يا بنت انتي بنت ناس هوامير
وانا بدوي عايش مع البوش فالبر
انتي بفيلا بها الزهر والنوافير
وانا بعريش وحوله الغاف لخضر
انتي تلفين المدينة بالعصير
وانا ادور بنت ظبيان وازقر
الفقر واضح بيننا دون تفسير
مثل الشتا يا بنت يفرق عن الحر
ابوك عنده معرض للسيايير
شيئاً موّرد وشي خارج مصّدر
من غير لي بالبنك شيكات توفير
ولا هو بمثلي كل يومين بمغفر
وعمك يعدونه من اللي مشاهير
محسوب م التجار وعاسيت جاكور
وانا بدوي وانتي بشهادة ماجستير
ويحق لي بشهادة البدو افخر
ما غير اطباعي لجل خاطر الغير
يا بنت عفواً واعذريني فلا قدر
احب البدو من يوم انا عدني اصغير
واراقب الجوزاء مع الليل واسهر
واحب اشوف الذود والصيد بالطير
ارتاح يوم الصيد فالدار يكثر
هاذي حياتي عشتها دون تقصير
والحمد لله خالق الكون لكبير
انا بدوي يا بنت وعالرمضا اسير
واتحمل الشدات بالحيل واصبر
واسير فالوديان وقومي مناعير
والشاهد الله فعلنا دوم يذكر