|
|
|
16-10-2008, 02:25 AM
|
#23
|
مشرفة Non-Arabic Forum واستراحة الخيمة
تاريخ التّسجيل: Apr 2008
الإقامة: المغرب
المشاركات: 2,102
|
قصيدة النـــّحـــْلــة
نظم التهامي المدغري
رحمه الله
سهــْلا وأهْلا بك يالنـّحـــْـلة وهنيـّة يالصّايلة صلـْت ع:لــَطيـارْ
غنّــي بيـــن النـّهــرْ والـزّهــرْ وخدودْ الزّينْ والعيونْ المــحّــــارة
وْحــاليكْ اللـــه في كـــْتابـــــه وْلَهمــكْ لبـطايحْ العفـّا ولقيطْ النوّار
والجوْلاتْ ف:السّهلْ والـَوْعرْ وجْــعلْ فيــكْ دْوا وْحكمـة وتــْجارة
بْنغمتْ التـّحنانْ بين البُستــانْ ياشامة الظريفة نغمي دون وتـــــار
ما مثـْلكْ فضّة ولا تــْبـــــــرْ ولا ياقــُوتْ في دْخـــايرْ مومــــارا
قطفي قطـْفي أزّاهية سوسان وْغنــْباجْ والحْــكم والوردْ المســــرار
وسجلماسي رايقْ النــّْظــــرْ الطـمـّاج مـــْع مْـــديلكة والـــْجــلآّ رة
والبهـْجا والباغ والزّريرقْ والشكوكي والعشيقْ مصلح الانظـــارْ
والــْخابورْ شْــقيـقْ للبهــــرْ هــداكْ لـــْذا صــْفورتو مــا تـتــْوارى
مشرقيّة وغالبة وياس ونسري ومْــريجــْنة وفــن وزْهــــر الحـــرارْ
والـْعــفــْيــوني بالــزّهو احمرْ خـــيلي بــين لبــْطـــاحْ خلــيه غــْوار
الدّيدي والخزرانْ يعْدل ويميسْ ظـْريفْ رايــقْ مــْع شمـــْســـه شـــْـوار
ومْهلـــّلْ وجــــْهُ كـْــملْ بــــدر فـــي لــيلــتْ واحْ دارتْ نـــــــــوّارْدارة
دوات النحلة وقالت عشوب البيدا حلالْ لي ف: الـــْبـــساتــــينْ مـــا بين اســــْوارْ
وجـــْمــيعْ الحرجاتْ والشـّــــــــــجــــــرْ نقطفْ منها ولا نغيّرْ نـــــوّارة
نتبحْبحْ ف:مْسارحْ الزّهرْ واغصانْ تميلْ ولــــجـــْبـالْ الـْعاليــــا وقفـــارْ
ما بـــين الـْجرنـيسْ والـسـّدرْ ونـــــروحْ للـْجـــْبــاحْ بــعـــْـد نــتــْســـارا
__________________
" كان بودي أن آتيكم ,, ولكن شوارعكم حمراء ,,
وأنا لا أملك إلا ثوبي الأبيض ",,
* * *
دعــهــم يتــقــاولــون
فـلــن يـخــرج الـبحــر
عــن صمته!!!
|
|
|
16-10-2008, 02:58 AM
|
#25
|
مشرفة Non-Arabic Forum واستراحة الخيمة
تاريخ التّسجيل: Apr 2008
الإقامة: المغرب
المشاركات: 2,102
|
قصيدة ربيعية
ادريس بن علي
فصل الربيع جرد سيفو فوق لبطاح
واقبل كهمام فحلة خضرة
منبتة تسخير القدرة
قم تغنم فيه النظرة
زهو وبشرى
ونظر للارض كيف فاح شداها
كأن بنت لاح ضياها
لابسة توب من الجنة
وتاجها ناسب ذاك الزين واللباس
يا م اسعدها مع لحباب نزاهة
كيف كنت نتمناها
بالسرور والهنا واحنا فقلب قبة ملوكية ف واد فاس
واد فاس نهر يشق المدينة ويسمى واد الجواهر
فواد فاس يعجبني لمشي فالصباح
قبل الشروق يا محلاه بالنظرة
والندى جوهر كيف ترا
والشمس فحجاب السترة
تقول صرة
والنهر محاسنو تفوح سناها
تشوف صورتك في ماها
كل نظرة فيه رخيصة بمال كسرى
لا سيما مع لغراس
__________________
" كان بودي أن آتيكم ,, ولكن شوارعكم حمراء ,,
وأنا لا أملك إلا ثوبي الأبيض ",,
* * *
دعــهــم يتــقــاولــون
فـلــن يـخــرج الـبحــر
عــن صمته!!!
|
|
|
21-10-2008, 12:52 AM
|
#27
|
مشرفة Non-Arabic Forum واستراحة الخيمة
تاريخ التّسجيل: Apr 2008
الإقامة: المغرب
المشاركات: 2,102
|
قصيدة: أمجاد المغرب ومحاسن أهله
للشاعر أحمد سهوم
بَاسْمْ النُّورْ اللِّي امنَوَّرْ السَّمَواتْ اُو لاَرْضْ كُـلْها وَ اعْـلِيها قـيُّـومْ
اُو بَاسْمْ ارْحَـمْـتُه الـرَّاحْـمَة
بَاسمْ الْكَرَمْ مَنْ اكْريمْ الْكُرامة
بَاسْمْ الْحَقْ الْحَاقّْ الحقايَق...اُو بَاسْمْ الْخيرْ حينْ يَخْتارْ اخْـيارْ الْـقُومْ
لَلْمْحَـنَّـة وَ الْـمْـرَحْـمة
بَ:الْخِيرْاُوعَللّْ الخيرْ تَتْلَمْ اللاَّمة
بَاسْـمْ الْعَدْلْ اِلَى ايْـشِيعْ حَتَّى يَشْمَلْ لَمْدُونْ وَ الْبْوادي دَاخَلْ وتْـخومْ
تَشْرقْ شَمْسْ الْكُونْ بَـاسْمـة
تَنْسَجْ لِيزُورْ مَنْ اسْدا لاَبْتِسامة
بَاسْمْ الْـجَمَالْ ارّْفِـيعْ..اُبَاسْـمْ الـذُّوقْ اِلَى اتْـذَوْقُـه..مَعْلُومْ اُمَفْهُومْ
الـذَّوْقْ ارْكيزَة اوْ قَايْـمـة
للَنَّهْضة ذَ الْوْطانْ سَنْدَا وَادْعامَة
بَاسْمْ الْحُبّْ اُو مَنْ اتْحابُّوا.. بَاسْمْ الْوِدّْ اُو مَنْ اتْوادُّوا..وَالْكارَمْ مَكْرُومْ
اُو بَاسْمْ السَّمَا اوْمَـا اسْـمَا
مَنْ بَوْحْ الصَّالْحينْ اوْهْلَ الْكْرامة
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْ
وَالْقَمرَة ظَهْرَاتْ تَامَّة
كَـــانَتْ خَبَّاتْها اكبِيلَة لَغْمَامَا
تَانَعْشَقْ مَـغْرابْتي.. اوْحَـضَارَتْها..اوْ تـُراثْها..اوْمَا نَتْسَلَّقْ سَـلـومْ
أنَـا وَاحَـدْ مَنْ الْـعَامَّـة
وَاكْثُرْتْ الْعَامَّـة افْ:قَوْمي حُكَاما
أنَيَا مَعْرُوفْ بينْ ناَسِي وَاهْلي وَ اعْشَايْري امْسِيَّحْ عَاشَقْ مَـغْـرومْ
فَ:بْلادي هَـذِه الـسَّالْـمة
مَنْ كُلّْ اعْيُوب ْ دَامَتْ لْهاَ السْلامَة
انْتُما قُـولُواْ اللهْ عَالَـمْ وَ نَا دلاَّلْ خَـيْـرْ فَـالْـيَـقْـظَة أَوْ النَّوْمْ
كَ: نَنْظَرْ أَرْضِـي النَّاعْمة
غَرَّتْ جَبينْ لاَرْضْ باَنْوَارْ السَّما
يَا سُـبْحان اللهْ...مَا اتْفَرَّقْ فَ الدُّنْـيَا كُـلْهَا مَـنْ زِينْ هْـنَا مَـلْمُومْ
وَانَا رُوحِي فِيهْ هَـايْـمَـة
مَـا بِينْ مْحاسْـنُه ايْمَامة حَوَّامَة
نَبْدَا مَاحَدِّي فْ طَنْجَة, بَ الْبَحْرِين اللِّي فْ حَوْزْها, كَايْـنْ مَجْمَعْهُومْ
كَـرامَـة لاَهْـلَ الْمْكَارْمة
الْمُتَوسِّطْ امْــعَ الْمُحيطْ اتْسَامَا
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْ
وَالْـقَـمْـرَة ظَـهْرَاتْ تَامَّة
كَانَتْ خَبَّاتْها اكبِيلَة لَغْمَامَا
أَما مَـنْ شُعُوبْ مَا لْقَاوْاْ ابْـحَرْ وَاحَـدْ في اوْطَانْهُمْ سَالواْ هَلْ لَّعْلُومْ
وَاهْلَ الـثَّـقافَـة الْـعَامَّة
وَاحْنَا بَحْرينْ...مَنْ الْعِينْ السَّلامة
وَالْويدانْ اخْلاصْ هَا اسْبُو...هَا وَرْغة...أَنا صْـغيوَّرْ وَتْعَلَّمْتْ الْعُوم
اوْتاَ نَاكُلْ عَسْلُوجْ مَنْ الْمَا
دَرِّي وادْ انّْجَى اكْبيرْ الْـعَوَّامـة
وَاشْوَامَخْ لَجْبَالْ عَالْيَا...وَسْـهُولْ اُو وَطْـيَانْ رَاوْيَة...وَاعْنَاقَدْ لَكْرومْ
نَضْجَاتْ لْـديدَة اوْ طَاعْمة
اُو يامَا مَنْ انْـعَايَمْ الـنّْعَايَمْ يَامَـا
الْحْـبُوبْ عْلى اصْنافْهَا...وَالْخُضْراتْ اهْنا انْوَاعْهاَ مَشْروبْ اُومَطْعُومْ
تَـبَاركْ اللهْ دَايْـــمَـة
فَ الْبَرْ..اُوبَحْرْ..وَالْهْوا... وَمَا وَما
وَاشْ احْـمَدْنَا-ياحْبَايْبِي حَقّْ الْحَمدْ– الْمُنْعِمْ عَـنْ ماَهَابْ مْنَ انْــعُومْ
يَجْعَلْها لِنَا مْــــدَاوْمَة
مَنْ ذَ السَّـاعة اِلى الْيُومْ الْـقِيَّامـة
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَات انْسُومْ
وَالْـقَـمْرَة ظَهْرَاتْ تَامَّة
كَــــانَتْ خَبَّاتْها اكبِيلَة لَغْمَامَا
اُورَمْلْ الصَّحْرى ابْحَافْرْالعِيسْ..اُو لَغْزَالْ..اُوالْكُرْكْدانْ..اُولَمْهَرْ مُوشُومْ
وَاسْقُورْ الْقَنَّاصْ فَ السّْما
اوْشَفْتْ الظَّـلِيمْ كَايْنَقْنَقْ لَنْعَامـة
وَابْراجْ اُوقَلْعاتْ وَالاْسْوار ْ اتْحَدَّ تْ الَاجْيالْ عَللّْ الْهَاجَـمْ وَللاَّمَهْزومْ
فَا مَا منْ وَقْعَاتْ حَـاسْمَة
كُـلَّ وَقْعَة انْظَمْتْ فيهَا مَـلْحَمَة
وادْالْـمَخَازينْ..تِـطَّاوَنْ.. وَجْـدة..وَسْـلاَ...وْغيرْهُمْ كِيفْ انْعَـدَّدْهُمْ
عـَرْفُـونَا أُمّة امْـسَالْمَة
اوْطَمْعواْ فينَااطْميعْتْ انْسَرْ فَحْمَامَة
لَكَنِّي بَ اللهْ وانّْـبِي وَ الْـعَرْشْ اُو ارّْجَـالْ وَانّْـسَا لاَزَلْـنا لَلْـيُومْ
نارْ فْ هَلْ لَطْماعْ ضَارْمة
اوْتُـورْ اهْلَ الْوْفَا فْ دَنْيَا مَظْـلاَمَة
خَمْسَةفِي عِينْ اِبْلِيسْ..اوْقَزْبَرْاحْبُوبْ..اُفِيجلْ..اُواصْفِ يحاتْ وْشُوكْ دُّومْ
اُو الشَّـبَّة وَالْحَرْملْ اِيعْمى
هُوَ وَ اجْحَافْلُه اللِّي كَـا تّْـرامـا
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْ
وَالْقَمْرَة ظَـهْرَاتْ تَــامَّة
كَـــــانَتْ خَبَّاتْها اكبِيلَة لَغْمَامَا
النَّخْوة..وَالنُّبْلْ..وَالظَّرافَة..وَالرَّافة.. وَالْمْلاَطْفة.. وَ الطَّبْعْ الْـــمَحْكُومْ
بَ اْلأَرْيَـحِـيَّة الـنَّـاجْمَة
عَنْ لَعْنايَة اوْعَـنْ اتْمامْ الشَّهَامة
الْمُرُوأَة عَنْدْنا ابْقَاتْ..وَ الْعَزَّة ذَالنَّفْسْ مَا اوْهَاتْ.. الـــفِكْرْ الْمَلْهُومْ
وَالْقَلْبْ الْمَوْصُولْ بَ السّْما
يَرْحَلْ بَ الرُّوحْ كُلّْ حينْ لْ تِهامة
وَعْـــلومْ الْـقُـرْأَنْ جُـلّْها تَأَمُّـلاتْ الـمْغَـارْبَة مُشَاعْ اوُمَكْتُومْ
وَ الصُّـوفِيَّة روضْها انْما
وَنْتَجْ لاَقْطَابْ..والاْجْراسْ..اوْعُلَما
اُوفِقْهْ السُّـنَّة..اوْفِقْهْ الُّلـغَة.. وَامَا مَنْ اعْـلومْ مَا يَحْصيهُمْ مَـنْـظُومْ
وَافْنونْ الْـيَبْداعْ لاَهْـمَـة
مُولْ الْخَيْدوسْ.. وَتّْمَاكْ..وَالْعْمَامَة
هَانَيَا لَمِّيتْ مَنْ اجْنَانَاتْ اوْطَاني يَامْنِ ايصْغَاني هَـذْ الْـمَـشْـمُـومْ
تَهْـنِئَة فَ الْعِيـدْ نَـاسْمة
بَعْبِيرْ الشِّيحْ وَ الْقْرَنْـفَلْ وَاخْزَامة
قُلْتْ اُو بَاقِي تَانْقُولْ:عَاشَقْ فَ بْلاَدِي سَايَحْ آسْيَادي وَ انا سُـهُــومْ
وَامْسَاهَمْ جَـلّْ الْـمْسَاهْمَة
فَ النَّهْظَة كُلّْهَا بْ نَثْرْ... اُونّْظَامَة
صَلَّى الله اعْلى انّْبِي الْعَرْبِي مُحَمَّدْ خَاتْمْ ارّْسَالَة نَعْمْ الْــمَعْــصُومْ
اصْلَى مُوصُولَة امْدَاوْمَـة
وَعْنَ اصْحَابُه اوْهَلّْ الْبَيْتْ الكُراما
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْ
وَالْقَمرَة ظَهْرَاتْ تَامَّة
كَانَتْ خَبّتْها اكبِيلَة لَغْمَامَا
__________________
" كان بودي أن آتيكم ,, ولكن شوارعكم حمراء ,,
وأنا لا أملك إلا ثوبي الأبيض ",,
* * *
دعــهــم يتــقــاولــون
فـلــن يـخــرج الـبحــر
عــن صمته!!!
|
|
|
21-11-2008, 07:57 PM
|
#30
|
عضو جديد
تاريخ التّسجيل: Nov 2008
المشاركات: 2
|
شكرا للياسمين على ما تعطرنا به من فوائح الملحون وشكرا على الجهد والمعانات لكتابة ما هو مفروض منه أن يكون مسرودا أو مغنى أي هذا التراث الشفوي الرائع والبديع والمليء بالمعاني.
إلا أن لي بعض الملاحظات إذا تفضل ياسميننا بإبداءها
1- هناك بعض القصائد الغير التامة في الكتابة وأرجو تمام الأريج بإتمامها كتابة وشكرا مسبقا
2- أريد أن أسائل ياسميننا عن مصدر هذه القصائد أهو مكتوب أو منقول عن المُغَنَّى
3- لمن هذه القصيدة القديمة؟
4- ما زلنا ننتظر المزيد مما جادت به القرائح وهو على ما يظهر كثير جدا
5- أجدد الشكر للياسمين وهو كما يتبين من هذه الإتحافات إسم على مسمى والسلام
|
|
|
عدد الأعضاء الذي يتصفحون هذا الموضوع : 1 (0 عضو و 1 ضيف)
|
|
قوانين المشاركة
|
You may not post new threads
You may not post replies
You may not post attachments
You may not edit your posts
كود HTML غير متاح
|
|
|
| |