السلام عليكم .. مجرد رأي
إحترامي وتقديري
ويسعدني أن أقدم إليكم
لو يحاولوا يوصفوك
........
مهما كانوا بيحْكوعنِّك
أويقولوا كلام يهمِّك
يشكروك ......
ويمجَّدوكْ .....
مستحيل هيقـدَّروكْ
بالقليل من كل حقـِّكْ
لو يحاولوا يوصفـوكْ
مش هيلاقوا حتي وصْفِـكْ
أصل الكل عاش ف حُضْنِكْ
وكل هذا وذاك , لأنك
من زمان قريبة منْهم
مش أكيد تتخلِّي عنْهم
وقبل الخليقه فْ وسْطهم
دا انْتي الكبيره أُمُّهُمْ
ست البسيطه وعزُّهم
رمز الحقيقه , وستُّهم
شمس الظهيرة , وضلُّهم
ورد الجنينه وقمحهم
قلبك بيطرح فرحهم
انتي الحبيبة
والطبيبة
وكتير تداوي جرحهم
بتعيشي دايما همُّهم
بتعلِّمي طول الزمان
حب الحقيقة والمكان
بتوصَّلي بر الأمان
بتوزعي حب وحنان
بتفرَّقي ف مية عنيك
وبتزرعي بكفوف إيديك
وكتير بتسقي نبتهم
صبركْ ينبِّت زرعهم
سنين وشبعت بطنهم
والعين بنورك فتحت
شجرة وكِبْرِتْ فرَّعت
طرحت ديابه يقطَّعـوك
وكتير يحاولوا يقسِّموك
يسْقوك خلاصة مرهم
يقْسوا عليك , لكن قويّه
وبتضحكي رغم الأسية
ومحبتك زادت شوية
نايمه ف القلب مرحرحة
حاضنه ف الغصن موضحة
طرحْك تقاوي تقوِّي زرعك
تكتب غناوي تغنِّي لحنك
طول الزمن والرَّب نصرك
ماكنتي ف يوم إنت الضحيه
رب الخلايق كرمك , ومقدَّرك
وشرَّفك , كتير صحابه وأنبيه
وانتي ف عز فرحتك
بتفرجي كل الهموم , بهمتك
بتشيلي عنهم كربهم
تِقْسمي بينك وبينهم
بتعيشي معاهم غمُّهم
تطبطبي , تاخدي بإيدهم
وتطببي جرحك ف قلبك
وتهنني الكل ف حضنك
بتلمي ليهم شملهم
وتخلِّي فيهم فرحهم
ترجَّعي حب وأمان
تودَّعِي فُرْقِةْ زمان
ربك غانيك عن مَنُّهم
وكفايه إِنك إنتي أُمُّهم
أشكركم
وللجميع تحياتي
اتمني المرور وترك تعليق علي ( لو يحاولوا يوصفوك )
النمط المتطور