مساجلة بالشعر النبطي ( شاركونا )

[همس الأحاسيس]

حبيبتي سلسبيلا
تراك مضيعه القافيه يا الغلا

بيت الوافي ينتهي بالكاف

كان الوفا غايتك بالحب وشعارك /// وتبدي بشوفي رضا خاطرك وسرورك
العام ابي شوفتك واحرص على اخبارك /// واليوم عندي سوى غيبتك وحضورك

[الصدام العربي]

هل سالقاك يوم في الفرقا والهجر كان موعدنا
تذكرني لاني معاك في صحوي ونومي

[الشــــامخه]

يـا حبّنيـلك دون كــل المخـاليــــــــق .... ياللي تسـاوي كل شيء بحـــياتــي
لا شفت زولك ينجلي عني الضـــيق .... وإن غبت عن عيني تزيد عبراتـي
دايم عيـونـي من فراقك غواريــــق .... وطلعتك ترسم بسمتي في شـــفاتي

[عاشق الحرف]

يا ويلها قويه بنت ابوها
وذيك العيون الجريئه ريميه
ماحصل لي عرفت ابوها
كان خطبتها ليه

[الشــــامخه]

هلا يا مطول الغيبه .... من اقليبي أهلي به
يطير الطير بالعالي .... ومرد القدره إتجيبه

رقص من شوفتك قلبي .... بصدفه ساقها ربي
بلى ميعاد يا حبي .... تلاقى قلبك وقلبي

[غــيــث]

ياهل الديرة اللي طال مبناها
............ ما بلادٍ حماها طول حاميها

المباني تهاوي كل من جاها
........... ما يفك المباني كود اهاليها

كان ماتفزع اليسرى ليمناها
........... اعرف ان ماوطا هذيك واطيها

راعي البوق بالنيات يلقاها
.......... من حفر حفرةٍ لازم يقع فيها

[صتيمه]

الحكم يبغى ولد....ماهو لابناخي العبيد
الخيل تصهل بالبلد...وانا اترجس بالحديد

[غــيــث]

[FRAME="13 90"] دامني حي عطني وش بقى نحتريه
ما بي دموعك اللي عقب موتي تهلا


ما بقى بالعمر مقدار ما راح فيه
كل ما زل يوم يوم بالعمر ولى


ما يعرف الجمر مثل الذي يكتويه
احد يدفا بناره واحد فيه يتصلى


يا من القلب حطيته براحة يديه
ما رضى له مكان غير كفك محلا


كم تعذر وعيا عن هوى مهتويه
لين طاح بيمينك بالغرام وتجلى [/FRAME]

[ابن اليمامة]

بان الرحيل و اخنقت عبرات الحزن الأصوات
عبرة فراق الحبايب من بعد عشرة طويله

كيف ابنسى من كانت لهم معي وقفات!
ومن كانت الروح تفداهم ولو امست عليله !!

[الشــــامخه]

هويتك والهوى لو هو هوايه ماهــــويت انسان
على كيفه يزعلني على كيفه يـــــراضيني

اطيع امرك كما عبدٍ يطيـــــع لسلطة السلطـــان
وانا ان عدت الانساب من روس الســـلاطيني


على كفوف الغلا شلتك واماري بك مع العربان
عشانك كامل الاوصاف والاخــــــلاق والزيني