حسافه يا زمن خلت القلب الحنون يكره كل العيون

[الشاعر الحزين]

حسافة يا زمن اختفى فيك الأمان ..
.. وانـدثر فـيـك الـوفـاء ..
.. والقلوب بدلت ثياب الحنان ..
.. وارتدت ثوب الــجــفــاء ..
.. والمشاعر صارت ورق ..
.. والضمير مات وغـــرق ..
.. واه من سهم الـغـــــدر ..
.. ما يجيك إلا من قريـب ..
.. من صديق أو من حبيب ..
.. والقلب هو الطـعــم ..



.. زمن قاسي زمن غـدار ..
.. فيه الأماني عــدم ..
.. والحب ما وراه غير ..
.. أشواك وجراح وألم ..
.. وين الوفاء ..
.. وليه اختفت شمس الدفا ..
.. كل القلوب اتحجرت ..
.. والناس ضمايرهم قست ..



.. انتظرت ازمان ..
.. فارس ٍ قلبه حنون ..
.. يزرع الشمعة في صدر الظلام ..
.. يولد الحب في زمن خوان ..
.. واثري انه ماعاد باقي بهالزمان ..
.. صاحب وافي يمتلك ذرة حنان ..
.. لوعتني يا زمن ..
.. وتعبت من جورالألم ..
.. ودي أغير دنيتي ..
.. وأنسى قساوة غربتي ..



.. علموني يا بشر ..
.. ويش أسوي بقلب ٍ ..
.. بين الحنايا تبعثر وانكسر ..
.. من يداوي جراحه ..
.. من بيسمع صدى وناته ..
.. ويمسح من على خده دمعاته ..
.. اه يا قلبي اليتيم ..
.. ودي مره أشوفك تبتسم ..
.. وما أسمعك تبكي و تتألم ..
.. هذا انت تعودت الألم ..

.. ومن صغر سنك انكتب عليك الهم ..
.. والجراح تربت معك .. والفرح ندك ..
.. من زمان مبتعد عنك ..
.. وين تروح ماتلقى غير اشواك تفترش دربك ..
.. وصار الحزن خلك واقرب الناس لك ..
.. اما نبضك ماصار يرويه غير الدموع ..
.. وتزاحمت الأهات بين الضلوع ..

.. وفي يـوم عـــيـــدي ..
.. اول ضيوفي الحزن وكلمة الآه وبعض الدموع ..
.. وانطفت في ظلمة اسفاري انوار الشموع ..
.. وتالي ضيوفي اعاصير الألم ..
.. هبت بقلبي وحطمت شراع الأمل ..
.. وآخر ضيوفي لهيب الجروح ..
.. الي كوتني بنارها وعيت تخليني وتروح ..



.. آه يا ليلي الحزين ..
.. تعب جفني من سهر الليالي ..
.. ومل قلبي من زحمة جراحي ..
.. وصدري اختنق من وخز الألم ..
.. وعبراتي من نزفها صارت دم ..
.. خلاص يا قلبي لا تشتكي ..
.. ترى شكوتك بها الدنيا عقيمة ..
.. وان بكيت بتصير دموعك يتيمة ..
.. ابنصحك لملم جروحك وروح ..
.. لا تعذبني وتنوح ..


.. ماعاد باقي بها الزمان ..
.. صاحب حضنه حنون ..
.. يروي الحرمان ..
.. في زمن خـــوان ..
.. اختفى فيه الامان ..
.. واندثر فيه الوفاء ..
.. ومعنى الـــحــنان ..
.. انقلب وصار قسوة وجفاء ..

[إيناس]

ياأسفاه من زمن إغترب فيه الحب
وثبت الغذر أوتاده في أوطان قلوبنا
ولم نعد نملك إلا غناءه وبكاءه
ورثاء الحس الجميل والنبض النبيل
ويا أسفاه ...
لقلوب شابت قبل المشيب ....



كلماتك أخي الشاعر الحزين أدمعت العين، وهدت الحيل

[الشاعر الحزين]

شرا لك اخي الغالي على مشركتك عندي