قالوا ترى مالك أمل في قربها لو يوم
ابعد وجنب دربها .. هذا هو المقسوم
قلت اتركوني واسكتوا.. خلو العتب واللوم
قدني غرقت في بحرها.. ولا عاد يفيد العوم
قالوا ترى في حبها .. ويل وأسى وهموم
قلت إن قتلني حبها .. حسبي تقول مرحوم
قالوا انسى ذكرها.. منتب بها ملزوم
قلت ابشروا ياعاذلين.. بنسى لذيذ النوم
قالوا بتلقى غيرها.. واترك هواها اليوم
قلت العفو ياحاسدين .. ما ابدل القمر بنجوم
قالوا لغيرك حبها.. قلت الجواب مفهوم
دام انها متهنية .. وشلون أصير محروم
بقضي الليالي أنتظر.. صابر على المقسوم
متعلق بطرف الأمل .. يمكن يجيني نوم
قالوا ترى مالك أمل .. في حبها لو يوم
ابعد وجنب دربها .. وهذا هو المقسوم
عبدالرحمن بن مساعد
معاناة محب محروم
النمط الخطي
