هون على القلب المعنى خفوقه .... لا تتعب الخفاق والناس سالين
ياصاحبي دنياك ما هي صدوقه .... كذبة عبث بالحس والسمع والعين
اكذب من الاحلام لمعه بروقـه .... سحابها يرعد ولا للمطـر عيـن
ما صادق الا من كوتني حروقه .... ياليتها تكـذب جـروح المحبيـن
ليت الهوى ماصادفني طروقـه .... ولا عرفت الوصل او لوعه البين
لاواهني من لايميـز فروقـه .... مايفرق الجمعه على صبح الاثنين
يدله والايـام الهنيـه تسوقـه .... نوم الهنا يغشاه بيـن العشاويـن
ماذاق تسهيد العيون الشفوقـه .... تسهر الين الصبح يبدي بخطيـن
على الذي وسع بقلبـي فتوقـه .... خلاني اهوبـي سـواة المجانيـن
النمط الشجري
