مساجلة بالشعر النبطي ( شاركونا )

[الصوت الرخيم]

هنا كان البياض رجال ما تقبل خنا الزله000 عمايمها سحاب وابله باقي مواضيها
...خالد العتيبي...

[مستبشر الساحات]

البارحة ساهر والعين مسهرها::::زول مع السوق با لمفرق تعداني

[على رسلك]

بين المحال وبين تحقيــــق الامــال
مثل الذي بالضبط بينـــــي وبينــك

بين الشقا والجرح والدمع والحال
عشره متيــنه وثقتهـــا ســـنيـــنك


ما لقيت ياء ..

[الوافـــــي]

نعود لحرف ( الياء ) عند المستبشر

يا الغالية تبقين فيني قصيده ... عرض الزمن انتي مداها والأفكار

( الراء )

[مستبشر الساحات]

راسي اللي غثته كثر اللجاجة:::: ومتصدع من أمورٍ تدرجي

[الصوت الرخيم]

يا سامع الصوت افزع لداعيك000 ما جر بالصوت الا فاقد{ن}صوابه

[على رسلك]

ياكيف تنشد عن احوالي // وانته عليم عن الحـــــاله
حالي تمــــناك يا الغالي // بقـــفايه الفـــكر واقبــاله
لك وحشة يا هوى بالي // زادت على الفكر غرباله
كني مع الناس بحالي // والشوق وثق بي احبـــاله
بغيت انا الصبر ماجالي // مــاقوى العزا عنك محتاله

[مستبشر الساحات]

هذ سوايا الحرب قاهر ومقهور:::: ولا انوخذ الا بحيلة ومغــدور

[غــيــث]

راحت كما حلمٍ صحى منه صاحبه **** أقفت وحال الياس بينـي وبينهـا

راحت ولا تدري عن الروح عقبها **** كم راس ضلعٍ بيحت بـه كنينهـا

[الــنــدى والـــمــا]

أنا قديم الهم وأنفع العطفك .... أما الهوى يا سيدي مركبه صعب

ياليت لي صهوة جوادٍ وخطفك .... للشمس لنجوم المجرات للشهب

تحبني..وأقول من زود لطفك .... شكراً صدقت.. وألف شكراً على الكذب