العودة   حوار الخيمة العربية > القسم الثقافي > صالون الخيمة الثقافي

« آخـــر الـــمـــشـــاركــــات »
         :: عمليات مجاهدي المقاومة العراقية (آخر رد :اقبـال)       :: اصلاحات حكومية - شدة لاتحلين وقرصة لاتثلمين واكلي لما تشبعين (آخر رد :اقبـال)       :: نقد كتاب نخب الذخائر في أحوال الجواهر (آخر رد :رضا البطاوى)       :: نقد كتاب أحاديث مسندة في أبواب القضاء (آخر رد :رضا البطاوى)       :: خطوبة هبة زاهد وحسن الشريف: (آخر رد :عبداللطيف أحمد فؤاد)       :: نقد كتاب فضائل أمير المؤمنين معاوية بن أبي سفيان (آخر رد :رضا البطاوى)       :: نقد كتاب التحصين في صفات العارفين من العزلة والخمول (آخر رد :رضا البطاوى)       :: قراءة فى زيارة أمير المؤمنين (آخر رد :رضا البطاوى)       :: ممثل خامنئي: على الحشد اقتلاع حارقي قنصليتنا بالنجف (آخر رد :اقبـال)       :: نقد كتاب الفرائض للثورى (آخر رد :رضا البطاوى)      

المشاركة في الموضوع
 
خيارات الموضوع بحث في هذا الموضوع طريقة العرض
قديم 22-09-2009, 09:56 PM   #1
ضياء الدين البري
عضو جديد
 
تاريخ التّسجيل: Jun 2009
المشاركات: 32
إفتراضي أكيد الضمير مخنوق ( بعد التعديل )

أكيد الضمير مخنوق ( بعد التعديل )




.........






من سنين






والقلب كان ساكِن هنا






عايش حزين






صابر ويحبس دمعته






مني أنا






لأن دا حكم القدر






حاسس مقـدَّر لهفته






وقد إيه كان الحَنين






كتيرعاتبني واتـفطر






حاولت اهـدِّي كام سنه






رغم المرارة والأنين






جوانا عايشه مهيمنه






فجأه مقالش مقدمه






شفته ف يوم هد السدود






كان نفسه يهرب م القُيود






يزعق ونادي بأعلي صوت






يوصل لأعلي م الفنار






إسمعني ياكل البشر ؟






بلاش نضايق نفسنا






مهما النتيجة تكون خطر






نحكي نفضفض أو نموت






همتنا هربت مننا






طفشت وشارده هي فين؟






داخت ونايمه ع الحدود






جوَّاها بير ملهوش قرار






تاهت من الظلم الحروف






في بحر وموجه كان غدار






قال الكلام وريحته خوف






كفايه إن الصهد نار






يحرق حيتان جوه البحار






خايف ياقلبي يجيك شرار






أو تنكوي بنار الكلام






ينسجن جواك نهار






تندفن قبرك جنون






هاتبقي أنثي ومستعار






طول عمري كنت باسمعك






كتير ياقلبي واقول ظنون






اسمح لي مرة أنصحك






إحكي لي ع اللي مجننك






وانا مش هامنعك






حتي ان كدبت هاصدقك






إن شطحت بره الحدود






لو طفيت ضي الشموع






لو محيت إسم الجدود






بس تحكي من غير دموع






الموضوع!






إني شايف من الناس عجايب






رحاية دايره من غير طحين






كله في البرواز حبايب






وكل واحد له عجين






قادوس يدوس حتي البراءة






من غير دقيق






بس بحداقه






كله في الفرن عيش






يطلع بارد






يطلع ساخن






المهم الناس تعيش






تلعب بيش






تكسب شيش






الخسران دافع بقشيش






والكسبان يطلع بمفيش






واللي بيخطف






يجري ويهرب






عايش بره ولا بيجيش






وان جه يرجع






مش ممنوع






الغلبان يمسك جرنال






يقرا كلامه بالمقلوب






بين صفحاته يشوف أهوال






جناين طارحة قوالب طوب






والحقيقه تبان ف دقيقه






وكل حياتنا نتوه ف جبال






كلمة قبيحة وكدبه جريئة






ياما قرينا كتير مكتوب






يغضب ناس مالهمش ذنوب






تنسي النوم وتبات ف الديقة






في الوطنيه تشوف تدقيق






والعفوية تجيب تحقيق






عايشين حيرة وماليه قلوب






ونشوف شطارة






مالية العبارة






متفصله من غير أصول






ونعرف بطل كله شهامه






نقرا المقاله






وصف برزاله






معاه ميدالية وكون مغلوب






وصوره عريانه






من غير أدب ولا ذوق






الدنيا مليانه




و ناس دايخة في جبانه


وناس قاسية






وناس عاصية






وناس خايبه وطالعة لفوق






واللي حياته شايله كدر






غلبان وعايش قلبه انكسر






وبنفس قنعانه






وتلاقي غيره مقتدر






والبطن صعرانه






يطلع عليه القمر






يتوه جواه ويغيب






ينسي الإله ويخيب






وياريته مره يفوق






كلام قلته






ويمكن سهل نسيانه






وف قلبي شلته






وبين السطور تبيانه






المعني جوه الضمير






عايش أكيد مخنوق






أشكركم






وللجميع تحياتي

آخر تعديل بواسطة المشرقي الإسلامي ، 19-10-2009 الساعة 07:40 PM.
ضياء الدين البري غير متصل   الرد مع إقتباس
قديم 19-10-2009, 07:51 PM   #2
المشرقي الإسلامي
أحمد محمد راشد
 
الصورة الرمزية لـ المشرقي الإسلامي
 
تاريخ التّسجيل: Nov 2003
الإقامة: مصر
المشاركات: 3,808
إفتراضي

بسم الله الرحمن الرحيم
أخي العزيز الحبيب ضياء الدين :
أهلاً بك وأستمحيك عذرًا على هذا التأخر الشديد في الرد على ما كتبت بوركت أناملك . العمل جيد ولا تكفي مشاركة واحدة لإيفائه حقه ، ولكن السمة الأكثر سلبية واللافتة للانتباه طول القصيدة بالشكل الذي قد يتشتت فيه القارئ ويفقد القدرة على التركيز . كما أن بالنص بعض العبارات التي
أشعر ويشعر أي متذوق للشعر -وليس بالضرورة أن يكون محترفًا- أنها أتت لإكمال النقص في القافية أو الوزن مثل :
في بحر وموجه كان غدار
وانا مش هامنعك والصحيح أن تكتب مش هامنعك لأن كلمة وانا جاءت زائدة أخلت بالوزن .
والحقيقه تبان ف دقيقه
وكل حياتنا نتوه ف جبانه
كلمة قبيحة وكدبه جريئه
ياما قرينا كتير مكتوب

نقرا المقاله
وصف برزاله

صورة عريانه
من غير أدب ولا ذوق !!
وكأن الصورة العارية من الممكن أن تأتي بذوق رفيع أو أديب سام ٍ



لكن بالمقابل اتسم ا لعمل بالعديد من النقاط الإيجابية التي تحسب لك وهي المونولوج المتمثل في الحوار بين النفس والضمير وذلك دون استخدام الضمير قال والنفس قالت ...
هناك العديد من الصور جاءت إيجابية للغاية وقوّت من النص كالقمر الذي يغيب ، والرحاية ،وأشياء أخرى غيرها أعدك بالعودة إليها بالتفصيل لاحقًا .
هذا ما تيسر لي ووعد بالعودة قريبًا بإذن الله .أتركك في حفظ الله والسلام عليكم ورحمة الله وبركاته.
__________________
هذا هو رأيي الشخصي المتواضع وسبحان من تفرد بالكمال

***
تهانينا للأحرار أحفاد المختار





آخر تعديل بواسطة المشرقي الإسلامي ، 19-10-2009 الساعة 08:12 PM.
المشرقي الإسلامي غير متصل   الرد مع إقتباس
قديم 22-10-2009, 09:45 PM   #3
ريّا
عضوة شرف
 
الصورة الرمزية لـ ريّا
 
تاريخ التّسجيل: Nov 2008
الإقامة: amman
المشاركات: 4,238
إفتراضي

مساء الفل
الحقيقة اكثر من رائعة ,,,,,,والضمير بجد مخنوق

دمت رائعا

لا تغيب
__________________
ريّا غير متصل   الرد مع إقتباس
المشاركة في الموضوع


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
You may not post new threads
You may not post replies
You may not post attachments
You may not edit your posts

BB code is متاح
كود [IMG] متاح
كود HTML غير متاح
الإنتقال السريع

Powered by vBulletin Version 3.7.3
Copyright ©2000 - 2019, Jelsoft Enterprises Ltd.
 
  . : AL TAMAYOZ : .