--------------------------------------------------------------------------------
وحده زوجها ما يغار عليها أبدا ..
طلعت معه السوق ويوم رجعوا قالت له : شفت الشباب اللي
كانوا جنبنا قبل شوي .. حطوا رقمهم ابجنطتي وحنا بالازدحام .
قال : هاي إنتي قلتيها .. ( بالازدحام) ..!!
إرتفع ضغطها من زوجها البارد وفكرت بخطة ثانيه تخلي زوجها
يغار عليها .
راحت لجارهم ( أبو علي ) وقالت له على موضوع زوجها وكانت
طالبة منه حل لمشكلتها .
قال أبو علي : لازم يشوف رجال عندك بالبيت حتى تتحرك
مشاعره ويغار عليك .
قالت : خلاص أنت يابو علي تعال يمي
قال : لالا . أنا أعطيك الحل وبس
المهم قعدت تترجاه وتقنعه إنه يجيها ويكون سبب في حل المشكله .
وافق ( أبو علي ) وجاها قبل ما يطلع زوجها من الدوام ..
قامت الزوجه وحطت أبو علي بالكانتور .. وبعدها بدقائق وصل
الزوج للبيت .
قالت الزوجه للزوج : أريد تشتري لي فستان ..
قال الزوج : فساتينك كثيرة .. يعني إنتي مو بحاجه تشتريه
قالت : لا ما عندي ولا فستان
قال : دولابك مليان فساتين
قالت : لا ماكو فساتين .. وإذا ممصدّق روح وتأكد بنفسك
راح الزوج وفتح الدولاب .. وقعد يعـدّ الفساتين :
هذا فستان .. وهذا فستان .. وهذا فستان .
أبو علي بالله وخرّ شوي .. وهذا فستان .. وهذا فستان ...!