من أجمل أبيات ( الغزل ) ...!!!

[الشــــامخه]

قالوا تحبه قلت مــا هو بالحيل
بس انه أغلا شوي من نور عيني

يسوى جميع الجيل الأول وهالجيل
واحبابي المــــاضين والمقبلين

شوقي له أعظم من ظمى الأرض للسيل
واشفق عليــه أكثر من أم الجنيني

واحتاج له حاجة ثرى مصر للنيل
وعليه أغـــار أكثر من الوالدين

أشتــاق له شوق المحبين لليل
وارتــاح له راحت دموع الحزين

لا صار جنبي لو سنه وقتي بخيل
ولو غاب لو لحظة صارت سنيني

[الوافـــــي]

اتعبني الحلـم لين الواقع انكرني
كنّي مسـكت الفرج بيدي وهديته

مافيه داعي على فرقـاك تجبرني
حتى الجـفا منك ولّعني وحبيته

الجرح عدّى زمــانه لا تذكرني
هــذاك وقتٍ تعذرته وجافيته

لوشفت دمع القصايد كان تعذرني
تصور ان الشعر يضحك لي وبكيته ؟

ماغيروني يكود الله يغيــرني
كم واحد عنك يبعدني ورديتـه

وفيت وادري وفاي ما يصغرني
صوبت يم الهدف لكني أخطيته

خذني على صدرك الدافي وسيرني
بعض الولع ياخذ الرجال من بيته

ابنشــغل في عيونك لاتدورني
ودي بشي(ن) أشــوفه مابعد جيته

خليت قلبي معـك والله يصبرني
مبطي وانا أقـول: قلبي وين خليته؟

نسيت اعلمك: طيفك جا يسهرني
بس انت ماشفتني وشلوون ضميته!!

أشتقت لك مابغيتك عـاد تشكرني
ماكنك اللي على العــالم تمنيته



الشاعر / عطا الله فرحان

[حسن الطيباتي]

فكرة رائعة ولنبدأ......................
* كم إني أحبك
حتى أن نفسي من نفسها تتعجب
* وكذلك.............
عيناك عيناها وجيدك جيدهـــــــــــتالكن الساقان منك رقيق

[الحنين]

إن جيت تزهرفي ملاقاك الأرواح
وإن رحت يكسيها الذبول وتعاني
حلم التواصل لا غدى البال مرتاح
ويطيب معك الوصل طول الزماني

[ابن اليمامة]

لي حبيــب طحت في حبــه وقفى....ما دريت انا السبب والا ظروفه
والجروح اللى بصدري ما تخفى....ما يطيب الجرح ما دامـي ما شوفه
بو شفاه أحـلى من العسل المصفى....ودي اشرح غير باعجز عن وصوفه

[الشــــامخه]

خلّها يا باعث الفرحـات فلّـة
مابقى بالعمر كثر الّلي مضى لـي

...عطني من الحب سقوه ثم علّه
تزهـر الأيـام وتشـع الليالـي

...من بغى دربٍ سأل عنه ودلّـه
ما يرد المهتـوي صعـبٍ وغـالِ

...اطلق الخفّاق مـن قيـدٍ يتلّـه
كسّر الجنحان مقصـور الحبـالِ

...تبري الّلي صار به تسعين علّه
من نظر حالي نشدني كيف حالي؟!

...مابقى لي حال نشّ الحال كلّـه
الله يعديك ظلم الّلـي جـرى لـي

...كل شهر للقمـر هلّـه وطلّـه
وانت لك عامٍ وبدرك ما بدا لـي!!

[الحنين]

انتِ تدرين من انتِ
تدرين انك غديتي كل شي
وانك غديتي شمس ليلي
وفي الهجير الفي
وانك اصدق ماكتبت
وانك احزاني وفرحي
لي ضحكت او انجرحت
وانك غديتي ياعذابي
اغلى من حبي علي
قبل احبك ياما كذبني القصيد
بعد حبك صار يكتبني القصيد
هويوصفك بسمه وطرف
وانا اعشقك في كل حرف
منك شكا لي وصف حسنك اتعبه
وانا شكيتك عشقي لحبك اعجبه
مهما شكا ومهما وصف
انتِ احلى ماكتبت وانتِ اصدق ماكتبت
وانتِ احساسي وجرحي
لي ضحكت او انجرحت
وانتِ غديتي ياعذابي
اغلى من حبك علي

[الشــــامخه]

بـأحط قلبي بين يدينك هديه
وأقول لك كل عـام وأنت حبيبي
الله لا يغيـر عليك وعليـا
ياجعـل قلبك دوم حظـي ونصيبي


قلبـي خذيته لكن إنه شويه
تستـاهل أكثر يادواي وطبيبي
أمـوت فيك وأدري تموت أنت فيـا
محال ضنك في هوانـا يخيبـي


يحفظـك ربي طول الأيـام ليـا
تبقـى حبيبي من عيـوني قريبـي
ليـت السنيـن تكـون مثلك وفيـه
ولا تـاخذك مني وعنـي تغيبـي

[nassim]

لاتبكيياحبيبتي
*العصافيرتنتحر*ورموش*السنابل*تشرب*الليل*والقمر
صوتك*الحلو*قبلة*على*وتر*غصن*زيتون*بكى*في*المنى*باح ثا
عن*اصله*عن*الشمس*والقمر
لا*تبكي*يا*حبيبتي*

[نزار المصري]

يامن علمتني كيف يكون الشوق
انصتي.. يامن أحكمت حول خافقي الطوق
أسمع ندائك...أتخيل بريق عينيك
أشعر بدفء مشاعرك
أسمع وسط الفراشات همسك
أحلم بلمس اناملك وسط زهورك
فليخطفني عطرك

ليتك تقبل تواضع حرفي

لا اله الا الله