يا مكرهه من هوى ليته تعداني ..!!

[الحنين]

ليلة الجمعة ..!!


ليت الهوى .. خاف من ربـه ولا جانـي
ماكان أحس بــهمـوم النـاس مجتمعـة !

أقيد شمعة سنة .. مـن عمـر احزانـي
وأعيش عمري .. تشب وتنطفـي شمعـة

لا صوت قـادر يـدف الحكـي للسانـي
ولانيب أعرف أحرم إذني لا حكوا .. سمعه

كم لي وأنا لا أذكـروه أعـض بأسنانـي
ماودي اللغـز الأول .. تكشفـه رمعـة!!

كنا هنـا .. ليلـة الجمعـة .. و خلانـي
واليوم أنا .. والفراق .. وليلـة الجمعـة

كلن جلس .. وإبتدا يكـذب علـى الثانـي
لين أكشفتني وانا أضحك (كذب) .. دمعـة

وأسكت .. أخـاف إيتنبـه مـن تبلانـي
وأمسح أثرها .. ويبقى بأصبعي .. لمعـة

وآلوم نفسي .. وأنا آشوف إصبع الجاني
اللي جمع رفقته .. ثم صافحـوا جَمعـه

يامكرهه مـن هـوى .. ليتـه تعدانـي
ما كان قمت أشتكي .. والناس مجتمعـة


إبـداع .. عبدالله البكر

[همس الأحاسيس]

رااااااااااااااااائعة وربي يالحنين
جالسه أقراها بلحن المجرور واتمايل
الله يستر لا يكون افطرت

تسلمين يالغاليه وجعلك على القوة دوم يارب

[الحنين]

المشاركة الأصلية بواسطة همس الأحاسيس

رااااااااااااااااائعة وربي يالحنين
جالسه أقراها بلحن المجرور واتمايل
الله يستر لا يكون افطرت

تسلمين يالغاليه وجعلك على القوة دوم يارب

أن مجرد مرورك لهو أروع مما قرأتِ هنا أيتها الحبيبة ..
أسعدني حضورك ..
وكل عام وأنت بألف ألف ألف خير يالغلا ..

[غــيــث]

من عنوان الموضوع عرفت إن المحتوى حتمآ جميل

وجدته اكثر من رائع ...و إختيارك وعرضك اروع

لا تتروعون

[ريّا]

الحنين .........أختيار ونقل أكثر من رائع
دمت وسلمت .......كوني بخير .......ريا