مساجلة بالشعر النبطي ( شاركونا )

[الــنــدى والـــمــا]

قالوا تحبه قلت ماهوب بالحيل .... بس انه اغلى شوي من نور عيني

يسوى جميع الجيل الأول وهالجيل .... أحبائي الماضين والمقبليني

شوقي له أعظم من ظما الأرض للسيل .... وأشفق عليه أكثر من أم الجنيني


(سعود بن بندر)

[مستبشر الساحات]

يالله ياجال الأمور المهمة::::تجلى وهج قلبٍ برا حال راعيه

[الــنــدى والـــمــا]

هدي سنينك أكثر العمر قد راح .... ياماخذا مني سنيني عجاله

باقي سنة ولكل منا بيرتاح.... باقي سنة ونروح كلا في حاله

ياما تحملنا من احزان وفراح .... وياما مشينا الدرب صعب وسهاله

(صدى الحرمان)

غفر الله لنا ولها

[مستبشر الساحات]

هذاك يوم كل كلي فداياك ::::بيح جفاك بخاطري كل خافي

[الــنــدى والـــمــا]

يكفي عذاب وعيشةٍ كلها خوف .... وش عاد في صبري عليكم لقينا

الله كتبها يطلع البدر بكسوف .... ويغيب عنا ساعةٍ مادرينا

(سعدالخريجي)

[مستبشر الساحات]

في حفل زواج في الحفيرة بالقرب من مدينةالدوادمي كان هناك ردية مشهورة وكان من القصائد التي لعب عليها الشعراء ردية بين مستور العصيمي وحبيب العازمي كان مطلعها /
نبا نعرض الدعوى على الشيخ ابن بــــــاز ::::عسى الشيخ ياحبيب يحل الدعاوي

[الــنــدى والـــمــا]

يالله أن تغفر لشيخ ويكون ابها فاز .... وجنة الفردوس ساكنٍ فيها

.....