مساجلة بالشعر النبطي ( شاركونا )

[على رسلك]

يفز له قلبي كما فزة الطير : والرجل كني اللي تحتهاغدرها

يا صبح عمري يا صباح التباشير : نوره ملا قلبي وروحي غمرها

عقب الفراق اللي تعدى المحاذير : يبس غصون القلب جافي دهرها

ربَع بروحي عقب ما هي معاسير : سحابة هلت بقلبي مطرها

[أوراق الخريف]

هذا ضحى شمسي وهذاك ضله

واللــيل رعـشت ساريـات المواقـيـت

ا نـعمة النسيـان يــا رحمــة الله

لـولاك أنا عزاه وش كان سويـت

[على رسلك]

تودعها وداع اللي ركز صدره على شلفاه

وحس الروح في جوفه تشبث بين ضلعيني

نزعها في يده واونس لظاها في جميع اعضاه

تلوى به وتصرخ كيف ابظهر من شراييني

[الحوفزان]

يالله من خدٍّ عن الود صدّاد...
تالي قمر شقه من الزين باريه..
سلاّل من جفنه مراهيفٍ احداد...
من شاف عيني ابخلوة الناس تاتيه...
يا زين خوفه يوم جيته بميعاد...
من الله مقدورٍ ويا حظوتي فيه..
بعّد على قربٍ وقربت ببعاد..
وكل ما يمر شبرٍ من البعد أطويه..
خلى كلامه عن مقاصيده ابواد..
وعلقن من سكر الهوى بين عينيه..

[على رسلك]

هلا باللي على خده علامه :: غريب الوصف شامه فوق شامه

كثير الزين يوم اقبل وسلم :: فرض حبه وقدره واحترامه

يداعب دقه الخافق حديثه :: ويلمس جرحي الخافي كلامه

[الحوفزان]

هلا بالمسك والعنبر
هلا يا ناشر اطيابه
هلا باللي إذا أسفر
يزين مجلس احبابه

[على رسلك]

هبت هبوب النصر من سبع الاطباق / للدين عز ونقمة للخنازير

زان الكلام ودن لي بعض الاوراق / اكتب ثنا الله على حسن تدبير

[غــيــث]

راحت حياة أجدادنا هـم وغرابيـل وبـلا......

**** مامنهم اللي عايش (ن) عيشة سعيدة هانية


ظلالهم غصن الشجر وفراشهم قشع وكـلا.......

*****ماهم مثل من جت حياته عند رجله دانيـة

[على رسلك]

هلا بالجرح ما دامه بقايا ريحة أحبابي

هلا بالدمع لعيوني ولو غطى محاجرها

[غــيــث]

الله من همن على القلـب مركـاه **** همن لجا بين الضلـوع المحانـي

يمد دلـوه لـي ويجـود برشـاه **** حتى الليالي اصبحن لـه سوانـي

وغديت مثل اللي نقـل داه بـرداه *** واللي دهى قيـس(ن) بليلـى دهانـي