18-06-2013, 03:38 PM
|
#1
|
من كبار الكتّاب
تاريخ التّسجيل: Jul 2009
المشاركات: 3,423
|
من قلة الخيل شدو السروج على الكلاب
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
صدك لو كال ابو المثل من قلة الخيل شدو السروج على الكلاب
اش مدري ابو المثل راح تقل عدنه بالعراق الخيل
واش مدريه راح نستورد كلاب
هذا ابو المثل تنبأ سنين قبل الاحتلال الامريكي للعراق
اليوم كنت اراجع احدى الوزرات المهمة في بغداد
ولفت نظري كلب حراسة يتوسط مدخل باب الوزارة كلب طوله اكثر من متر ومدلع لسانه
والمدرب يلاعبه سيرك
تصورت تغيرت الامور وراح يسهل علينا الدخول
بس تفاجئت الوضع نفس الشي
طلب منا الشرطي اللي هو الاخر يعمل حارس مع نفس وظيفة الكلب
ان ندخل الى الوزارة من باب اخر خلف الوزارة نفسها
في شارع ثاني وقصدنا مسافة طويلة حتى وصلت الوزارة
ولما رجعت بعد ماخلصت المهمة
شفت الكلب حارس الوزراة الامني كاعد و باسط ذراعيه
واخذ قسط راحة والمدرب كعد بصفه
من هسه كام الكلب يدور استراحة
واكيد منطي حوافز ومخصصات
وخطورة لان واكف بالشارع العراقي
ولان انطوه مهمة قيادة امن العراق
بس الله يشهد على كلامي رحت ورجعت
وما شفت الكلب يشمشم
ولاسمعته يكول هاو هاو
اخاف يكون عاطل عن العمل مثل اجهزة السونار الكاشفة للمتفجرات
وتالي طلعت ماتكشف بس حب الصداع
لان كل مواطن يشيل وياه حب الصداع من كثرة نقاط التفتيش
لو مثل الطائرات الكندية طلعت عاطلة ومايعجبها تطير بسماء العراق
طلعت مصنعة من افخر انواع البلاستيك المقوى
وتالي طيارة ذابت من الحر وباعوها خرده
وغيرها وغيرها
وكل هذا والشارع ملغوم بسيارات الشرطة والجيش بمقر حول الوزارة
لعد المن الكلب جايبيه للحراسة اذا احنا كمراجعين عراقيين ظلينا نراجع وزارتنا من غير باب ؟؟؟
والمن الشرطة والجيش وحمايات وكلهم مسلحين يارشاشات ويامسدسات
وحواجز كونكريتية مغلفة كل دائرة وشارع بغداد
وكل هذا يسجل فشل امني لحكومة المالكي ام الكلاب
ولما سجل الفشل لقيادات الحكومة باحلال الامن والسيطرة عليه
كالو خلي نستورد كلاب بدل القيادات الفاشلة او بالاحرى اللي تمرر عن طريقها التفجيرات
وتسهل مهمة الانفجارات حسب اعتراف رئيس الوزراء نوري المالكي
وفعلا شمرت ساعديها امريكا ام حقوق الانسان اللي حررت العراق من نظام صدام
وتعاقدت مع العراق باستيراد كلاب حراسة بقيمة 5 الاف دولار للكلب
مع العلم عدنه كلاب تملخ بس انخاها
تجيك ركض تصيح هاو هاو وبايقاع مستمر طول اليوم
بس يبين عدنه هواي فلوس حايرة الحكومة وين تذبها
وذبتها على الكلاب الامريكية
مع العلم قبل تحرير العراق على ايد ام الكلاب امريكا
كان شرطي المرور وحده بالشارع
لانشوف الشرطي ولا اكو جيش نازل بالشارع
والنظام بالعراق ماشي ليل نهار شمال جنوب شرق غرب
لاحواجز كونكريتية
ولاكلاب ولا نقاط تفتيش
والسؤال يطرح نفسه تكدر الحكومة تسيطر على الامن
بعد ماشدت السروج على الكلاب
وياريت عاد الكلاب تطلع تكول هاو هاو
ولا عاطلة مثل بقية صفقات الاسلحة
|
|
|