{ قصـــايد أعجبتني }

[الشــــامخه]

جا يشوف الحال كيفة بعد ماهزة حنينة
قبل يسالني سالته كيف حالك يالحبيب

قال انا كني غريب ضيع دروب المدنيه
قلت انا كني مدنيه تنتظر رجعة غريب

قال اجل وش فيك تلعن سيرة الحب وسنية
قلت أجل وشلون ماالعن سيرته دامك تغيب

انت لامن غبت حتى مرايتك صارت حزينه
كيف ما تبغاني أحزن وانت لي مثل النصيب

الهدايا والرسايل والمكاتيب الثمينة
الليالي والقمر والريح والكون الرحيب

كل ماتبعد تجيب الشعر ليه من يدينة
وتقعد جروحي تودي فالمتاهات وتجيب

يابعد كل القصيد و نزوة حداه وانينه
لاذكرتك لاح بيت وطاح ورد وفاح طيب

وان نسيتك مانساني صوتك المبحوح لينه
ياخذ لجرحي بثاره من خطاياك ويطيب

وبعد هذا جاي ترمي ذنبك بوجة المدنية
مادريت ان المدنية كلها شمعة غريب



من أجمــل قصائد
الشاعر/ فهد المساعد