخرق ماتحتاج لها المراه وخذي من الشحك والحبوب والقدر
فانطق عمر امامها يحمل القدر وهو امير المؤمنين
حتى وصلا بيت الشعر فقال لها ادخلي على المراة
وطلب عمر من الرجل ان يوقد له الحطب
وظل عمر ينفخ فية والدخان على وجهه حتى نضجت النار
فجاءت حينها ام كلثوم وقالت بشر صاحبك ياامير المؤمنين بغلام
فسمعها الرجل وخجل كثيرا وقال واخجلتاه ياامير المؤمنين
ولما نضج الطعام قال عمر ادخلي واطعمي المراة
بنت فاطمة الزهراء بنت رسول الله صلى الله عليه وسلم ترافق زوجها امير المؤمنين لمساعدة الرعية وقضاء حوائجهم
بدون دعايات انتخابية وكلام وكاميرات وضحك على ذقون الشعب
والا شنو زعيم تيار مثل مقتدى الصدر مايدري البطاقة التموينة شبيها مابيها
بس يعرفون ربعم الطائفية والنهب والسلب بالبلد
مستشفى الحبيبة للولادة بنتها رجال 7 نيسان
واجتي رجال الصدر رجال 98 نيسان
قلبوة اسمها الى مستشفى فاطمة الزهراء للولادة
مو مشكلة الاسم بس المشكلة وين الامن والعدل والمستشفى يسيطر عليها التيار الصدري؟؟؟؟
وطلعت علينا الشرقية نيوز بخبر اختطاف طفلة بعد ولادتها
في مستشفى فاطمة الزهراء (الحبيبة سابقا)بساعات
وامها ولدتها بعملية قيصرية
والحكومة تدرون عاجزة عن العثور عن الطفلة
وعن حل المشكلة اصلا
القت الام النفساء بالسجن
لان ماحافظت عل بنتها الوليدة
هااااااااااااااااااااااا
شوفو لو ين عاجزين عن توفير الامن ؟؟؟
ليش ماصار مثل هذه الحالة ايام حكم رجال 7نيسان
ويكولون 9 نيسان تحرير العراق
ونكول اللهم
مثلما مننت علينا برحمتك عشنا بالامس ايام 7 نيسان
فلاتحرمنا بلطفك من غدهم