{ قصـــايد أعجبتني }

[الشــــامخه]

لــيل البعـاد



ما أطولك ليل ...
ليل البعاد .. والإنتظار ..

ما اطولك ليل ...
سارق من عيون النهار ...

ناسي زمانك ...
زمانك .. يا شجوني ...

عارف مكانك ..
مكانك.. في عيوني ...

يا ليل .. يا ليل ..
يا ليل أنا ربعي هناك ...
وداري ورا الدمعه .. وراك ...

الله على شمس الأصيل ..
من ضيها مثل الذهب ..

الله على سمرا تقول ..
الى متى الفرقا .. تطول ..

في صوتها .. شوق وعتب ..
ما أطولك ليل .. ما اطولك ..

طال .. طال بي وجد ..
قلبي يا هواي ..

يا دفا نجد ..
في عيون الصبايا ..

ليتني نسمه .. على عالي عسير ..
أو على جده .. على الشط الحرير ..

ليتني نفحة أريج .. عطرت ريح الشمال ..
يا ليتني موجة خليج .. ترتمي فوق الرمال ..

ما أطولك ليل ... ما اطولك


البــــــــــدر

[نور الحياة]

طـــــــروق الحــــــب

فـي طـروق الـحب شرقني iiوغربني
مـعك يا زين دوخات الهوى ويا حلو iiمشواره

وغـرد فـي سما سمعي أبي تحكي iiوتطربني
سواليفك مطر عمري .. ربيعي ضحكة iiأزهاره

حـبيبي يـا بـعد كـلي وكلك صدق iiتعجبني
بـغـيباتك وصـداتـك وتـلويعك iiوتـكراره

تـجنن كـل مـا اشـوفك احس انك iiتذوبني
وتـضيعني مـن الدنيا .. وتشب بخافقي iiناره

جـمـالك نـاهب قـلبي وتـفكيري iiنـاهيني
دلالـك يـا رقيق العود .. عود تعزف iiاوتاره

تـولـعت بـتصانيفك .. وتـعذيبك iiيـولعني
وعلى أي حال راضي بك شمس العمر وانواره


أســــير الــــشــــوق

[كرامـ CaRaMiLlA ـيلا]

صحيح إن السحــاب .. انتــي


********
صحيح إن السحاب ... انتي
و أعشاب الربيع ... انتي
و أجمل من على هذا التراب ... انتي
.. وفي عز الليل لو بنتي..
يطير الصبح..من كف الربى عصفور
ولكن الليالي تدور..
كفاك ... غرور

سقاني صوتك البارح .. مرار الحزن والترحال
صحيح ان البحر مالح ... ولكن العطش قتّال
سألتك يا ظماي...أمطار
سألتك عن هواي ..أخبار
سألتك كلمتين أعذار...ولكن ما تعذرتي
وحقك لو تكبرتي..

صحيح ان السحاب ... انتي
و اعشاب الربيع ... انتي
و اجمل من على هذا التراب ... انتي

أنا جرح... وحنين وهمس...
و قلب ينبض بصدري
ولا ادري من حبيبي .. الشمس
ولا ودي بعد أدري
يكفيني دفا انسان
يشاركني فرح و أحزان
ونورك في السما لو بان
اشوفه ..مثل كل الناس
و احسه..مثل كل الناس

صحيح ان السحاب ... انتي
و اعشاب الربيع ... انتي
و اجمل من على هذا التراب ... انتي
.. وفي عز الليل لو بنتي..
يطير الصبح..من كف الربى عصفور
ولكن الليالي تدور..
كفاك ... غرور

********

تحيتــي

[نور الحياة]

هـــــــــــــــــــــــــــــلا بــــــك

هلا بك كثر مارحتي واحرقتي كثير قلوب
وهلابك كثر ماجيتي وفتحتي كل ابوابي

دخلتي مع وريد الدم وصار الدم فيك يذوب
وتوزعتي على كلي وصرتي كل احبابي

ترى ذنبي مهو ذنبي انا عندي كثير ذنوب
ادور للفرح بسمه تلوّن بأسمها كتابي

ولقيتك ترسمين الحب لوحه تبتدي بغروب
كيف ألقاك؟ أوصلك وغروب الحب بغيابي

وجودي والأمل قصة شعور الحب والمحبوب
أحيى به وأشعر به ويشعر بي ويحيى بي

تعاهدنا بدون اسباب نقطع دربنا المكتوب
وقضينا وقتنا نحلم بأسبابه واسبابي

خيالي معظمه واقع والواقع انا المغلوب
فديت الحب , وأيامه بتعذرني عن عتابي


للشاعر :: مناحي المقنع

[الوافـــــي]

قصيدة كتبتها ( بنت )

شنبك اللي تفاخربه..ترى اللي جابته حرمـه

تصيح تقول يا ( حرمه )،تحسب إنك تعايرني!! ... شنبك اللي تفاخربه..ترى اللي جابته حرمـه
تصدق كذبتك دايم ،، مبادئ حيـل تقهرنـي ... (نقص عقلك مع دينك)،،ترى مليت هالكلمـه
ياجاهل فتح عيونك..ياويلك لو تصاغرنـي ... غضب،،تهديد،،وإستلمّه..وسمّه اللي تبي سمّه
أنا مليت من ظلمك يا(آدم) وش تصورني!! ... أذا إني ناقصه بعينك،،وداعي منتهي الحكمه
تراني ساكته بكيفي ،، نصيحـه لاتفجرنـي ... غضب شيطان ماميز ،،مابين الخال والعمـه
عيوبي طيبتي وقلبي..حنان وشوق يجبرنـي ... علي عكسك تجي قاسي وكلن راضي بسلمه
حسافه وقتي الفايت،،تذكّـر يـوم تِسهِرنـي ... علي قولة انا عاشق وحبك صابنـي سهمّـه
تذكّر يوم لي تركض ،، تقول يازين آمرنـي ... علي سنة رسول الله أشيل الحمـل وآزمّـه
فرحت وقلت هذا اللي أبي في ظلّه يسترنـي ... اذا ضاقت بي الدنيا،، مسح دمعاتـي بكمـه
ابي انسى به الدنيا وابي بالحـب يشعرنـي ... ابيه يكون لي فرحـه اذا زاد الزمـن همـه
لكن للاسف غلطه وهـم كـذاب ساورنـي ... جزاتي والثمن عمري..وقتلت بخافقي حلمـه

الشاعرة / شقاوية

مع إنها صدقت في كل حرف
لكن " اللهم حوالينا ولا علينا "

[The DiamonD Rose]

( المدينة و الغريب )


جاء يشوف الحال كيفه بعد ما هزه حنينـه
وقبل يسألني سألته كيف حالـك يالحبيـب

قال أنا كني غريبٍ ضيّـع أدروب المدينـه
قلت أنا كني مدينه تنتظر رجعـة غريـب

قال اجل وش فيك تكره سيرة الحب وسنينه
قلت اجل وشلون ما اكره سيرته دامك تغيب

أنت لامن غبت حتى مرايتك صارت حزينه
كيف ما تبغاني احزن وانت لي حظ ونصيب

الهدايـا والرسايـل والمكاتيـب الثميـنـه
والليالي والقمر والريـح والكـون الرحيـب

كل ما تبعد تجيب ليّه الشعـر مـن يدينـه
وتقعد جروحي تودي فـالطواريق وتجيـب

يابعد كل القصيـد ونـزوة إحـداه وأنينـه
لاذكرتك لاح بيت وطاح ورد وفاح طيـب

وان نسيتك مانساني صوتك المبحوح لينـه
ياخذ لجرحي بثاره من خطايـاك ويطيـب

وبعد هذا جاي ترمي ذنبك بوجـه المدينـه
ما دريت إن المدينه كلهـا شمعـة غريـب


للشاعر/ فهد المساعد

[نور الحياة]

غــــــــــاليـــــــــة

مشاري


قــالت اكتب فيني بيت من شعــــر
لأجل تشرحلي ، ترجملي غـــــلاي

قــلت ما يكفي لــو بكتب لك بحــــر
( غالية )اسمك ورسمك في حشاي

انتي شوقــي وانتي ذوقي لا حضــر
وانتي قـــمره عـــاليه تنور سمــــاي

لــكن اهيامي تــعب منه السطــــــر
والله ان حـــبك سكن بقصى حنــــاي

ايـــه احــــبك على طــول العمــــــر
وتنقص افــــراحي اذا منتي مـــعاي

يـــاغــــــلاتي يــا بساتين الزهـــــر
يــــاورود الحـــب كيف اروي ضماي

كثر مـــاشـــافت عيونــــي بالنظــــر
غير وجـــهك ماأظن يرضي هـــواي

كـــــل مـــاتطلب تــــرى عندي امــر
غـــــالية واللــــي تبينه هــــو مــناي

[The DiamonD Rose]

أنا إنســـــــــــــــــــان

أنا إنسان مع نفسي قبل لا اكون معك إنسان
لـي مبـدأ ولـي نظـرة تحكمني قناعـاتي

أحاسيسي حقيقـه ثابته بالوصل والهجران
أنا طبعي اذا حبيت .. أحب بكل حـالاتي

منادي والندا نابع من الوجدان للوجدان
إذا ما ينطق احساسي حديثي يشبه سكاتي

غموضي في الهوا تصريح وسره يفضح الكتمان
ونظـرات الوله والوجد هي أجمل عبـاراتي

ولا اجامل باحاسيسي ولا اقبل في الهوى احسان
ولا للمصـلحـه يـا سيـدي دور بعـلاقـاتي

ولو ألغي شعوري ما بقى لي صاحب ولا خـلاّن
يرافـقني على مر الزمـن جرحـي ودمعـاتي

أحب الصدق واعمل به كسبت أو كنت أنا الخسران
ولـو صـدقـي يخسّـرني تشـرّفنـي خسـاراتي

رفيق العمر لو تجفـا نبض الحرف والشريان
إذا ما غصت باعماقي .. متى تفهم معانـاتي

على كثر الخطا غافر ولا اغفر غلطة الخوّان
جزاه الصدّ والفرقا ولو عاندت رغبـاتي

ولولا العفو ما اخطينا ولا نحيا بلا غفران
خطايانا دليل إنّا بشر ومنّا الخطا ذاتي

على صدر الزمن بكتب شعوري موعد وعنوان
تعرف الشـوق لو فـتّـشت عن سر ابتسامـاتي

اذا كان الهوى نعمة بحطّك نعمة الرحمن
واذا كان الهوى غلطة بحطّك كل غلطاتي

الأمير الشاعر سعد آل سعود

[الحقيقة.]

,,

(التوبة )

يا الله ياوالي على كـل والي**ياخير من يدعى لكشف الجـليله

المالك المعبود محصي الرمالي ** الكون والدنيا ومـابه فهي له

ما كان به أول وماكان تـالي **ملكه يدَيّر به على مايـجي له

يمضي ويقضي قادر ٍ مايبالي ** والخلق ما تفعل بلا أمره فعيله

ماله شريك جل فوق متعالي**علمه أحــاط بدقها والجـليله

اشهد فلا غيره إلـه ِولالي **ربٍّ سواه أخشاه وأرجي لنيـله

ياواحد ٍ فوق السموات عالي **من سطوته كل الخلايق ذلـيله

يافارج الشدة بضيق الحوالي **إفـرج لعبدك يامنجي دخيلـه

وإنظر بعينك يابا الأفراج حالي **فرد ٍ غريب والمصاغي قليله

وحيد مالي غير ظلك ظلالي **ذليل مالي غير عـزك وسيلـه

ياراحم إرحم شيبتي وانخذالي **ياجابر أجبر عثرتي والفشيلـه

وألطف وناظر يالولي في سؤالي ** لاتواخذن فيما مضا من فعيله

لاأخوان لاعمّان لامن خـوالي **ولامن صديق ٍبالورى نشتكيلـه

لو كان مايجلى سواء الله جالي** ما شفت عبد ٍ هرجته لي جميله

تقطعت وذم العرى والمـدالي** من جملة الخلان والمستخيلـه

وقضيت من المخلوق ماحد ٍ بقالي** إلا أنت ياللي ما يخلي عميله

عادوني كل الناس شرق وشمالي**ولا بقا غيرك ذراً التجي لـه

شافون مذلول ٍ وحيد ٍ لحالي** ولا لي من الفزعات مومي شليله

وأنا بعون الله قويه حبـالي**متجود ٍ بحبـال منشي المخيلـه

لو كان كلٍّ له صديق اموالي** اقـراب واخـوان و اللّـي قبيلـه

أنا لي اللّي زابنه مايسـالي** جزل العطا مبري الجسوم العليلـه

اليا دعــوا حبانهم فزّ بالي**رفـعت طرفي له وقمت اشتكي له

والى تنادوا بينهم للّـنوالي **نـاديت باسـمك يامنجي دخيلـه

ومن لاذبك ماصار بالضيق تالي **يصير الاول لو اعظامه هزيلـه

أنا دخيـلك ياعـزيز الجـلالي ** حاشا كرم جودك يضيّع عميلـه

بريت من غيرك بحالي ومـالي**وزبنت أنا بحماك عن كل ميلـه

من شـر خلقك لايـذٍ بك ولالي** غـيرك ملاذ ٍ شامخ ٍ ينعني لـه

يارب مالي غـير جدواك والي**وان كـان خليتن فـلالي عقيلـه

يا عالم ٍ بالمخطية والعـدالي** تشوف مالي غير عـدلك وسيلـه

فـلا تواخذني بماضي افعالي**يا سـاتر العورات مضفي الجميلـه

لو كـان ذنبي راجح ٍ بالجبالي**عفوك عظـيم ليس ذنبي عديلـه

أطلبك تقبل توبتي عن خـمالي** وأطـلبك عني كـل كرب ٍ تزيلـه

وأطلبك تغفرلي وتصلح عمـالي** يـا مزبن الخايف إلى باد حيلـه

مـولاي لامنجـا ولا ملتجـالي** إلا انـت يـاللي مايـذير نزيلـه

يافزعة المظـلوم منشي الخيالي** يا فارج الشدات لو هي ثقيـله



متروك مالي من يرد المقالي**لاحـد ٍ يبي قولي ولا أحد ٍ يشيله

ولا واحد ٍ غيرك عليه إتكالي** إلا انـت يامـنجي دريك الدبيلـه

مـادام تنظرلي وتسمع مقالـي** ماخـاب عبـد ٍ يدري انك وكيله

ياسـامع ٍ بالليل حس النـمالي** و"يونـس" سمعته بالبحور الطويله

الماء وضرب الموج مثل الجبالي**فوقه أجيبـت دعوتـه وتهليـله

يامصرف الأيام هي والليـالي**في قولته "كن" يجري القلم بتعديلـه

ادعوك بـاسماك العظـام الجزالي ** وابحق نورك والفعال الجمـيله

وابحـق مـانزلته اول وتـالي** تجيرني من شر خلقك طويلـه

وتزيل كربـات ٍ علـينا ثقالـي **تغطلست مـالي سوا الله دليلـه

آمن على قلب ٍ يجول اجتوالي**يا مسكن اللوعات سكن جفيلـه

أسـرع علينا يا قـريب النوالي **لا تجعل الشده علـنا طويلـه

يافارج الكربة بضيق الحـوالي *** أومـر لعبدك بالفرج وتعجيلـه

وإجـل الأمور المعضله والجِلالي ** عني وكل مسلم ٍ يندعي لـه

وصـلاة ربي عـد رمل السهـالي**على نبي ٍ وضح الله دليلـه

صـفوة قريش اللي مشى بالعدالي**نبينا المعصـوم عن كل ميله
للشاعر :
محـــمد بن عبدالله العوني , رحمه الله

[الوافـــــي]

قال حاقد

قال حاقد قلت يا جاهل هلـي .. كيف باطرف باصبعي عيني واصيح
انت مثل ابليس حقّرك الولــي .. لا تسر ولا تريح وتستريح
من يصدق بي وانا الشمس عملي .. ما يذريها عجاج جاب ريح
لو يطيعك بي غرير يجهلـــي .. ما تطيعك روسهم بي يا كليح
هم هلي يا جاهل وهم منهلـي .. لو تضيق القى بهم كون فسيح
عودهم* له طاعة واجب علــي .. شيخنا اللي ما يوفيه المديح
ما سفهت من العقول الا الخلي .. وما حقرت من الكلام الا النبيح
الصباخي ما تربع بالولـــي .. والردي للطيب جحاد شحيح
والعتم لا بد يوم ينجلـــي .. واسود النية يجي يوم ويطيح
الردى بعد السما عن مدهلي .. ما تعلمت اجزي الطيب بقبيح
شمت عنك ابي المراجل منزلي .. وفي ضلوعي شايب عيا يبيــح
ما اعتلي بالشعر هو بي يعتلي .. دام ميزاني بحسادي رجيـح
لا تصدق في حصانك يا جملي .. كنت انا وما زلت وابطي لك نصيح
ما عرفت الغي واخفيت جهلي .. علموني مستبيحين المريـح
لو تبين قلت خلوا ذاك لي .. بس دامك كالنسا مالي نطيـح
قلت مادام اني بكذبك مبتلي .. كل كذب دام هو فنيي صحيح
ما اخبر من الذنوب الا هلي .. ذنبي اللي يرفع الراس الفليح

طلال الرشيد

عودهم = كبيرهم