{ قصـــايد أعجبتني }

[الصوت الرخيم]

قصيده للشاعر علي الحمري

يامشتكي مال الشكوي غير رب العالمين ** يابن الحلال النــاس ذي لاضــر ولامنفعه

الله كتب في منزله اجر العباد الصابرين ** صبر على الدنيا وصبر على الرفيق الامعه

فكروقلبها على كيفك وانا اعرفك فطين ** هــــذا طـــريق الحـــل ياتتـــجنبه يا تتـــبعه

يالله تحررمن قيودك واهدم الخوف العصيم ** ياخي لونه ضـــرسك اللي يوجعك ماتقلعه

وش ذا المحبه صاحب تغليه من خمسه سنين ** والـــحين ماتدري مقامك حافظه او ضيعه

بســـك تحمـــلت الكثير وبـــين الخــافق دفــين ** انسى وهذا درس ما ينسى وخلك في سعه

اسمع لو اني في مكـــانك لا يســـار ولا يميــن ** احكم خفوقي يسـتتب الامن مابين اضلعه

لو ان عمري في وصالك قلت ياموتي بحين ** والله لـــو ان اصــبعي بيضر عمري لقطعه

انا لعت الاشكال هذي زين مافيها سمين ** دور مــــطاميع الغــــلا مـــافي المقفي مطمعه

موقف يـــبنى عليها لرجال الطيــبين ** ومـــوقف ماتقدي فيــــها ولا عــــــود شـــــمــعه

بسالك سوال واحد والجواب بكلمتين ** لا صار قدرك والهوى خصمين من توقف معــه

[نور الحياة]

طــــــــــال الســـفـــــــر


طــــــال الــســفـــر
والمنتـظـر مـــل صـبــره
والشوق يا محبوب في ناظري شاب
.
رد الــــنـــــظـــــر
خـلـيـت بـالـكـف جـمــره
سعيرها في داخـل القلـب شبـاب
.
عــــــز الــخــبـــر
والمهـتـوي ضــاق صــدره
يا من يرد العلم عن هاك الأحبـاب
.
طــيــفــه عـــبــــر
مـا أرسـل مـع الطيـف عـذره
هو خاطره من لوعتي ما بعد طـاب
.
هــــو مــــا ذكـــــر
أن الـجـفـا فـيــه كـســره
للخافق اللي من هوى صاحبـه ذاب
.
يــــا مــــا ســهـــر
طرفـي علـى حـبـس عـبـره
اردهـا والوجـد للدمـع جــذاب
.
دمـــــــعٍ حـــــــدر
جالـه عـلـى المـنـع جـسـره
عظيم وجدي للدمع شـرع البـاب
.
يــــــوم وشـــهــــر
عـــزاه والـعـمـر مـــره
والناس واجد لكن الولـف غـلاب


للشــــــاعــر ::
خـــالد الفيصل

[على رسلك]

نصفي الأول ..

نصفيَ الأول جسد و النصف الآخر بي معانـي
و انت ما بين المعاني و الجسد شخـصٍ غريـب

شخصٍ أصدق ماللقا لا جفف أسراب الأمانـي
أبعد من أحلام عاشق يحضن أنفـاس الحبيـب

أقرب من العين تغمض تلمس أهـداب الجفـانِ
أعجب منللي تشوفه في مدى الكون العجيـب

واقع و شئٍ محـال و تهمـةٍ و أبعـاض جانـي
عاطفي حسّه و قلبه صلب و شعـوره عطيـب

لا بكا سحّت دموعه و أغرق الدمـع المكانـي
و إن بسم ما كن قلبـه كـدره يـومٍ سبيـب

أعذب من ألفين قصّة في الغرام و فـي الحنـانِ
و أصلب من ألفين صخرة ما يفطّرها صبيـب

اجتمع في الشعر ضدّ مـن القوافـي و البيانـي
و اجتمع فيه النقيض و ضدٍّ و لبـسٍ مريـب

ما تقل إلا عجيبـة مـن عجايـب هالزمانـي
صادق و كاذب و أصدق من كذب قوله يصيب

يسبقه خطو الهموم و يسبـق أجـزاء الثوانـي
فارس يروّضه خيله ، لا لجمـه أبطـا يجيـب

تحرق أعصابه ظنون و تطفـي غضابـه أمانـي
أبرد من الثلج كنـه جمّـرةٍ وسـط اللهيـب

عنجهيٍـن و متواضـع ميزّتـه طبعـه أنانـي
سهل تكسب ود قلبه صعب تصبح له حبيـب

لا التقت فيه الحروف تتوه مـن طبعـه معانـي
مـا يجمّـع شـئ إلا فرّقـه مـدٍّ رحـيـب

يا هبك عمره و عمره من وهبك يصيـر فانـي
كل جرحٍ من يده هو علتـه و أهـوَ الطبيـب

حاضرٍ في القلب كنّـه مـا يفـارق هالمكانـي
هاجرٍ لعيون خلّـه ميـر مـا عمـره يغيـب

سمح في أخذه و ردّه ، أقشر طويـل اللسـانِ
ريح في جوده و مده ، و إن عطا شحّه يجيـب

إن غفا فاق الجمال و فـزّ متعـدي الحسـانِ
و إن صحا غنّت طيوره ، داويٍ كونـه نحيـب

ما يكفيك بحضوره و إن حضر بعضـه كفانـي
عاجزٍ لأوصف جميعه له مـن الكـل النصيـب

له من أضدادٍ تلاقت بـه و حسّـت بالأمـانِ
له من أشباهٍ تعلّت في هـوى شخـصٍ غريـب

له عيونٍ تسحر اللّـي قـاري السبـع المثانـي
له حديثٍ كن عطره مسكٍ، أنفاسـه و طيـب

يا جميع الناس هو مستثنـيٍ عـن كـل فـانِ
لا الوصوف تمل حسنه و الحسن منّـه عطيـب

هرجته لا من حكاهـا سلسبيـلٍ مـن معانـي
جايز تعـاف بكلامـه منطـق مفـوّه أديـب

كل من شافـه يحبـه، حبـه يجيـب الجنـانِ
ساكنٍ كل القلوب و لا سكـن قلبـه حبيـب

ياااه يا كل الوجـود و منبـعٍ للجـود ثانـي
فدوةٍ كلي لروحك لو من جروحـك تطيـب












دمتم بجمالٍ

منال العبد الرحمن ( نوفة )

منقول ...

[الشــــامخه]

لا بـــــــــاس




.. لا بـاس يـالمحبـوب روحـي تفــدّاك

.. لا بـاس يـامضـنـون عينـي حبيـبـي

.. يـاعـلّ ربـي يـاهـوى البـال ياقــاك

.. مـن كـل شـر وكـل جـرحٍ عـطيـبـي

.. يـاليتنـي خـذت المـرض عنـك مـاجـاك

.. وتصيـر مـن بـدّ الخـلايـق طـبيـبـي

.. تـرى حـيـاتـي مـاتهـنّـا بـليــاك

.. ليتـك دوام مـن عـنـد عينـي قريـبـي

.. يـالـيتنـي نـسـمـة صبـاحٍ بـدنيـاك

.. الثـم جبيـنـك عـقـب طـول المغيبـي

.. أو لـيتنـي طـيـفٍ يـزورك بمـمـسـاك

.. وأشـاهـدك واقـول يـانـفـس طـيبـي

.. بالحيـل أحبـك و أعـشـقـك واتمـنـاك

.. يشـهـد عـلى مـا اقـول دمـعٍ سكيبـي

.. انـا دخـيـلـك لا تـطـوّل بـفـرقـاك

.. رد لـعيـوني نومـهـا اللـي حـريبـي






* نجــــــديه *

[الحنين]

..الطيف..

تجيني طيف يا عمري على جنحان شوقي لك
أخاف ارمش من عيوني وابعثر جية وصالك

حبيبي لا تجيني قول وين انت وانا اجي لك
ابيك تقول وين انت وعلى عيوني انا اسعى لك

وربي فوق روس الشوك لخلي القلب يمشي لك
واخلي ظلالي يسبقني قبل يحضني منزالك

ثواني بس ... ابتهندم .. من عيونك وابهدي لك
في عينك ضحكة حتى .. تكحل عين عذالك

يقولوا الناس بغيابي تشب القلب ويضوي لك
حنيني ومن وهج شوقه يميل القلب لا مالك

قضى دمعي من عيوني .. ابي من عينك ابكي لك
ابنثر من ورا عيوني دموع عيون ترحالك

تعبت اهرب من الاشياء البسيطة من تفاصيلك
تعبت اسأل زوايا البيت عن اول واخر احوالك

وحتى الشوق من صبح الدرايش قام يهدي لك
عصافير الربا ترفرف على بيبان مدخالك

هنا ترمي صباح الخير .. قبل لا تروح وادعي لك
وهنا تضوي مساء الخير في عيني من هذالك

أنا من الليل يقطفني شعوري لك واغني لك
انا من الصبح يليلني الحزن واللون موالك

حرام الليل ماهو ليل اذا ما كنت في ليلك
وحرام الصبح ماهو صبح اذا ما كنت في ظلالك

تروح وقلت احط روحي على كفي وانادي لك
نزعت العمر من شفت الغلا بالروح نادى لك

بربك قول وش سوا الفراق بوجه منديلك
تسيل الوان طيفي فيه الى من البكا سالك

حبيبي لا يبكيك الفراق ولا يهد حيلك
اخاف الدمع من عينك يجفف صورتي فبالك

تعال احتاج اسولف لك عن الايام واشكي لك
وافض غيم الحزن وانثر حنين الشوق بقبالك

تعال وحط في قلبي هموم الفرقى واشيلك
لان القلب ماهو قلب اذا في نبضه ما شالك

وقف دمعي من عيوني ابي من عينك ابكي لك
اخاف ابكي من عيوني وابعثر جية وصالك

للشاعر ..سالم سيّار

[الشــــامخه]

يا من سلامه


يا من سلامه لي هلا يا حبيبي 000 والله هلا بك يا محبة عيوني


هلا هلا يا لون شمس المغيبِ 000 يا نسمة الليل العطوف الحنونِ


يا بدر لا هلّيت لا عاد تغيـبِ 000 ترى سواد الليل كحل عيوني


انا دخيل الرّمش خلّك قريـب 000 يا اللي بقربه كل شي يهـونِ




الشاعر // خالد الفيصل - دايم السيف

[ayat20062006]

الى حبنا


طوال الطريق
افكر في الموت زاد الردى
اين المسير
وحيدا انا
ابحث عن حبنا والهوى
اواري جرحي وقطر الندى
الى المشتكى
دربي الطويل تملى ولا
لن يشتكيك فانا انا
وانتي ردائى طوال المدى
انتي انا وانا سابحث عن موطنا

[الشــــامخه]

يــا صـديـقي00

ياصديقي ولا ني ياصديقي مسميك
من غلاك أحفظ اسمك واتمثل سجاياك

ماانت بحاجة لي اذكر اسمك واطريك
او انا لي لزوم فيه تدويره رضاك

لكن الشاهد الله عطر الأشعار طاريك
والقوافي طربها عند مثلك وشرواك

من عطاياك تسمحلي ولو مرة اعطيك
من صدوق المودة نفحة من عطاك

ياصديقي ولا احد بالصداقة مجازيك
ان غفلنا تذّكر وان ذكرنا لقيناك

اصعب الشعر مانرجية ياصل حراويك
ياقف الوصف دونك ماوصل ذروة علاك



الشــاعر // دايـــم الســيف

[على رسلك]

سافر عسى ربي يحرسك وياقاك
هذا البخت عزاه وش في يديني

يا شين باكر يـــا حبيبي بلياك
لا جاء وعدك اللي بوقته تجيني

لي قمت أدوج في مداهيل ما طاك
يا مـا جرى بشهار بينك وبيني

هذا وهو توك تطري بممشــاك
وشلون لي قفيت يـا نور عيني

يا شيب عينك يا هوى البال واشقاك
كانك مثل ما أبيك يااسمر تبيني


للشاعر //دايم الســيف

[الحنين]

على الله يازمن بشكي جروحي والليالي طوال ... عسى راعي العنا ينسى عناه وينشرح صدره
على الله يازمن بشكي همومي والهموم جبال ... تعدت عاصمة حزني حدود العالم بأسره
خساره يالسنين اللي كتبتي سيرة الرحال ... فرحت امس وحزنت اليوم بس الخوف من بكره
لساني كم شكى صمته والى منه حكى ماقال! ... طغى طبع السكوت بسيرة المحروم من صغره
سقى الله يوم كنت أضحك وبالي مستريح البال ... ضحوكٍ ما عرفت الحزن وش معناه وش قدره ؟
وكبرت وكبرت احلامي وصارت قصة الترحال ... أماني في مهب الريح وحلمٍ مااكتمل بدره
بعذر اللي مع أيامه جلس يبكي على الأطلال ... تذكر ماضي أفراحه الين خنقته العبره
عزيزه يالعيون اللي حضنتي دمعة الرجال ... حبستي دمعته بين المحاجر يوم ضاع أمره
عزيزه يالحروف اللي سكتي والكلام يقال ... حكيتي .. ماشكيتي الهم وهم القلب يا كبره
عزيزه ياليدين اللي ثنيتك بأصعب الأحوال ... اكفك ساعة الحاجه وامدك ساعة القدره
وعزيز النفس لو يصبر على صبر الليالي نال ... ابصبر والرجل يصبر ومقياس الرجل صبره
أنا منهو حمل همه على راسه تقول عقال !! ... مجاديف الزمن دارت عليه ونسّف الغتره
و أنا منهو فقد صوته وبعض الصوت به مازال ... دعيت الله يفرّجها علي وبحّت النبرة
أشيل الهم عن غيري وحملي صار ما ينشال ... كما الشيخ الهزيل اللي مشيبه منقض ظهره
جروحي مزنةٍ منها هطل فيض الشعر همّال ... سقت جدب العروق اللي تبلل ريقها قطره
و عن حر الزمن صارت حروفي للجروح ظلال ... تذرت عن هبوب الياس حلم قد بنى قصره
عساها للمطر روحٍ قضى مرباعها ماطل ... كساها ثوبها الأصفر,, وكانت تلبس الخضره
على الله ينجلي وقتٍ قضيته همٍ وغربال ... ويشع النور في قلبٍ غشى ليل الظلم فجره
على الله والولي الله وبامر الله يزين الحال ... ويضحك للزمن قلبٍ مع همومه قضى عمره

الشاعر .. مجهول لدينا