هنا الاستخبارات

[اقبـال]

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
ياناس همين شايفين عمامة تلف راسين ؟؟
اذا ماشايفين عمامة تلف راسين بس راس واحد حقكم
شنو رايكم عدنا عمامة تلف ست روس :
وبعد الحبل على الجرار
نوري المالكي تقلد ست مناصب
المنصب الاول
السيد نوري المالكي رئيس الوزراء لجمهورية العراق
المنصب الثاني نوري المالكي القائد العام للقوات المسلحة
المنصب الثالث وزير الدفاع
المنصب الرابع وزير الداخلية
المنصب الخامس مدير الاستخبارات
المنصب السادس مدير الامن الوطني
والعمامة بيها مجال وتتحمل تلف راس البنك المركزي العراق
وممكن يلحقها القضاء العراقي
ومثل ماسمعتو عن الوزرارت العراقية اللي رئيس وزرائها المالكي
وحدة احسن من الثانية بالفساد الاداري والمالي الرشاوى والتزوير
اما القيادة العسكرية للمالكي في العراق
خير دليل عليه الامن المفقود بالعراق
دكتاتوري ويطعن بصدام دكتاتوري
ويتباكى على ضرب حلبجة
واليوم حرك الجيش العراقي يقاتل الاكراد
مثل مهباش المخبلة وحدة بالجاون وعشرة بالكاع
ليش هو مستقر العراق
لو اكو دولة تحكم من صدك ؟؟؟
والشي المضحك بحكومة المالكي الاستخبارات
كنت امشي بطريق وقرب سيطرة توقفنا
فشاهدت بناية على الشارع مترين *متيرن مكتوب عليها موضع دفاعي مشرع الابواب ومرقمة برقم
وقريب منه مكتوب على الحائط وليست لوحة (هنا الاستخبارات )فق ومرقمة
ماعرفت ماتعني كلمة فق
لاوبعد كاتبين على الحائط رقم موبايل الاستخبارات
لاوبعد الاضرب منه
كاتبين الرقم مكرريه على الحائط الثاني
لايكون الشخص مالحق يقرا الرقم بالحائط الاول
ومن يدري بعد الاتنخابات احتمال ينشرون صور واسماءوعناوين العاملين بالاستخبارات على الحائط
هذه الديمقراطية والا فلا
وليست الدكتاتورية والظلم اللي عاشها العراق ابان نظام صدام
كانت الاستخبارات ايام صدام تسمى جهاز المخابرات العامة ويقال انها الرابعة في العالم من حيث قوة الاستخبارات
ولهذا كان امن الدولة قوي ترتب عليه امن دول الوطن العربي ايضا
والحفاظ على استقلالية العراق تاتى من خلال نشاط جهاز المخابرات
ولم نعرف اين تقع دائرة المخابرات والاستخبارات في حكم صدام اطلاقا
ولاممكن ان تعرف رجال المخابرات ومن هم واين هم
وما مهمتهم ؟؟؟
العمل سري وكذلك الاشخاص سريون
ولانلوم صدام حينما قال
نحن اقوياء بلا غرور ومتواضعون بلا ضعف
صدام حسين كان فلتة زمانه بصناعة الاسلحة التي تعد القوة للبلد
وخير شاهد لكلامي قصف اسرائيل للمفاعل النووي العراقي
واليوم المالكي يستورد اسلحة خردة ويتحين فرص الاستفادة لجيبه الخاص من المال العام
وعمامة صدام مالفت وزارة الدفاع ولاالداخلية والاالاستخبارات
صحيح انه رئيس الجمهورية ويشرف عليها بنفسه
لكن هناك وزير للدفاع ووزير للداخلية
والاستخبارات جهاز سري يشرف عليه ايضا صدام حسين رحمه الله ورحم ايام حكمه