نار لهيب زيتها
نار لهيب زيتها
دهنت حوارى فؤادى
بسهم طلتها
فقريت بحكمة سؤالى
سطر ندهتها
من ننى غربتها
اصطليت فى سكتها
سجنتنى ضحكتها
فى لهيب مشاعرى وارتويت
من نار لهيب زيتها
لا انا كنت حجتها
ولا كنت صدفتها
انا بس لما دخلت فجأة لدنيتها
وخلطت صفو اشتهائى
بصفو مهجتها
وعصرت عناب اغترابى
فى خصب طلعتها
شبت عيدان الامانى
على باب سعادتها
شجر المحبه على لفوق قوى
طلعت لفاكهتها
وانا واقف اقرى
نشيد المانجه
تحت ضلتها
هزت لى فرع انتشيت
سقط الثمار لميت
وفرع تانى نويت
فرعين تلاته ابتديت
وبرعشه نعشه انا
بايديا لتنين مديت
هزيت جميع الفروع
هزة عطش مع جوع
سقط الورق بنداه
مع كل ورقة اه
لبيت نداء الخضوع
ورويت عروق الخشوع
وقفلت باب الرجوع
ولما حان الشروع
لسعتنى نار الدموع
وشربت لما ارتويت
من نار لهيب زيتها
__________________
انا لما حبيتك .. ماكنتش حسن
ولا يوم من الايام .. حاكون درويش
فاصحى بقا من النوم
شيلى الرتوش
maa66.jeeran.com
|
النمط الخطي
