قال الوداع وقلت يازين لالا
ماهو بحق تغيب عني دقيقه
لك في صميم القلب قدر وجلالا
وفراقكم ياروح روحي ماطيقه
ماطيق بعدك ياحسين الدلالا
برد الشمل والا في كبدي حريقه
عليك حالي ناحله بانحلالا
والنفس فيها يابن الاشراف ضيقه
يهوي على قلبي هموماً تدالا
صادمت من حبك جروح عميقه
واليوم انا ماريد ذيك المبالا
اخذ ملام اللي كلامه حقيقه
وانا على وصلك كثير الأمالا
وصل العشيق اللي وفا في عشيقه
سبحان من صورك جل وتعالى
الجسم ناعم والملانس رقيقه
بيضً تحت حمر الشفايا تلالا
كن العسل يصنع من اطراف ريقه
اكضم ليا طرّي وجاله مجالا
مافي يدي حيله ولالي طريقه
ألا نهار يروح فيه ذا الجمالا
اخضع واداني عهودً وثيقه
سافر ومعه مثل وبل الخيالا
وانا عيوني من دموعي غريقه
هل الهلال وهل عقبه هلالا
والرح فيه لا مه حرصه شفيقه
ان كان هنا سودٍ يدّعون الكمالا
عودو على حي ٍ جفا النوم ميقه
جفا المنام وصاب قلبه جفالا
صار السهر عقب العداوه صديقه
بين الرجا والياس والعهد طالا
والله يبور بمن يبور برفيقه
مشبوك والمشبوك امره محالا
لا واهنيك يالطيور الطليقه
راع الهوى عن الهوى مايسالا
يوم المحب اقل حاجه تضيقه