آه يا بحر
هذه قصيدة يخاطب فيها شاب فقد حبيبته البحر و يبوح له بحزنه
القصيدة باللهجة الخليجية
يابحـر بسألـك لـيـش امـواجـك الليـلـه تعـانـي..
انــت مثـلـي يابـحـر قـبـل امــس فـاقـد حبيـبـه.
انت متضايـق عشانـك والا متضايـق عشانـي..
اسـألــك بالله قــلــي يـابـحــر وش المـصـيـبـه.
والآ اقول اسكت وانابحكي عن اللي لك خذاني..
ببـتـدي مـعـك الـكـلام وكــل ماعـنـدي بجـيـبـه.
تذكر اللـي صوتهـا تشتـاق لـه حتـى الموانـي..
كــل ميـنـاء يـسـال الثـانـي اذا طـــول مغـيـبـه.
تذكـر الـلـي سلهمتـهـا تقـلـب الدنـيـا ثـوانـي...
تذكـر اللـي عطرهـا حتـى طيـورك تحتفـي بــه.
تذكـر اللـي علمتنـي كـيـف اروض هالمعـانـي..
كـل مامـرت عليـه رحــت للشـعـر انتـخـي بــه.
تذكـر اللـي كـل صبـح تمرنـي باحـلـى تهـانـي..
صار كل العمر عيد وصـارت اقـرب مـن قريبـه
قبل يومين تركتني ورحلت مـع شخـص ثانـي..
شخص ماكانت تحبه بس ماادري وش تبي بـه.
ادري انـي مـن سببهـا كاسـر خـاطـر زمـانـي..
وادري انـي اول انسـان يكسـر خاطـر نصيـبـه.
وادري ان الله خـــذا مـثــل مـاهــو عـطـانــي..
وادري ان الغاليه راحـت رضـا ماهـو غصيبـه.
بـس اقـول الله كريـم وعمـر كـل النـاس فانـي..
والمكان اللـي خـلا مـن زولهـا وش ينبغـي بـه.
أسألـك بالله قـلـي حــط نفـسـك فــي مـكـانـي..
وش تسـوي يابحـر لاصـرت فاقـد لـك حبيـبـه؟
|
النمط المتطور