تجربة مريرة .. في رياض ليس للإسلام فيها إلا ما ندر
التعليم ما كان تجارة .. ولا للجاهل ستارة .. ده مسؤولية ومهارة مو كم كسب وكم خسر
دي تجربتي ف المدارس . كم سابقنا الفوارس واشتغلنا مافيش منافس حتى في عز المطر
اسألوا الدمـــام عني م العدامة للخــــبر .... اســألوا الشطآن عـــني حتى لو نصـف الـقمر
اســألوا هــيثم عنى .. تقديره نازل كالمطر ... اسـألوا ماقال عني .. كـم مـوجه حضر
اسألوا الزملاء عني.. سائلوا عني الغـفر ... وبقائي بــعد يومي .. كــــــــم من ليلة سـهر
علاقــتي بالزملاء حميمة لمة مختومة بعزيمة .. مــش بالجبنة القديمة ومعانا المدير فطر
الحصيني لما جانى ... بالشعار قد انبهــر ... قالوا ياســــر كم تبنى ؟ .. من ثريات الفـــكر
اسألوا التحفيظ عنا كم تلـــونا من سور ؟؟؟ واللا في الحـفل الختامي ... كم ثنـا وكم شــكر
بالكنترول أو في المتابعة للطلاب من قلبي نابعة وابو دلــي ساعتها قاللي بالوزارة قد ستر
الملفات لما ضاعت من عبد العاطي اللي باعت يطلب له كام مساعد إن كنتو عايزين استمر
قالوا مافيش اللا هوه في غرفة الفن اللي جوه دعيت ربي بكل قوة إني مغلـــــوب فانتصر
تركي قاللي فيه مسابقة في العلوم مالهاش سابقة مركبة في البحر سابقة بالجوايز ما افتكر
اســـــــــــــألوا المرجان لما ... جت مسـابقة عـــــــايزة همة ... م الولاد ومافــــيش مــفر
قالوا ياسر له مآثر هو ح يسد الخور ... قام ولاده رسموا رسمة .. أبدعوا أحلى الصور
كــم كتب من آية .. وكـــم من إعـلان سـطر .. كـم رسم من لوحة .. غـطوا بهـا كل الجـدر
للفونكس عملت مسرح عم حمزة عليه بيشرح لاجل الطالب مايسرح ..الجهاز كان في خطر
جت فكرة الــعب واتعــلم . قالوا مهاراتك يا معلم . عملت بغبغان يتكلم . سلم عليهم نفر نفر
كم أرضيت ضميري ... وتفانيت لغيري ... قالوا حبك يا ابن سنجر في القلوب ... قد استقر
لما الشغل زاد علــينا قالوا نعطيكم إضافي بعد شهرين قالــــوا مافي ... هو ده الفقر الدكر
لما عزام المطيري .. سـب أمي قلت طــيري.. يا استقالتي وهاتوا غيري لا ضرار ولا ضرر
اللي يؤسف يا جماعة حيوا عزام ف الإذاعة لأن ده أصل البضاعة مااحنا في سوق الخضر
دا المدرس له كرامة ... والله يستاهل سلامة .. والشعوب ترفع له هامة .. حتى عباد البقر
دي الكرامة أهم حاجة مش فلوس ولا أي حاجة راح تعوض لينا حاجة واللا تجبر ما انكسر
بلــغوا المأمون عني بلغوا عني عمر ... أن سيف الله مــاض ... فــــوق رقاب كـــل البشر
كم طمستم من علوم .. ومهارات كثر ؟؟ كم حفرتم .. كم دفنتم .. ؟؟ من مصـــــابيح الدرر
ورشة العمل اللي فاتت والبحث اللي خدوه وساكت غيروها بخط باهت وعليها اسمه اتحفر
النهارده ف إيده سلطة .. بكرة ح تجيله المحطة .. اللي ينزل فيها وحده .. لاسمير ولاسمر
أنصحكم بالله عليكم ... تنزلــوا الدين من عليكم ... هل نفعــــكم ماجمعتم من ريال أو دولر
من زمان كان قالوا حكمة علها في الوجه لكمة .. من سقى من كأس مر سوف يسقاها أمر
صـلي وســـلم ثـم بـــــــارك ربـــنا واختم لنا إيماننا مع الــــــــــــــنبي المصطفى خير البشر
هذا العمل ينتمي إلى فن يسمى فن (الحلمنتيش) وهو فن من فنون الشعر في مصر يجمع بين الفصحى والعامية .. هنا العمل كان لابد أن يُكتب بطريقة توضح أنه شعر فهو موزون على بحر الرمَـل.
ولا يكون هذا الفن متمسكًا بالضوابط الشعرية كالصورة الشعرية بل على العكس هو حالة من الرصد الآلي لكن بشكل ساخر غالبًا .. وتكون السخرية فيه مرِحة أو مريرة .
كثيرًا ما يطالعني هذا الاسم ياسر سنجر .. في الحقيقة هو عمل جميل ولا مجال لإعمال النقد الفني الموضوعي له .. هكذا يكون( الأدباتي)
من كل شيء وفي وعلى كل شيء يضحك وتظل ضحكات دموعه مختبئة ..
__________________
هذا هو رأيي الشخصي المتواضع وسبحان من تفرد بالكمال
اللهم صلي على سيدنا محمد وعلى اله وصحبه ومن والاه
لأول مرة أقرأ مثل هذا الاسلوب الساخر والمبكي بنفس الوقت يجمع بين العامية المصرية والفصيح .......سلمت أيديك يا ياسر.....رائع أنت
تجربة مريرة
فكر وحبر / ياسر سنجر
النمط الشجري
