العودة   حوار الخيمة العربية > القسم الثقافي > خيمة بـــوح الخــاطـــر

« آخـــر الـــمـــشـــاركــــات »
         :: انـا لن اطلب من الحافي نعال (آخر رد :اقبـال)       :: فـليسـمع البعثيون غضبـهم (آخر رد :اقبـال)       :: حقيقة (آخر رد :ابن حوران)       :: تحميل برامج مجانية 2019 تنزيل برامج كمبيوتر (آخر رد :أميرة الثقافة)       :: عدي صدام حسين يرفض اسقاط النظام السياسي في العراق وترامب يمتثل لطلبه (آخر رد :اقبـال)       :: إيران والملاحق السرية في الاتفاقيات الدولية (آخر رد :ابن حوران)       :: حُكّام المنطقة الخضراء في العراق: وا داعشاه!! (آخر رد :اقبـال)       :: العراق (آخر رد :اقبـال)       :: تيجي نلعب دولة؟ (آخر رد :ابن حوران)       :: حديث فى البيروقراطية (آخر رد :رضا البطاوى)      

المشاركة في الموضوع
 
خيارات الموضوع بحث في هذا الموضوع طريقة العرض
قديم 15-12-2008, 11:17 PM   #1
salsabeela
" عضوة شرف "
 
الصورة الرمزية لـ salsabeela
 
تاريخ التّسجيل: Jul 2006
المشاركات: 7,360
إفتراضي الغريب الحقير .. هو اللى داس بمداسه .. ولا العراقى الأصيل هو اللى داسه

مهما أقول أو تقول.. إيه راح يفيد الكلام؟..

حكامنا صاحبوا العدو.. وإحنا رحنا ننام

قالو لنا: »حنحلها إحنا في خمس تيام

آدي بداية انهيار الأمة قدامنا

بعنا حقيقتنا وسكنّا في أوهامنا

عشنا وزادنا الخطب.. كرهتنا أحلامنا

أنا ما بنيت الدار إلاَّ لاحارب

ودار بلا حربٍ... عليا حرام!!..

......

مهما أقول أو تقول.. إيه راح يفيد الكلام؟

مش قالوا حنحلها إحنا في خمس تيام؟..

آدي العراق منطرح ع المقصلة.. بناسُه..

مستني حكم الغريب الجاي... بمداسه

يدوس علي الأمة.. وتسممنا أنفاسه


واحنا بنسأل: »صحيح فيه حرب يا اخواننا«؟...

وقال صحيح.. طامعة أمريكا في بترولنا؟؟..

مش هيه كانت صديقتنا.. كما فهمنا؟..

يا أمة.. جزم العدو.. دايسة علي رقابنا

وازاي بنسعد قوي.. في كل ما داسوا؟..

......

وآدي العراق منطرح ع المقصلة بناسُه

وكأننا إحنا.. ولا أهله..... ولا ناسه!!..

بيننَّا ما بين الدمار.. الدُّوس علي الأزرار

وتبتدي الكاِرثَة وتصعْد جبال النار

أمريكا.. في كل ساعة.. تبدّل الأعذار

والأمة قاعدة بتتفرج وتتشكك...

تشوف صورها علي الشاشات تقوم تضحك

وتسألك.. تفقعك.. وتقول: »صحيح فيه ضرب«؟..

من كتر ما نعسنا في الضلة.. نسينا الحرب

نقفلها م الشرق يفتحها علينا الغرب

عدو.. ما بينامش لا في الليل.. ولا في

نهار!!..

......

بينّا ما بينه.. يا دوب دوسه علي الأزرار

وتبتدي الكارثة وتشعلل جبال النار!!..

أمريكا يمّ العراق زاحفة بلا قوانين

زي إسرائيل اللي قاتلة ولادنا في فلسطين

لاتنين علي نية.. ريحة الدم.. هيه الدين

جايين.. معاهم سلاح يقتل بلا تنشين

واحنا اللي إيدنا بلا حِتة عصايةْ توت

واللي أخدنا خلاص علي ابتسامة الموت

متلطشين م اللي مش فايت وم اللي يفوت

وسلاحنا طوب.. إنما.. إحنا اللي متَّهمين!!

......

وامريكا يم العراق زاحفة بلا قوانين

زي إسرائيل اللي قاتلة الشعب في فلسطين!!

قال إحنا لؤما قوي وقال ايه نتحايل

وقال بنخفي السلاح.. في الضل لو مايل

في لقمة الطفل أو في مشية الحامل

سلاح رهيب.. مستخبي فيه دمار شامل

يا ريت يا سيدي ما كانش الحال بقي مايل

ولا كنا نتسول التأييد من الغربا

والجرح يوسع يوماتي لاطب ولا طببا

وأقلها كلب.. يشتمنا.. ويتطاول!!

......

قال إحنا لؤما قوي ع الحيلة نتحايل

وقال بنخفي السلاح في الضل لو مايل

وإحنا ضعفا... بنصرخ.. زي طفل غريق

قوِّتنا ضاعت ما بين الكرْه والتفريق

وكل دولة تلاتة متر.. عاملة فريق

قال ده أخويا اللي لعدوي.. أعز صديق

يحب وش العدو.. وش العرب لأه

ياكل طعام العدو.. لقمة اخوه.. لأه

يلبس قماش العدو.. وقطن أخوه لأه

تقوله: »أهلاً«.. يروح يشكيك لأعداءك

قول رأيك ايه لما تصبح أمتك.. داءك؟

تفطر بكاس العداوة كل يوم ع الريق!؟

......

وإحنا ضعنا.. بنصرخ زي طفل غريق

وكل دولة تلاتة متر.. عاملة فريق!!

السَّكرة راحت أهه.. وطلّت الفكرة

وكنا خايفين مجيئ بكرة.. وجه بكرة..

بدأوا بأرض الديانة: »القدس« و»الناصرة«

»بيت لحم« و»جنين« و»نابلس«. واسألوا »غزة«

أعز أولاد.. لأمة متاجرة في العزة

الركلة آخر مزاج.. والصفع له لذة

كل العذاب ده ولا عرفناش يا ناس نكره؟..

......

وكنا خايفين مجيئ بكرة وجه بكره

والسكرة راحت أهه وفضلت الفكرة

إشمعني يعني العراق ولافيش غير هوه

علشان تغير نظامه إنت بالقوة..؟

الأنظمة كلها.. ما بتختلفش يا أخ

مَد المواطن قفاه ومنعتوا آه أو أخْ

مش أنظمة.. في الحقيقة دي مجرد فخ

لو المواطن جمل بحملكم كان نخ

وكل حاكم لئيم.. براه.. غير جوه

......

واشمعني يعني العراق؟.. ولافيش غير هوه

علشان تغير نظامه إنت بالقوة؟..

قلنا زمان.. اعتدَي علي الكويت ظلماً

وكنا ضده... وقررنا يعود حتماً..

دلوقت لا راح علي أيسر ولا أيمن

حكايتكو يا الأمريكان ألغز من الألغاز

وف تبريراتكو المريبة باشم ريحة الجاز

الكدب علي وشكم.. ما ينقصوش برواز

شعب العراق لن يموت.. الموت لكم إنتم

إنتو اللي جرتوا عليه.. وانتو اللي أجرمتم

ولا راح نفوت تارنا مهما رجعتوا وبعدتم

يا دي الرئيس اللي علي قول الضلال.. أدمن

مطلوق علينا.. كأنك ديب جعان شارد

وجاي علينا.. بتتمطع قوي... وفارد

في »كوريا« نعجة وعلينا جاي عامل مارد

لا إنت عمي.. ولا أمي.. ولا الوالد

علشان تيجي لبلادي بكل أسلحتك

تنقذني م اللي حاكمني... كنت عينتك؟..

عارفك ما تعرف يا قاتل.. إلا مصلحتك؟

مش أنظمة!!. إنما.. قابلينها يا بارد!!

......

مطلوق علينا كأنك ديب رهيب شارد

في »كوريا« نعجة.. وعلينا.. جاي عامل مارد!!

أطفالنا ماتوا.. ولا سائلش عنهم حد

تحت البيوت قبل حتي ما البيوت تنهد

ونسألك إنت.. وكإنك نسيت الرد

الدنيا تطلع مظاهرات والهتاف بيقول

واللي في مخك في مخك.. لا يهمك قول

قلبك علي إسرائيل وعينيك علي البترول

واخدينها إحنا هزار.. وانت واخدها جد!!

......

أطفالنا ماتوا ولا سائلش عنهم حد

والدنيا تسأل.. وكأنك نسيت الرد

آدي العراق القريب م القلب راح منا

بعيد بعيد.. ابتعاد النار عن الجنة

واحنا زي النُّظُم.. خطبة.. وقفِّلنا

ونرجعوا للبيوت تاني بنتمنظر....

الطيارات بالدانات والشاشة بالمنظر..

وإحنا لا حوله ولا يعذرنا من أنذر

ولا في عرق اتنفض فينا ولا أَنَّه

......

آدي العراق القريب م القلب راح منا

بعيد بعيد.. ابتعاد النار عن الجنة

خلاص نسينا النضال.. اليوم نقول بغداد

وبكره حنقول كذا.. وبعده ياما بلاد

واحنا كما المربوطين.. في أوتد الأوتاد

الشهدا بيموتوا يومياً قصاد العين...

من تحت عينيك عيون شايفانا يا فلسطين

أميرة إنتي ما بتلوميناش.. تلومي مين؟

ما ظنش اللي شبهنا تجوز لهم رحمة

إذا بدم البلاد... بيلونوا الأعياد!!

......

خلاص نسينا النضال.. اليوم نقول بغداد

وبكره حنقول كذا.. وبعده ياما بلاد!!

يا أمة قومي بقي.. ده انتي فضحتينا...

الأمريكان سكنوا مش وسطينا.. لأفينا

والاّ اليهود اللي سرقوا حتي أغانينا

حرتوا الأراضي وقتلوا هناك أعز الولد

الشهدا أكوام علي الأكتاف.. إوعي تعد

أبدان جميلة.. بتاكلها النسور والحِدّ

إحنا انتهينا... تعالوا ياللي بعدينا!!

......

يا أمة قومي بقي لأحسن فضحتينا....

الأمريكان سكنوا مش وسطينا.. لأفينا!!

ياللي في عُسري وضيق اليد نسيتونا

أهي الفلوس نفسها.. حاتروح لأعادينا

بترول أراضي العدو ده اللي في أراضينا.!!

شفتوش كده؟ والبلاد ممنوع نحميها

نحميها من مين؟ دي مش أراضينا.. أراضيها

هوه بسلاحه المميت.. جاي ينزرع فيها

وانتو.. بدخان صمتكم يا أهلي عميتونا

......

ياللي في عسري وضيق اليد نسيتونا

أهو جه ياكلكوا اللي علي حربه انتو لُمْتونا!!

يا أمة ترمي ضميرها للكلاب.. ببلاش

يا أمة قبلت مصيرها (خدمة الأوباش)

كله كلام.. لا انتماء.. ولا وطن.. ولا دين

قاعدين سنين تحلموا بظهور (صلاح الدين)

ماكان ما بينكم قتلتوه انتو يا فالحين

كل اللي صدوا العدو.. راحوا ومش راجعين

ولا »صلاح دين« يا ناس ولا حتي زفت الطين

الحي ميت يا ناس أما اللي ميت عاش

......

يا أمة ترمي ضميرها للكلاب ببلاش

يا أمة قبلت بفرحة.. خدمة الأوباش

ما اعادش إلا انتظار الموت.. يا إما نقوم

نسجد في ساحة النضال وعن البلاهة نصوم

لو الدما تبقي بحر.. في دمنا.. حنعوم

إزاي يعيش الوطن.. من غير رجال تحميه؟

تموت وتحيا معاه.. تموت وتحيا ليه..

كإن ابن العرب مولود يا ناس.. مهزوم

......

ماعادش إلا انتظار الموت يا إما نقوم

نحمي الوطن بالصدور.. ونفجر المكتوم

كل الشوارع بتصرخ في المدن بجنون

توقّف الحرب.. تفضح فكرة المجنون

في أوروبا حتي ف أميركا.. لأ في كل الكون..

إلا احنا إرتحنا قدام أي تليفزيون

آدي العراق في طريقها للغرق يابا

واحنا حواليه خُطبنا فجة... كدابة

نتخانقوا من غير سبب.. لأ فيه سبب طبعاً

وحنغرقوا في الزمن.. يا أمتي.... جمعاً

متملعنين... إنما... عدونا..... ألعن

قدَّامُه حملان.. لكين.. علي بعضنا ديابة!!

الكل عايز ساعات المؤتمر تمضي..

علشان ما يجري علي دار العدو.. يمضي

كإن بعضي ينازعني.. علي بعضي..

معظمنا هوه العدو.. يعني العراق يا هوه

مش أمريكان وانجليز.. إحنا اللي حنهدوه

واحنا اللي بتروله رايحين للعدو نِهْدوه

وبعده بترول جديد.. وبعده بترول جديد

وأنا منتظر مقتلي وإيدي علي خدي!!

......

الكل عاوز ساعات المؤتمر تمضي..

علشان ما يجري علي دار العد (يمضي)!!

أنا باهيب بالشباب.. إنسوا اللي قضُّوا العمر

يتكلموا ويخطبوا وسابوا سنينكو... تمُر...

ده انتو القلوب الفتية والوجوه السمر

ترضوا تبيعوا الوطن بتفاهة الغايات؟

وتبقوا إنتو وأعداء الوطن إخوات؟

متربصة بيكو أم العولمة والجات

تتمِسْحوا م الكون كما مسحوا الهنود الحمر

......

أنا باهيب بالشباب انسوا اللي قضّوا العمر

يتكلموا ويخطبوا وسابوا سنينكو تمر

يا أمة قومي.. وانتي يا مصر.. ماتونِّيش

وإلا عشرين سنة.. حاتمر زي مافيش

تعلا اليفط أعلا ميادين أمة الإسلام

شركة إسرائيلية اهه لصناعة الأقلام

واستديو صهيون هنا لصناعة الأفلام

والمصنع الإسرائيلي لعلبة الورنيش

......

يا أمة قومي وإنتي يا مصر ماتونيش

بغداد.. يا أم التاريخ والحكمة والأشعار

بغداد يا أم القصور والنخل والأنهار

ماعادش إلا الصمود الليل في آخره نهار

دافعي بشرف واتركي للأمة طعم العار

ملو التاريخ.. الفصول صادقة وكدابة

سنتين تقدَّم.. وألف.. نعودوا للغابة

الأمة فيها فرح لأزمله ندابه

الدنيا كلتها تهتف باسمِك المظلوم

بكره الجراح تندمل.. عُمر الظلام مايدوم

أطفالك اللي التاريخ حيحكي قصتهم

ونساكي في صبرهم. الدنيا نسيتهم

يا دي العراق العريق صحّي العرب م النوم

يا طاعم المحرومين.. إزاي تبات محروم.؟

ومهما كانوا الطغاة.. الدار لأهل الدار

الدار لأهل الدار

الدار لأهل الدار



للشـــاعر المصـــرى الأصيل عبد الرحمن الأبنودى
__________________
salsabeela غير متصل   الرد مع إقتباس
قديم 16-12-2008, 12:43 PM   #2
ريّا
عضوة شرف
 
الصورة الرمزية لـ ريّا
 
تاريخ التّسجيل: Nov 2008
الإقامة: amman
المشاركات: 4,238
إفتراضي

عشت سلسبيلة ......والف تحية للشاعر الأبنودي
والف تحية لمنتظر الزيدي ....الذى وجه أكبر صفعة بالتاريخ
للمجرم بوش وكلابه ......اللهم أنصر المسلمين وأعلي كلمة الحق والدين
__________________
ريّا غير متصل   الرد مع إقتباس
قديم 16-12-2008, 09:12 PM   #3
السيد عبد الرازق
عضو مميز
 
تاريخ التّسجيل: Apr 2004
الإقامة: القاهرة -- مصر
المشاركات: 3,296
إفتراضي

وهذه هي المأساة وهذه هي القضية .
أخيرا زار بوش العراق قبل انتهاء ولايته وضربه أحد السحفيين بالجذاء .
رجل اعترض بيده في أمة تتكلم باللسان أو تسكت وتعترض بالقلب .
أحوال متعددة يا سلسبيلا .
منه العطاء ومنه الجود والكرم .
تحياتي وتقديري ونصر الله العراق وأهله .
والسلام عليكم ورحمة الله وبركاته
السيد عبد الرازق غير متصل   الرد مع إقتباس
قديم 18-12-2008, 11:20 AM   #4
محمد الحبشي
قـوس المـطر
 
الصورة الرمزية لـ محمد الحبشي
 
تاريخ التّسجيل: Apr 2006
الإقامة: بعيدا عن هنا
المشاركات: 3,527
إفتراضي

الأبنودى حرف ناطق بكل أحداث الأمة لا مصر وحدها ..

فى حرب العراق وحرب الخليج وكل أحداث الفترة لماضية ترين منها كلها شاهدا لحرفه فيها

صادقة مؤلمة ..

شكرا سلسبيلا
__________________

محمد الحبشي غير متصل   الرد مع إقتباس
قديم 18-12-2008, 12:55 PM   #5
العنود النبطيه
سجينة في معتقل الذكريات
 
الصورة الرمزية لـ العنود النبطيه
 
تاريخ التّسجيل: Oct 2001
الإقامة: الاردن
المشاركات: 6,492
إفتراضي

آآآآآآآآآآآآآآآآآآآآآه يا ابنودي
تدق على الوجع
كلماتك تضحك وتبكي في ان معا

تعبنا من الذل
تعبنا من الاستكانة
تعبنا من رؤية اخوتنا في فلسطين والعراق يقتلون ويمثل بهم وتهدر حريتهم ويهتك ستر كرامته

شكرا سلسبيلا الغالية
تاتين دائما بكل ما هو رائع وجميل ويذكرنا بتعاسة واقعنا
__________________


كيف استر الدمع في عيونٍ عرايـــــا
وسحاب الألم لا يترك في العمر ورقة إلا ويرويها بالشقاء
أنّى للدموع الاختباء والفؤاد جريح
والنزيف سنين من عمرٍ صار خراب
فيا دمعاتي الحوارق هونا على الخدود حرّقها لهيبك
وهونا على العمر صار يجر الخراب وهو في بواكير الصبا



http://nabateah.blogspot.com
العنود النبطيه غير متصل   الرد مع إقتباس
قديم 18-12-2008, 02:34 PM   #6
داود
عضو مشارك
 
الصورة الرمزية لـ داود
 
تاريخ التّسجيل: Apr 2006
المشاركات: 462
إفتراضي

دمتِ راقية الإختيار ســلســبيلا
__________________
ما أصعب أن نـُجرح ... من يد لا نحتمل الجرح فيها
داود غير متصل   الرد مع إقتباس
قديم 29-12-2008, 02:48 AM   #7
salsabeela
" عضوة شرف "
 
الصورة الرمزية لـ salsabeela
 
تاريخ التّسجيل: Jul 2006
المشاركات: 7,360
إفتراضي

إقتباس:
المشاركة الأصلية بواسطة rayaa مشاهدة مشاركة
عشت سلسبيلة ......والف تحية للشاعر الأبنودي
إقتباس:
المشاركة الأصلية بواسطة rayaa مشاهدة مشاركة
والف تحية لمنتظر الزيدي ....الذى وجه أكبر صفعة بالتاريخ
للمجرم بوش وكلابه ......اللهم أنصر المسلمين وأعلي كلمة الحق والدين


آمين يارب العالمين

شكرا ريا الغالية على تواجدك
__________________
salsabeela غير متصل   الرد مع إقتباس
قديم 29-12-2008, 02:52 AM   #8
salsabeela
" عضوة شرف "
 
الصورة الرمزية لـ salsabeela
 
تاريخ التّسجيل: Jul 2006
المشاركات: 7,360
إفتراضي

إقتباس:
المشاركة الأصلية بواسطة السيد عبد الرازق مشاهدة مشاركة
وهذه هي المأساة وهذه هي القضية .
أخيرا زار بوش العراق قبل انتهاء ولايته وضربه أحد السحفيين بالجذاء .
رجل اعترض بيده في أمة تتكلم باللسان أو تسكت وتعترض بالقلب .
أحوال متعددة يا سلسبيلا .
منه العطاء ومنه الجود والكرم .
تحياتي وتقديري ونصر الله العراق وأهله .
والسلام عليكم ورحمة الله وبركاته
نصر الله المسلمين فى كل مكان مهما طال الزمان وحسبنا الله ونعم الوكيل

شكرا لوجودك اخى الكريم
دمت بخير
__________________
salsabeela غير متصل   الرد مع إقتباس
قديم 29-12-2008, 02:58 AM   #9
salsabeela
" عضوة شرف "
 
الصورة الرمزية لـ salsabeela
 
تاريخ التّسجيل: Jul 2006
المشاركات: 7,360
إفتراضي

إقتباس:
المشاركة الأصلية بواسطة قوس المطر مشاهدة مشاركة
الأبنودى حرف ناطق بكل أحداث الأمة لا مصر وحدها ..


فى حرب العراق وحرب الخليج وكل أحداث الفترة لماضية ترين منها كلها شاهدا لحرفه فيها

صادقة مؤلمة ..

شكرا سلسبيلا


نعم اخى ..

وليتها تعبر الحروف عن المجازر الشنيعة هنا وهناك

عن خوف والم وجرح ودم وقلوب اطفال لا ذنب لها

تحجرت القلوب للأسف الشديد

شكرا لك أخى الكريم


__________________
salsabeela غير متصل   الرد مع إقتباس
قديم 29-12-2008, 03:03 AM   #10
salsabeela
" عضوة شرف "
 
الصورة الرمزية لـ salsabeela
 
تاريخ التّسجيل: Jul 2006
المشاركات: 7,360
إفتراضي

إقتباس:
المشاركة الأصلية بواسطة العنود النبطيه مشاهدة مشاركة
آآآآآآآآآآآآآآآآآآآآآه يا ابنودي

تدق على الوجع
كلماتك تضحك وتبكي في ان معا

تعبنا من الذل
تعبنا من الاستكانة
تعبنا من رؤية اخوتنا في فلسطين والعراق يقتلون ويمثل بهم وتهدر حريتهم ويهتك ستر كرامته

شكرا سلسبيلا الغالية
تاتين دائما بكل ما هو رائع وجميل ويذكرنا بتعاسة واقعنا


والآآآآآآآآآه لا تكفى
والدمع لا يكفى
والانتقام لا يكفى
وما هناك اى شىء نحسبه تعويضا عن دماء الشهداء هنا وهناك
الا عند الله سبحانه وتعالى يكفينا انهم فى الجنة الآن
ولكن مرارة قلوبنا لن تهدأ أبداااااااا
غاليتى العنود شكرا لتواجدك الغالى
__________________
salsabeela غير متصل   الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح
الإنتقال السريع

Powered by vBulletin Version 3.7.3
Copyright ©2000 - 2019, Jelsoft Enterprises Ltd.
 
  . : AL TAMAYOZ : .