[size="6"]
وطن
مرسوم بضعفى
كل جدرانه وهن
بإرادتى سالب إرادته
بالنسبة ليه لا اؤتمن
شايف وروده بيدبلوا
عوده الصحيح
أنا باكسره
ماأخجله
من صوتى المدبوح غناوى
بتعشقه
بس ف أحضان الورق
منى إتخنق
وبيطالبنى بالرجوع
لكتاب محمدحكمة يسوع
بيطالبنى ما اكتفيش بالدموع
بيطالبنى أخد بإيده
أدفق الدم ف وريده
أمزج الأحلام بواقع
حقى أعيشه
من غير خضوع
أ........ه ياوطن
نص أحلامنا شجن
والباقى ضاع من غير تمن
بكرانا ياللى بنندهك
أخرج بقى من مكمنك
إنزع فتيل صمت الخرس
دق الجرس
آن الآوان
تآمن لنا.... ونصدقك [/size
]